SuperAngkor News | Cambodia News | Khmer News | World News | News | Health | Technoloy | Star | Travel

ចិនជាប្រទេសធំមួយ រួមទាំងមានប្រជាជនដ៏ច្រើនលើសលប់ ដោយសារតែកំណើនប្រជាជនជនយ៉ាងច្រើន ចិនត្រូវការស្បៀងអាហារកាន់តែខ្លាំងឡើង ហើយបើចំពោះប្រជាជនមានជីវភាពមិនប្រសើរវិញរឹតតែជាបញ្ហា។ ខណៈដែលមានតម្រូវការយ៉ាងសម្បើម ធ្វើអោយជនអប្រិយ ឆ្លៀតឱកាស យកផលចំនេញ ផលិតអាហារបង្កហានិភ័យ ដល់អ្នកប្រើប្រាស់ ដូចមានរៀបរាប់ខាងក្រោម៖

១. នំប៉ាវញាត់ក្រដាស់ឡាំង

អាហារតាមដងផ្លូវ ជាប្រភពដែលមនុស្សទូទៅ ពិសេសអ្នកមានជីវភាពខ្សត់ខ្សោយចូលចិត្តទិញ តែក៏ជាកន្លែងប្រមូលផ្ដុំ នូវម្ហួបអាហារ ប៉ះពាល់ដល់សុខភាពខ្លាំងណាស់ដែរ។

មិនថាតែ អាហារតាមចិញ្ចើមផ្លូវទេ សូម្បីតែកន្លែងហាងធំៗក៏អាចលក់អាហារមានសារជាតិពុលដល់អ្នកទិញដូចគ្នា ដោយសារតែមានពាក្យចចាមអារ៉ាមថា អ្នកលក់តាមដងផ្លូវ ក្នុងទីក្រុង Beijing លក់នំប៉ាវដាក់ស្នូលក្រដាស់ឡាំង។ហើយរឿងមួយនេះក៏មានការចុះផ្សាយ លើទំព័រកាសែតចិនក្នុងឆ្នាំ ២០០៧ ទៀតផង។

នំប៉ាវមួយនេះ ធ្វើការផលិតដោយយកក្រដាស់ឡាំង ទៅត្រាំក្នុងសារធាតុគីមីម្យ៉ាង ដើម្បីអោយវាឡើងទន់ រួចហើយច្របល់ក្រដាស់ ជាមួយនឹងសាច់ និង យកទៅញាត់ចូលក្នុងនំប៉ាវ។

យើងមិនដឹងថាសារធាតុបន្ទន់មួយនោះ នឹងបន្ទន់ពោះវៀន បន្ទន់គ្រឿងក្នុងមនុស្សដែររឺអត់ផង? ពួកគេនេះពិតជាព្រៃផ្សៃមែនទែន!

២.សាច់ក្លែងក្លាយ ធ្វើពីសាច់កណ្ដុរ

កាលពី ២ឆ្នាំមុន មនុស្សជិតមួយពាន់នាក់ ត្រូវបានចាប់ខ្លួន ពីបទផលិតសាច់ក្លែងក្លាយធ្វើពីសាច់កណ្ដុរ ។ តាមការសើបអង្កេត ដំណើរការផលិតនោះគ្មានអនាម័យត្រឹមត្រូវ សោះឡើយ។

ប៉ូលីសបាននិយាយថា ពួកជនទុច្ចរិតចូលចិត្តប្រើ សារធាតុ ដែលគេហាមឃាត់ យកទៅផលិតសាច់ អោយមើល ទៅមានរូបរាងដូចសាច់គោ សាច់ជ្រូកជាដើម។

ជាងនេះទៀត គេចាក់បញ្ចូលទឹកទៅក្នុងសាច់កណ្ដុរនោះថែមទៀត ដើម្បីអោយបានគីឡូកាន់តែធ្ងន់ ។ ហើយគេមិនបានដឹងថា កណ្ដុរដែលយកមកធ្វើ កណ្ដុរស្រុក រឺកណ្ដុរស្រែផង។

៣.សរសៃគុយទាវ ក្លែងក្លាយ

កាលពីឆ្នាំ ២០១០ មានរោងចក្រ ដល់ទៅ៥០ នៅប្រទេសចិនភាគខាងជើង ជិតទីក្រុងDongguan គេរកឃើញថាមានសង្វាក់ផលិតកម្ម ធ្វើសរសៃគុយទាវ ពីធញ្ញជាតិស្អុយរលួយ រួមទាំងអាចមានផ្ទុកសារធាតុពិលផងដែរ។

គេដឹងថា មុនពេលសមត្ថកិច្ចបិទការផលិត រោងចក្រទាំងនោះបានលក់គុយទាវ ដល់ទៅជិត ១.១ លានផោន ជារៀងរាល់ថ្ងៃ បាត់ទៅហើយ។

៤.សណ្ដែកដី ដាក់ស៊ីម៉ង់

តម្លៃសណ្ដែកដីម្យ៉ាងមានថ្លៃកាន់តែខ្ពស់ទៅៗពីមួយឆ្នាំៗ ហេតុនេះដើម្បីបង្កើនប្រាក់ចំនេញ ជនខិលខូច ប្រមូលសំបកសណ្ដែកដី ហើយដាក់ញាត់ក្រដាស់ ព្រមទាំងដាក់ដុំថ្មីស៊ីម៉ង់ និង បិទកាវដើម្បីអោយវាជាប់គ្នាល្អ។ គេអាចរកបានប្រាក់ ចំនេញកាន់តែច្រើន បើសិនជាមានការវេចខ្ចប់កាន់តែបានល្អ។

