SuperAngkor News | Cambodia News | Khmer News | World News | News | Health | Technoloy | Star | Travel

មនុស្សយើងភាគច្រើនតែងតែចាប់ផ្តើមពេលវេលានៅព្រឹកឡើងជាមួយនឹង កាហ្វេមួយពែង ឬតែក្តៅមួយពែង ដើម្បីកម្តៅរាងកាយក្រោយភ្ញាក់ពីគេងរួច។ ការទទួលទានទឹកក្តៅឧណ្ហៗជាទៀងទាត់ ជាពិសេសនៅពេលព្រឹក អាចជួយព្យាបាលរាងកាយ ផ្តល់ថាមពលដល់ប្រព័ន្ធរំលាយអាហារ និងបន្ថយកាកសំណល់ដែលកើនឡើងច្រើនក្នុងប្រព័ន្ធរាងកាយ។

ការទទួលទានទឹកក្តៅឧណ្ហៗនឹងជួយបង្កើនភាពតឹងរបស់ពោះវៀន ដើម្បីជម្រុញអោយមានការបញ្ចេញចោលកាកសំណល់បានយ៉ាងច្រើនបំផុត។

ខាងក្រោមនេះគឺជាអត្ថប្រយោជន៍នៃការផឹកទឹកក្តៅឧណ្ហៗ ៖

សម្អាតប្រព័ន្ធរំលាយអាហារ
ទឹកក្តៅឧណ្ហៗមួយពែងនៅពេលព្រឹកអាចជួយសម្អាតរាងកាយបានតាមរយៈ ការច្រោះជាតិពុលតែម្តង។ ទឹក និងសារធាតុរាវផ្សេងៗទៀតនឹងជួយរំលាយអាហារក្នុងក្រពះ និងថែរក្សាផ្លូវរំលាយអាហារបានទៀតផង។ ការទទួលទានទឹកត្រជាក់ក្នុងពេល និងក្រោយពេលញ៉ាំអាហារពិតជាអាចធ្វើអោយជាតិខ្លាញ់ក្នុងអាហារដែល អ្នកញ៉ាំនោះរឹង និងកកជាប់ក្នុងពោះវៀន។ សំណាងដែរ អ្នកអាចជំនួសទឹកត្រជាក់ជាមួយទឹកក្តៅបាន ដើម្បីជំនួយដល់ការរំលាយអាហារ ជាពិសេសក្រោយពីញ៉ាំអាហាររួច។

សម្រួលដល់ការទល់លាមក
មនុស្សយើងច្រើនតែជួបបញ្ហាបែបនេះម្តងម្កាលដែរ ព្រោះតែមានចលនាពោះវៀនតិចតួច ឬគ្មានតែម្តង។ អារម្មណ៍នៃការប្រឹងបន្ទោរបង់ដែលទាក់ទងនឹងការហើមពោះ ច្រើនតែបណ្តាលមកពីការកង្វះជាតិទឹកក្នុងរាងកាយ។ ការទទួលទានទឹកក្តៅឧណ្ហៗនៅពេលព្រឹក ជាពិសេសពេលមិនទាន់ញ៉ាំអាហារអាចជួយសម្រួលដល់ចលនារបស់ពោះវៀន និងជំនួយដល់ការទល់លាមក ខណៈពេលដែលវាក៏ជួយរំលាយអាហារអោយបានស្រួលក្នុងពោះវៀនផងដែរ។ ការភ្ញោចទៅលើពោះវៀននឹងជួយអោយរាងកាយបំពេញមុខងារធម្មតា។

