SuperAngkor News | Cambodia News | Khmer News | World News | News | Health | Technoloy | Star | Travel

ក្រុមអ្នកស្រាវជ្រាវរបស់សហរដ្ឋអាមេរិកបាននិយាយថា ស្ត្រីផឹកកាហ្វេត្រឹម២ពែងក្នុងមួយថ្ងៃជួយបង្កើនកម្រិតអ័រម៉ូនភេទ oestrogen ។ ប៉ុន្តែបញ្ហានេះ វាក៏អាស្រ័យលើជាតិសាសន៍ផ្សេងៗគ្នាផងដែរ។ នេះមានន័យថា ការកើនឡើងឬថយចុះវាអាស្រ័យទៅតាមជាតិសាសន៍នៃប្រទេសនានា ។

សម្រាប់បណ្តាស្ត្រីអាស៊ី អ្នកស្រាវជ្រាវរកឃើញថា អ្នកដែលប្រើប្រាស់សារធាតុកាហ្វេអីុនប្រមាណ២០០មីល្លីក្រាមក្នុងមួយថ្ងៃដែលស្មើនឹង២ពែងរបស់ជនជាតិអាមេរិក កម្រិតអ័រម៉ូនoestrogen មានការកើនឡើងធៀបនឹងអ្នកដែលប្រើប្រាស់តិចតួច ។

ផ្ទុយពីនេះសម្រាប់បណ្តាស្ត្រីស្បែក.សដែលប្រើប្រាស់កាហ្វេក្នុងបរិមាណស្មើគ្នានឹងស្ត្រីអាស៊ី កម្រិតអ័រម៉ូន oestrogen របស់ពួកគេមានការថយចុះតិចតួចធៀបនឹងអ្នកដែលប្រើប្រាស់ម្តងម្កាល ។ ចំណែកបណ្តាស្ត្រីស្បែកខ្មៅវិញ គឺមានការផ្លាស់ប្តូរបន្តិចបន្តួចប៉ុណ្ណោះ ។

លទ្ធផលនៃការសិក្សាខាងលើនេះធ្វើឡើងដោយក្រុមអ្នកស្រាវជ្រាវរបស់សាកលវិទ្យាល័យ University of Utah សហរដ្ឋអាមេរិកដែលបានពិសោធន៍លើស្ត្រីជាង២៥០នាក់ចន្លោះពីឆ្នាំ២០០៥ដល់២០០៧ ។

ប៉ុន្តែបណ្តាស្ត្រីដែលទទួលបានសារធាតុកាហ្វេអីុនតាមរយៈការទទួលទានភេសជ្ជៈមានពពុះនិងតែបៃតង កម្រិតអ័រម៉ូន oestrogenកើតឡើងខ្ពស់មិនថាពួកគេជាជាតិសាសន៍អ្វីនោះទេ ។

វេជ្ជបណ្ឌិត Enrique Schisterman មកពីវិទ្យាស្ថានជាតិសុខភាពបាននិយាយថា លទ្ធផលនៃការសិក្សាលើកនេះបានចង្អុលបង្ហាញថា ការប្រើប្រាស់កាហ្វេអ៊ីនក្នុងចំណោមស្ត្រីដែលស្ថិតក្នុងវ័យមានកូនពិតជាមានឥទ្ធិពលលើកម្រិតអ័រម៉ូន oestrogen ។ រយៈពេលខ្លី ការប្រែប្រួលកម្រិត oestrogen ក្នុងចំណោមក្រុមស្ត្រីជាតិសាសន៍ផ្សេងគ្នាមិនបានបង្ហាញថាមានផលប៉ះពាល់ណាមួយឡើយ។ យើងដឹងថា ការប្រែប្រួលកម្រិតអ័រម៉ូន oestrogen វាជាប់ទាក់ទងទៅនឹងភាពមិនប្រក្រតីមួយចំនួនមានដូចជាEndometriosis (ទាក់ទងនឹងជំងឺស្បូនមួយបែប) osteoporosis (ជំងឺពុកឆ្អឹង)ជំងឺមហារីកស្បូន (endometrial) មហារីកដោះ និងមហារីកអូវែរ ៕