SuperAngkor News | Cambodia News | Khmer News | World News | News | Health | Technoloy | Star | Travel

មិនថាមនុស្សធំទេ សូម្បីតែទារកក៏ត្រូវការស្តាប់តន្ត្រីដែរ។ នោះគឺជាសម្លេងបំពេរបស់ម្តាយ មុនពេលដេក។ ដូច្នេះ តន្ត្រីពិតជាមានសារៈសំខាន់ សម្រាប់មនុស្សគ្រប់រូប។
ខាងក្រោមនេះ គឺជាអត្ថប្រយោជន៍របស់តន្ត្រី សម្រាប់សុខភាព៖

១.តន្ត្រី ល្អសម្រាប់បេះដូងរបស់អ្នក
មនុស្សភាគច្រើន បានដឹងហើយថា តន្ត្រីអាចជួយឲ្យអារម្មណ៍របស់អ្នកស្រស់ថ្លា នៅពេលជួបបញ្ហាស្មុគស្មាញផ្សេងៗ។ ប៉ុន្តែអ្នកប្រហែលជាមិនដឹងទេថា តន្ត្រីក៏មានសារៈសំខាន់សម្រាប់សុខភាពបេះដូង។ បើតាមអ្នកស្រាវជ្រាវមួយចំនួន បានបង្ហាញថា មានអ្នកជំងឺបេះដូងជាច្រើននៅក្នុងមន្ទីរពេទ្យ Massachusetts General Hospital របស់អាមេរិក មានធូរស្រាលឡើងវិញ ក្រោយពេលស្តាប់សម្លេងព្យាណូ (Piano) កន្លះម៉ោង ជារៀងរាល់ថ្ងៃ។

២.តន្ត្រីអាចពង្រឹងប្រព័ន្ធការពាររបស់អ្នក
សាកលវិទ្យាល័យ Michigan State University របស់សហរដ្ឋអាមេរិក បានបញ្ជាក់ថា តន្ត្រីគឺជាកត្តាដ៏សំខាន់ ដែលជួយពង្រឹងប្រព័ន្ធការពាររាងកាយរបស់មនុស្សបាន ។ បើទោះបីជា ចំណាយពេលត្រឹមតែ ១៥ នាទីក្នុងមួយថ្ងៃ ក៏ផ្តល់ផលល្អយ៉ាងច្រើនដល់ប្រព័ន្ធការពាររបស់មនុស្ស។

៣.តន្ត្រីជួយដល់ទារកមិនគ្រប់ខែ
មជ្ឈមណ្ឌលសុខភាពមួយក្នុងប្រទេសអ៊ីស្រាអែល មានឈ្មោះថា Beth Israel Medical Center កំពុងមើលថែទារកមិនគ្រប់ខែ ប្រមាណ ២៥០ នាក់។ ក្នុងនោះ អ្នកជំនាញបានប្រើប្រាស់សម្លេងតន្ត្រីដែលមានលក្ខណៈស្រដៀងគ្នាទៅនឹងសម្លេងក្នុងស្បូនរបស់ស្ត្រី និង តន្ត្រីដែលមានសម្លេងប្រភេទផ្សេងៗទៀត ដែលត្រូវនឹងស្ថានភាពរបស់ទារកទាំងនោះ ដើម្បីឲ្យពូកគេ មានអារម្មណ៍ស្រស់ស្រាយ និង រក្សាភាពស្ងៀមស្ងាត់។

៤.តន្ត្រីជួយឲ្យអ្នកកាត់បន្ថយការឈឺចាប់
នៅពេលរាងកាយរបស់អ្នកមានបញ្ហា វាធ្វើឲ្យមានអារម្មណ៍ថា ឈឺចាប់និងស្មុគស្មាញក្នុងចិត្តផងដែរ។ ក្នុងស្ថានភាពនេះ ប្រសិនបើអ្នកបង្វែរអារម្មណ៍ដែលស្មុគស្មាញនេះ មកស្តាប់តន្ត្រីវិញ វាពិតជាជួយកាត់បន្ថយការឈឺចាប់បាន ព្រោះនៅពេលស្តាប់តន្ត្រី វាធ្វើឲ្យអ្នកភ្លេចគិតពីរឿងឈឺចាប់មួយរយៈ៕

ប្រភព៖ Internet