SuperAngkor News | Cambodia News | Khmer News | World News | News | Health | Technoloy | Star | Travel

តើអ្នកមានដឹងទេថា ក្នុងមួយសប្តាហ៍អ្នកធ្លាប់សម្រេចកាមដោយខ្លួនឯងប៉ុន្មានដង? ខណៈពេលដែលអ្នកសម្រេចកាមខ្លួនឯងពីរដងក្នុងមួយសប្តាហ៍ ឬពីរដងក្នុងមួយថ្ងៃ អ្នកប្រហែលជាធ្លាប់មានចម្ងល់ក្នុងចិត្តហើយថា វាគឺជារឿងល្អ ឬអត់? ហើយតើការធ្វើបែបនេះវាច្រើនពេក ឬយ៉ាងណាជាមិនខានឡើយ។
សំណាងដែរ វាពិតជាគ្មានចំនួនណាមួយដែលបញ្ជាក់ថា ការសម្រេចកាមខ្លួនឯងប៉ុន្មានដងទើបមានសុខភាពល្អនោះទេ។

ទោះបីជាយ៉ាងណាក៏ដោយ កាលណាអ្នកឧស្សាហ៍សម្រេចកាមដោយខ្លួនឯង វាពិតជាមិនមានបញ្ហាអ្វីចោទឡើយ លុះត្រាតែការធ្វើបែបនេះចាប់ផ្តើមប៉ះពាល់ដល់ជីវិតរស់នៅរបស់អ្នក ក្នុងន័យអវិជ្ជមាន។

ខាងក្រោមនេះ គឺជារោគសញ្ញាខាងផ្លូវចិត្ត និងផ្លូវកាយដែលបញ្ជាក់អោយដឹងថា អ្នកត្រូវការផ្អាកសកម្មភាពដៃរបស់អ្នកវិញ ៖
ធ្វើអោយខ្លួនឯងមានការឈឺចាប់
បុរសខ្លះបានធ្វើអោយខ្លួនឯងមានរបួសដោយមិនដឹងខ្លួន។ ការមានរបួសបែបនេះអាចជារឿងតិចតួចទេ ដែលកើតលើស្បែក ឬជាជំងឺធ្ងន់ធ្ងរមួយដែលមានកំណកនៅក្នុងដងលិង្គ ដែលវាបណ្តាលមកពីការប្រើសម្ពាធលើលិង្គខ្លាំងពេក ខណៈពេលកំពុងតែសាប់លិង្គ។ ដូច្នេះ បើសិនជាអ្នកធ្វើអោយខ្លួនឯងឈឺចាប់ហើយ វាគួរតែដល់ពេលសម្រាកសិនទៅ។

ប៉ះពាល់ដល់ស្នេហា ឬការងារ
ប្រហែលជាអ្នកត្រូវសម្ងំនៅផ្ទះក្នុងយប់ថ្ងៃសុក្រជំនួសការជួបជុំ មិត្តភក្តិ ដើម្បីសម្រេចកាមខ្លួនហើយមើលទៅនោះ។ ឬក៏អ្នកត្រូវមានភាពយឺតយ៉ាវក្នុងការជួបជុំពួកគេ ដោយសារតែអ្នកកំពុងតែរវល់ប្រើដៃខ្លាំងពេក។ បើសិនជាអ្នកយល់ថា ទម្លាប់របស់អ្នកកំពុងតែផ្តល់គ្រោះថ្នាក់ដល់ជិវិតរស់នៅក្នុងសង្គម ឬការងារ នោះហើយគឺជាសញ្ញាដែលអ្នកត្រូវផ្លាស់ប្តូរសម្លាប់នេះចេញ។

មានបញ្ហាទឹកកាម ឬមេជីវិតឈ្មោល
បុរសខ្លះដែលសម្រេចកាមដោយខ្លួនឯងនឹងប្រើប្រាស់ប្រភេទនៃការភ្ញោ ចអារម្មណ៍ពិសេសៗជាច្រើន ដូចជា វីដេអូសិចដែលប្រើក្បាច់ពិសេស ដើម្បីអោយពួកគេអាចច្នៃប្រឌិតប្រភេទនៃភាពស្រើបស្រាលរបស់ខ្លួន ក្នុងពេលរួមភេទតែម្នាក់ឯងបាន។ ទោះបីជាយ៉ាងណាក៏ដោយ បទពិសោធន៍ដែលអ្នកនឹងទទួលបាន វាគ្រាន់តែជាការងារដែលអ្នកធ្វើតែម្នាក់ឯងប៉ុណ្ណោះ ហើយអ្នកក៏នឹងមិនអាចបញ្ចប់វាបានយ៉ាងល្អជាមួយដៃគូពិតប្រាកដ បានដែរ។

មិនអាចឈប់គិតអំពីរឿងនេះបាន
បើសិនជាអ្នកចេះតែបែកអារម្មណ៍គិតរឿងសម្រេចកាមដោយខ្លួនឯងរហូត ទោះបីជានៅពេលធ្វើការមែននោះ វាពិតជាសញ្ញាមួយដែលបញ្ជាក់ថា អ្នកត្រូវតែដោះស្រាយបញ្ហានេះអោយបានឆាប់ ដើម្បីអាចរស់នៅដូចមនុស្សធម្មតាវិញ។

មានពេលខ្លះ ការសម្រេចកាមដោយខ្លួនឯងក៏មិនមែនជាគំនិតដ៏ល្អមួយដែរ។ ឧទាហរណ៍ ការសម្រេចកាមជារៀងរាល់ថ្ងៃរយៈពេល ២ សប្តាហ៍ជាប់គ្នា វានឹងធ្វើអោយថយចុះនូវចំនួនមេជីវិតឈ្មោលរបស់បុរសរហូតដល់ ៥០ ភាគរយឯណោះ។ ដូច្នេះ បើសិនជាអ្នក និងដៃគូកំពុងតែចង់បានកូន ការសម្រេចកាមដោយខ្លួនឯងអាចជារឿងដ៏ពិបាកសម្រាប់អ្នកជាមិនខាន៕

(ប្រភព៖ www.health.com.kh)