SuperAngkor News | Cambodia News | Khmer News | World News | News | Health | Technoloy | Star | Travel

សកម្មភាពនៃការបញ្ជូនរូបភាពសិចច្បាស់ៗតាមរយៈសារជាអត្ថបទឬក៏អីុម៉េលបានក្លាយទៅជាបាតុភូតមួយកើតឡើងទូទាំងសាកលលោកជាច្រើនឆ្នាំចុងក្រោយនេះ ។ ខណៈដោយមានការចូលរួមពីមនុស្សទាំង២ភេទ សកម្មភាពនេះវាអាចក្លាយជារឿងមួយដ៏ភ្ញាក់ផ្អើលដោយដឹងថា ស្ត្រីចូលចិត្តសកម្មភាពបែបនេះច្រើនជាងបុរស ។
ក្រុមអ្នកស្រាវជ្រាវដែលកំពុងសិក្សាលើផ្នែកសិច និងការទំនាក់ទំនងគ្នាតាមប្រព័ន្ធអេឡិចត្រូនិចបានសាកសួរបុរសនិងស្ត្រីប្រមាណ៥១៨៧នាក់ ។ ភាគច្រើនមនុស្សទាំងនេះជាម្ចាស់គេហទំព័រសម្រាប់អ្នករៀបការរួចស្វែងរកការសប្បាយជាមួយដៃគូច្រើន ។

ជាលទ្ធផលគេរកឃើញថា បុរសក៏ដូចជាស្ត្រីដែរ បានភូតកុហកដៃគូរបស់ខ្លួនទាំងតាមអនឡាញនិងតាមជីវិតពិត។ ២/៣នៃបុរសនិងស្ត្រីសុទ្ធតែបាននិយាយភូតកុហកតាមអនឡាញ ខណៈ៣/៤បានទទួលស្គាល់ថា ខ្លួនមានស្នេហាលួចលាក់នៅខាងក្រៅផ្ទះ។ ចំពោះបុរសវិញគឺច្រើនតែអ្នកមានវ័យចាស់ដែលចូលចិត្តធ្វើសកម្មភាពផ្តេសផ្តាសខាងលើនេះ ។

បណ្តាអ្នកនិពន្ធការសិក្សាលើកនេះបាននិយាយថា ការស្រាវជ្រាវរបស់យើងលើកនេះបានបង្ហាញថា ខណៈដែលបច្ចេកវិជ្ជាមានការផ្លាស់ប្តូរ វិធីដែលមនុស្សស្វែងរកការជួបគ្នា និងទាក់ទាញដៃគូរបស់ខ្លួនក៏ផ្លាស់ប្តូរទៅតាមនោះផងដែរ ។ នៅពេលដែលទីតាំងណឹតវើកទាំងឡាយត្រូវបានគេកំពុងប្រើប្រាស់ទំនាក់ទំនងគ្នានៅក្នុងសង្គមក្នុងចំនួនមួយដែលមានការកើនឡើង មនុស្សទាំងឡាយបន្តចាប់អារម្មណ៍កាន់តែខ្លាំងស្វែងរកដៃគូដោយផ្ទាល់មុខជាជាងតាមអនឡាញ ។ វាហាក់ដូចជាថា ក្នុងករណីខ្លះនៃការទំនាក់ទំនងគ្នា យើងចាំបាច់ត្រូវការជួបមុខគ្នាដោយផ្ទាល់។

សូមបញ្ជាក់ថា ការរកឃើញនេះត្រូវបានបោះពុម្ភផ្សាយតាមគេហទំព័ររបស់ព្រឹត្តិប័ត្រ Springer's journal Sexuality and Culture ៕