SuperAngkor News | Cambodia News | Khmer News | World News | News | Health | Technoloy | Star | Travel

ដោយសារតែបចេ្ចកវិទ្យាជឿនលឿន ស្ត្រីនិងបុរសជាច្រើនបានជ្រើសរើសវិធីបញ្ឈប់ការបង្កកំណើតដោយការចង់ដៃស្បូន និងចងបំពង់បង្ហូរមេជីវិតឈ្មោល។

វិធីសាស្ត្រ២ចំណុចដើម្បីបញ្ជ្រាបនូវចំណេះដឹងនេះ ៖

១-ការចងដៃស្បូន គឺជាវិធីបញ្ឈប់កំណើតមិនឲ្យមានកូនរហូត ។ រាល់ការចងដៃស្បូនអាចធ្វើបានគ្រប់ពេលដែលប្រកដថា ស្ត្រីគ្មានផ្ទៃពោះរហូត និងអាចធ្វើបាននៅពេល៖
-ក្នុងកំឡុងពេលមករដូវ
-ក្រោយការរំលូតឬរលូតរយៈពេល៤៨ម៉ោង
-ក្នុងចន្លោះពេលសម្រាលកូនរួចបាន៧ថ្ងៃ
-ចាប់ពី៦សប្តាហ៍ក្រោយការសម្រាលហើយជាដើម ។

ការចងដៃស្បូនអាចមានប្រសិទ្ធភាពខ្ពស់រហូតដល់ជិតមួយរយភាគរយ បើសិនជាការវះកាត់ចងឱ្យបានត្រឹមត្រូវ និងជាពិសេសមិនមានផលរំខានអ្វីឡើយបើទោះជាការរួមភេទស្ថិតក្នុងកម្រិតណាក៏ដោយ ។ ចងដៃស្បួនរួចមិនអាចធ្វើការស្រាយតភ្ជាប់មុខវះកាត់នោះឲ្យដូចដើមវិញបានឡើយ។

២-ការចងបំពង់បង្ហូរមេជីវិតឈ្មោល គឺជាវិធីបញ្ឈប់កំណើតមិនឲ្យមានកូនរហូត ដូចជាការចងដៃស្បូនអីុចឹងដែរ។ ការចងនេះ អាចធ្វើបានគ្រប់ពេលក្រោយពីធ្វើការពិគ្រោះពិភាក្សាបានត្រឹមត្រូវជាមួយគ្រូពេទ្យ។ គុណសម្បត្តិនៃការចងបំពង់បង្ហូរមេជីវិតឈ្មោលនេះមានដូចជា៖
-មានប្រសិទ្ធភាពខ្ពស់ហូរដល់ទៅ៩៩,៨ភាគរយ ប្រសិនបើការវះចងធ្វើបានត្រឹមត្រួវ។
-សមស្របចំពោះបុរសដែលមិនចង់បានកូនតទៅទៀត។
-គ្មានអារម្មណ៍ភ័យខ្លាចមានកូនពេលរួមភេទសោះឡើយ។
-គ្មានផលរំខានបន្ទាប់បន្សំអ្វីទាំងអស់។
-ពេលរួមភេទទឹកកាមអាចនឹងបាញ់ចេញយា៉ងរំជើបរំជួលធម្មតា គ្រាន់តែគ្មានមេជីវិតឈ្មោលតែប៉ុណ្ណោះ។
-ការចងបំពង់បង្ហូរមេជីវិតឈ្មោលមិនធ្វើឲ្យបាត់បង់សមត្ថភាពផ្លួវភេទនោះទេ។

យ៉ាងណាមិញបន្ទាប់ពីធ្វើការវះចង គូស្វាមីភរិយាត្រូវតែប្រើស្រោមអនាម័យឬមធ្យោបាយពន្យារកំណើតដទៃទៀតចំនួន៣ខែ។ ការចងដៃស្បូននិងចងបំពង់បង្ហូរមេជីវិតឈ្មាលក៏មានលក្ខខណ្ឌផងដែរដូចជា៖
-ប្រសិនបើស្ត្រីមានអាយុតិចជាង៣០ឆ្នាំ ត្រូវមានកូនយ៉ាងតិច៣នាក់ ហើយកូនទី៣ត្រូវតែមានអាយុយ៉ាងតិចបំផុត២ឆ្នាំ។
-ប្រសិនបើស្ត្រីមានអាយុច្រើនជា៣០ឆ្នាំត្រូវតែមានកូនយ៉ាងតិច២នាក់ ហើយកូនទី២ត្រូវមានអាយុយ៉ាងតិច២ឆ្នាំ ។
-ត្រូវតែមានការឯកភាពគ្នារវាងគូស្វាមីភរិយាជាមុនសិនចំពោះការសម្រេចចិត្តធ្វើកិច្ចនេះ ៕