|
ហេតុអ្វីប៉េងប៉ោះបន្ថយហានិភ័យ ជំងឺដាច់សរសៃឈាមខួរក្បាល?
|
|
September 21, 2015 (04:24:55)
|
[ 1642 ] |
|
| |
|
|
| |
ការស្រាវជ្រាវថ្មីមួយបានចង្អុលបង្ហាញថា ការញ៉ាំផ្លែប៉េងប៉ោះ និងអាហារផ្សេងៗដែលមានប៉េងប៉ោះត្រូវបានផ្សារភ្ជាប់ទៅនឹងការថយចុះហានិភ័យនៃជំងឺដាច់សរសៃឈាមខួរក្បាល។ ផ្លែប៉េងប៉ោះគឺសំបូរទៅដោយសារធាតុប្រឆាំងនឹងអុកស៊ីតកម្ម lycopene។
អ្នកស្រាវជ្រាវបានពិនិត្យលើកម្រិតនៃ lycopene នៅក្នុងឈាមលើបុរសជនជាតិហ្វាំងឡង់ជាង១,០០០នាក់ ដែលមានអាយុពី៤៦ឆ្នាំ ទៅ៦៥ឆ្នាំអំឡុងពេលនៃការចាប់ផ្តើមនៃការស្រាវជ្រាវ ហើយបន្ទាប់មកបានតាមដានពួកគេអស់រយៈពេលជា១២ឆ្នាំ។ អំឡុងពេលនៃការតាមដាន បុរស៦៧នាក់ទទួលរងជំងឺដាច់សរសៃឈាមខួរក្បាល។
ជាសរុប បុរសដែលមានកម្រិត lycopene ខ្ពស់បំផុតគឺមាន៥៥%ដែលហាក់ដូចជាមិនមានជំងឺដាច់សរសៃឈាមខួរក្បាលជាងអ្នកដែលមានកម្រិតប្រឆាំងអុកស៊ីតកម្មនេះតិចបំផុត។ នៅពេលដែលអ្នកស្រាវជ្រាវសំដៅលើតែជំងឺដាច់សរសៃឈាមខួរក្បាលតែមួយដែលត្រូវបានបង្កឡើងដោយកំណកឈាម ពួកគេបានរកឃើញថា បុរសដែលមានកម្រិត lycopene ខ្ពស់បំផុតគឺមាន៥៩%ដែលហាក់ដូចជាមិនមានជំងឺដាច់សរសៃឈាមខួរក្បាលជាងអ្នកដែលមានកម្រិតនេះទាបបំផុត។
អ្នកស្រាវជ្រាវបានរកមិនឃើញពីការផ្សារភ្ជាប់គ្នារវាងហានិភ័យនៃជំងឺដាច់សរសៃឈាមខួរក្បាល និងកម្រិតអ្នកប្រឆាំងអុកស៊ីតកម្ម alpha-carotene, beta-carotene, alpha-tocopherol និងretinol នៅក្នុងឈាមនោះទេ នេះដោយយោងតាមការចេញផ្សាយនៅក្នុង Neurology។
ជូនី កាពី (Jouni Karppi) ដែលមកពីសាកលវិទ្យាល័យ Eastern Finland បាននិយាយថា ការស្រាវជ្រាវនេះបន្ថែមទៅលើការបង្ហាញថា អាហារដែលជាផ្លែឈើ និងបន្លែត្រូវបានផ្សារភ្ជាប់ជាមួយនឹងការថយចុះហានិភ័យនៃជំងឺដាច់សរសៃឈាមខួរក្បាល។ លទ្ធផលបានគាំទ្រដល់ការណែនាំដែលមនុស្សគួរតែញ៉ាំបន្លែ និងផ្លែឈើអោយបានច្រើនក្នុងមួយថ្ងៃៗ ដែលនាំអោយមានការថយចុះខ្លាំងចំពោះចំនួននៃជំងឺដាច់សរសៃឈាមខួរក្បាល។
វេជ្ជបណ្ឌិត រ៉ាហ្វាអែល អរធីស (Rafael Ortiz) ជាប្រធានផ្នែកមជ្ឈមណ្ឌលនៃជំងឺដាច់សរសៃឈាមខួរក្បាល និងខាងផ្នែកវះកាត់ប្រព័ន្ធប្រសាទ សរសៃឈាមខាងក្នុងនៅមន្ទីរពេទ្យ Lenox Hill ក្នុងទីក្រុងញូវយ៉កបាននិយាយថា ការស្រាវជ្រាវនេះបានបង្ហាញពីទំនាក់ទំនងផ្ទាល់ពីកំហាប់ខ្ពស់នៃ lycopene នៅក្នុងឈាម និងការថយចុះអត្រានៃជំងឺដាច់សរសៃឈាមខួរក្បាល។ អ្នកជក់បារីបានបន្ថយកម្រិតនៃ lycopene។ Lycopene គឺជាអ្នកប្រឆាំងអុកស៊ីតកម្មមួយ បន្ថយការរលាក ផ្តល់ភាពប្រសើរឡើងដល់មុខងារនៃប្រព័ន្ធភាពស៊ាំ និងការពារការកកើតជាកំណកឈាម។
អរធីសបានបន្ថែម ការស្រាវជ្រាវបានបង្ហាញថា មនុស្សគួរតែញ៉ាំអាហារដែលជាបន្លែ និងផ្លែឈើអោយបានច្រើនជាពិសេសផ្លែប៉េងប៉ោះ ហើយជៀសវាងការជក់បារីដើម្បីបន្ថយហានិភ័យនៃការមានជំងឺដាច់សរសៃឈាមខួរក្បាល៕
|
|
|
| . |
|
|
 |
|
|
| . |
|
|
រៀល កម្ពុជា (1US$: KHR)
|
4015 |
4022 |
|
បាត ថៃឡង់ (1US$: THB)
|
31.48 |
31.55 |
|
ដុង វៀតណាម (1US$: VND)
|
22,720 |
22,800 |
|
ដុល្លារ ហុងកុង (1US$: HKD)
|
7.75 |
7.87 |
|
យ៉េន ជប៉ុន (100JPY: US$)
|
0.905 |
0.910 |
|
ដុល្លារ សឹង្ហបុរី (10SGD: US$)
|
7.58 |
7.63 |
|
រីងហ្គីត ម៉ាឡេស៊ី (10MYR: US$)
|
2.55 |
2.57 |
|
ផោន អង់គ្លេស (1GBP: US$)
|
1.405 |
1.410 |
|
យូរ៉ូ អឺរ៉ុប (1EUR: US$)
|
1.240 |
1.245 |
|
ហ្វ្រង់ ស្វីស (1CHF: US$)
|
0.905 |
0.910 |
|
ដុល្លារ អូស្ត្រាលី (1AUD: US$)
|
0.787 |
0.792 |
|
ដុល្លារ កាណាដា (1CAD: US$)
|
0.800 |
0.805 |
|
មាស គីឡូ (1CHI: US$)
|
160.5 |
161.5 |
|
កែប្រែរចុងក្រោយ ៖
09 - February - 2018
|
|
|
.gif)