សម្រួលដល់ការឈឺចាប់
ទឹកក្តៅឧណ្ហៗត្រូវបានគេចាត់ទុកថាជាឱសថព្យាបាលដោយខ្លួនឯងបែប ធម្មជាតិដ៏ខ្លាំងក្លាបំផុត ដែលអាចបំបាត់ការឈឺចាប់បាន រាប់ចាប់តាំងពីការឈឺចាប់ពេលមករដូវ រហូតដល់ការឈឺក្បាល។ ភាពក្តៅចេញពីទឹកក្តៅឧណ្ហៗត្រូវបានគេស្គាល់ថាជួយធ្វើអោយធូរ អារម្មណ៍ និងបន្ថយឥទ្ធិពលទៅលើសាច់ដុំក្បាលពោះ ដែលអាចបំបាត់ការឈឺពោះបែបរមួល និងរឹងសាច់ដុំបានទៀតផង។ តើតាមការសិក្សាបានអោយដឹងថា ទឹកក្តៅឧណ្ហៗ ឬទឹកក្តៅច្រើនតែល្អសម្រាប់អាការឈឺចាប់បែបរមួល ព្រោះទឹកក្តៅនឹងបង្កើនលំហូរឈាមទៅស្បែក និងជួយបន្ធូរសាច់ដុំដែលកំពុងតែរមួលនោះ។

ជំនួយដល់ការសម្រកទម្ងន់
បើសិនជាអ្នកផឹកទឹកក្តៅឧណ្ហៗមួយកែវនៅមុនពេលញ៉ាំអាហារពេលព្រឹក នោះ វាពិតជាអាចជួយសម្រកទម្ងន់បាន។ ទឹកក្តៅឧណ្ហៗនឹងជួយបង្កើនសីតុណ្ហភាពរាងកាយ ដូច្នេះហើយវាក៏បង្កើនល្បឿននៃការរំលាយអាហារបានផងដែរ។ កាលណាការរំលាយអាហារកើនឡើង វានឹងធ្វើអោយរាងកាយរំលាយជាតិខ្លាញ់កាន់តែច្រើន។ ក្រៅពីនេះវាក៏មានផលល្អសម្រាប់មុខងារផ្លូវរំលាយអាហារ និងតម្រងនោមទៀតផង។ ការទទួលទានទឹកតែក្រូចឆ្មារក្តៅឧណ្ហៗនឹងជួយរំលាយជាតិខ្លាញ់ដែល កកក្នុងជាលិកា ឬកន្លែងណាផ្សេងទៀតនៃរាងកាយ ព្រមទាំងគ្រប់គ្រងការឃ្លានអាហារបានទៀតផង។

ពង្រឹងដល់របត់ឈាមរត់
ជាតិខ្លាញ់ដែលកកក្នុងរាងកាយ ក៏ដូចជាក្នុងប្រព័ន្ធសរសៃប្រសាទនឹងត្រូវបញ្ចេញចោលនៅពេលអ្នកញ៉ាំ ទឹកក្តៅឧណ្ហៗមួយកែវរួច។ វានឹងធ្វើការច្រោះជាតិពុលដែលកំពុងតែចរាចរក្នុងរាងកាយ ដូច្នេះ របត់ឈាមរត់នឹងមានមុខងារល្អឡើងវិញ។ ចូរប្រាកដថា សាច់ដុំទាំងអស់មានភាពធូរហើយទើបអាចសម្រួលដល់លំហូរឈាមរត់បាន។

កាត់បន្ថយភាពចាស់
ការឆាប់ចាស់ គឺជាសុបិន្តដ៏អាក្រក់បំផុតរបស់មនុស្សស្រី ប៉ុន្តែសំណាងដែរ រឿងនេះនឹងអាចការពារបានតាមរយៈការផឹកទឹកក្តៅឧណ្ហៗ។ វត្តមានរបស់ជាតិពុលក្នុងរាងកាយអាចនឹងនាំអោយមនុស្សឆាប់ចាស់ ប៉ុន្តែ ទឹកក្តៅឧណ្ហៗអាចជួយសម្អាតរាងកាយបានដូចជា ច្រោះជាតិពុល ជួសជុលកោសិកាស្បែក និងបង្កើនភាពយឺតរបស់ស្បែក៕

(ប្រភព៖ www.health.com.kh)