SuperAngkor News | Cambodia News | Khmer News | World News | News | Health | Technoloy | Star | Travel

សក់គឺជាផ្នែកមួយដ៏សំខាន់ដែលអាចជួយលើកកម្ពស់សម្រស់របស់លោកអ្នកឲ្យកាន់តែមានភាពស្រស់ស្អាត ហើយវាក៏ជាអ្នកការពារស្បែកក្បាលពីពន្លឺព្រះអាទិត្យផងដែរ។ ប៉ុន្តែប្រសិនបើអ្នកបណ្តែតបណ្តោយឲ្យសក់ចេះតែជ្រុះជារៀងរាល់ថ្ងៃ មិនយូរទេអ្នកនឹងអស់សក់ពីលើក្បាយ ហើយថែមទាំងបាត់បង់ភាពទាក់ទាញថែមទៀត។ ហេតុនេះអ្នកគួរតែយកចិត្តទុកដាក់ក្នុងការថែរក្សាសក់ឲ្យបានម៉ត់ហ្មត់ដើម្បីបញ្ចប់នូវបញ្ហាជ្រុះសក់នេះ។

១.ផ្លែក្រូច
រសជាតិផ្អែមដែលមាននៅក្នុងផ្លែក្រូច គឺជាគុណប្រយោជន៏ដ៏ល្អមួយ សម្រាប់សក់របស់អ្នក។ នៅក្នុងនោះផងដែរ ផ្លែក្រូចក៏ជាប្រភេទផ្លែឈើដែឡជំនួយមួយដល់ការរីលូតលាស់របស់សក់ ក៏ដូចជាព្យាបាលសក់ជ្រុះផងដែរ។

២.ក្រូចថ្លុង
ក្រូចថ្លុងគឺជាប្រភេទផ្លែឈើជូអែម សម្បូរនូវជាតិវីតាមីន C ដែលជាសារធាតុប្រឆាំងអុកស៊ីតកម្ម បង្កើននូវចលនាឈាមរត់ ដូចនេះហើយវាអាចជួយកាត់បន្ថយ ក៏ដូចជាការពារការសក់ជ្រុះ។

៣.ក្រូចឆ្មា
ក្រូចឆ្មាអាចជួយឲ្យស្បែកអ្នកស្រស់ស្អាត ហើយក៏មានផលប្រយោជន៏ច្រើនលើសលប់ផងដែរសម្រាប់សសៃសក់។ អ្នកគួរតែអនុរត្តន៏ដោយប្រើក្រូចមកធ្វើការឈ្លីលើស្បែកក្បាល របស់អ្នកក្នុងការកម្ចាត់ ក្អែល អង្កែ ការរមាស់ក៏ដូជាកត្តាសក់ជ្រុះផងដែរ រាល់មុនពេលអ្នកកក់សក់។

៤.ផ្លែ Berry
ក្នុងប្រភេទផ្លែឈើដែលមានពណ៌ក្រហមជាច្រើន ដែលជាប្រភពនៃការព្យាបាលការជ្រុះសក់ និងជំនួយដល់ការលូតលាស់របស់សក់។ ក្នុងនោះផងដែរផ្លែ Berry គឺមានផ្ទុកនូវ សារធាតុ bioflavanoids ដែលជួយបង្កើនចរន្តឈាមក្នុងក្បាល កាត់បន្ថយសក់ជ្រុះ។

៥.ផ្លែឈីរី (cherries)
ក្នុងផ្លែឈីរីក៏មានផ្ទុកនូវសារធាតុ bioflavanoids ដែលវាអាចជួយការពារក្នុងការជ្រុះសក់ផងដែរ។

៦.ផ្លែ Plum
ដើម្បីឲ្យសក់របស់អ្នកមានសុខភាពល្អអ្នកគួរតែញ៉ាំផ្លែឈើប្រភេទនេះ។ អ្នកអាចយកផ្លែនេះមកច្របាច់ឲ្យមានទឹក រួចយកទៅឈ្លីទៅលើស្បែកក្បាលរបស់អ្នក ធ្វើបែបនេះវាអាចជួយឲ្យសក់របស់អ្នកឈប់ជ្រុះ។

៧.ផ្លែចេកច្របាច់
ប្រសិនបើអ្នកធ្វើការលាបទៅលើសក់ វាមិនត្រឹមតែជួយព្យាបាលនូវជំងឺរបស់សក់ប៉ុណ្ណោះទេ វាក៏ធ្វើឲ្យសក់របស់អ្នក មានភាពភ្លឺសរលោងផងដែរ។

៨.ផ្លែត្របែក
ក្នុងផ្លែត្របែក គឺមានផ្ទុកនូវជាតិ វីតាមីន A ជួយជំរុញក្នុងការលូតលាស់របស់សក់ ដែលទើបនឹងដុះថ្មីឲ្យកាន់តែរឹងមាំ។ ប្រសិនបើអ្នកអាចបន្ថែមទឹកក្រូចឆ្មា និងទឹកឃ្មុំមួយតំណក់ចូលបន្ថែមនោះ គឺវារិតតែល្អ។

៩.ផ្លែល្ហុង
ផ្លែល្ហុង គឺជាផ្លែឈើធម្មជាតិមួយប្រភេទ ដែលមានផ្ទុកនូវសារធាតុ exfoliator ដែលល្អសម្រាប់សុខភាពសក់។ ក៏ប៉ុន្តែប្រសិនបើអ្នកមានបន្ថែម ទឹកដោះគោ និងទឹកឃ្មុំ គឺជួយឲ្យបញ្ហាសក់ នឹងស្បែកក្បាលរបស់អ្នកត្រូវបញ្ចប់កង្វល់។

១០.ផ្លែប៉េស
ផ្លែឈើប្រភេទនេះ ភាគច្រើនតែជ្រើសយកមកព្យាបាលបញ្ហាស្បែកក្បាល។ ប្រសិនបើអ្នកជាអ្នកមានបញ្ហាសក់ជ្រុះ គឺគួរតែជ្រើសផ្លែឈើមួយប្រភេទនេះទើបប្រសើរ៕

( ប្រភព ៖ មង្គលការ )