អ្វីដែលកាន់តែបារម្ភនោះគឺ រហូតមកដល់ឥឡូវ សណ្ដែកដីនេះនៅតែបន្ដលក់នៅក្នុងប្រទេសចិនដដែល។

៥.គំរបកំប៉ុងទឹកដោះគោ

នៅឆ្នាំ ២០០៩ កុមារតូចៗ ៥៣០០០នាក់ ក្នុងប្រទេសចិន បានឆ្លងជំងឺ ក្រោយពីពួកគេផឹកទឹកដោះគោ ។

ចំនែកខាងក្រុមហ៊ុនទឹកដោះថា គេចង់ធ្វើអោយគំរកកំប៉ុងទឹកដោះគោ កាន់តែមានគុណភាពល្អ ដើម្បីអោយវាជួយបង្កើន ជាតិប្រូតេអ៊ីនដែលមានក្នុងទឹកដោះគោ។

ផ្ទុយទៅវិញ គំរបកំប៉ុងទឹកដោះគោជ័រ នោះប្រៀបដូចជាសារធាតុពុល ស្យានីត ដែលបង្កផលប៉ះពាល់ដល់ជីវិតមនុស្ស។
យោងតាមសេចក្ដីរាយការណ៍បានអោយដឹងថា ទឹកដោះគោ ជាប់ជាតិពុលពីគំរក កំប៉ុង បានសម្លាប់ជីវិតកុមារ ដល់ទៅ ៤នាក់ ។

៦.ពងទា ពងមាន់ ជ័រ

អ្នកប្រហែលជាមិនជឿ តែវាជារឿងពិត ពងទា ពងមាននោះ កើតឡើង ដោយគ្រាន់តែ គេយកកាកសំណល់ ពីរោងចក្រ មកផលិតប៉ុណ្ណោះ។

ក្រុមហ៊ុនអាហារ នៅចិន មួយចំនួន ប្រើប្រាស់វិធីនេះ ដើម្បីផលិត និង ចែកចាយ ស៊ុតក្លែងក្លាយទៅដល់អតិថិជន។
ស៊ុតនេះ ហាក់ដូចជាផលិតដោយ កន្លែងពិសោធន៍មួយ ហើយផលិតចេញពីជាតិស្នែង ទឹក និង លក្ខណ៍ ចំនែកសំបកស៊ុត ធ្វើពីក្រមួន។

៧.អង្ករក្លែងក្លាយ

អ្នកយកការណ៍មកពី Taiyuan ក្នុងខេត្ត Shaanxi ប្រទេសចិនបានប្រាប់អោយដំណឹងថា មានការ ចែកចាយអង្ករក្លែងក្លាយ!

ទាក់ទិននឹងបញ្ហានេះដែរ អង្ករក្លែងក្លាយត្រូវបានគេលក់ ពាសពេញទីប្រជុំជន ម្យ៉ាងទៀតគេផលិតវាតាមរយៈការលាយ ដំឡូង ជាមួយនឹង ជ័រប្លាស្ទិច។សមត្ថកិច្ចចិនខិតខំណាស់ដែរដើម្បីវែកមុខរកជនល្មើស មកដាក់ទោស។

គេដឹងថាការបរិភោគបាយ ៣ចាន ពីអង្ករក្លែងក្លាយមួយនេះ ប្រៀបបាននឹងហូប ថង់ជ័រ មួយអីចឹងដែរ។

៨.ស្រាក្រហម ក្លែងក្លាយ

ក្នុងចំនោមប្រភេទ ម្ហូបអាហារក្លែងបន្លំទាំងអស់ ភាគច្រើនជាស្រាក្រហម។ ប្រជាជនដែល មិនស្គាល់ពីប្រភេទស្រា តែងតែចាញ់បោក ដោយសារតែរូបរាងស្រាមើលទៅមានភាពថ្លៃថ្នូរ និង មានបិទយីហោយ៉ាងប្រណិត។ តែបើសិន ជាទទួលទានវាទៅ ទើបដឹងថាស្រានេះមិនខុសអីពីទឹកផ្លែឈើសាមញ្ញនោះឡើយ។

៩. ជាតិផូស្វ័រក្នុងសាច់

កាលពីឆ្នាំ ២០១១ នារីម្នាក់បានទិញ សាច់មួយផោន ធ្វើអាហារពេលល្ងាច ហើយពេលទទួលទានរួច ភ្លេចយកសាច់នៅសល់ទៅទុក ដល់ពាក់កណ្ដាលយប់ ចុះទៅរកទឹកផឹក ស្រាប់តែឃើញមាន ជ័រភ្លឺៗនៅលើតុបាយ។ នាងស្រឡាំងកាំង ព្រោះជ័រនោះជាសាច់ជ្រូក ដែលខ្លួនបានលេបចូលក្នុងពោះ កាលពីល្ងាចមិញនោះឯង។

បើតាមការវិភាគដោយក្រសួងអាហារ បានអោយដឹងថា សាច់នោះផលិតចេញពី ជាតិផូស្វ័រ ជាជាតិដែលបង្កគ្រោះ ថ្នាក់ យ៉ាងធ្ងន់ធ្ងរដល់ សុខភាពមនុស្ស៕

ប្រភព៖ wereblog

សូមទស្សនាវីដេអូ ៖