SuperAngkor News | Cambodia News | Khmer News | World News | News | Health | Technoloy | Star | Travel

គល់-ករបស់ស្រ្តីទាំងឡាយ ពិតជាមានលក្ខណៈទាក់ទាញ និងបង្កើនសម្រស់បាន ថែមមួយកម្រិតទៀត។ ស្រ្តីដែល មាន ក ល្អស្អាតបានជំរុញឲ្យមានផ្ទៃមុខ កាត់តែផូផង់ថែមទៀត។ ជាការពិតណាស់ ក ត្រូវការការថែរក្សាដូចគ្នានឹង មុខដែរ ដោយស្រ្តីទាំងឡាយគួរតែយកចិត្តទុកដាក់ចំពោះរឿងនេះ ទើបអាចចៀសផុតពីការស្តាយក្រោយបានព្រោះ ថា សម្អរបស់ស្ត្រី មិនមែនស្ថិតនៅត្រង់សាច់មុខល្អប៉ុណ្ណោះទេ គឺអាស្រ័យដោយសាច់ ក និងកញ្ចឹងក និងកំភួនជើង ផងដែរ។

គេនិយមបាញ់ទឹកអប់ នៅត្រង់បរិវេណ ក គេប្រើវាឲ្យធ្វើចលនាងាកចុះឡើងមិនឈប់ឈរ ដូច្នេះកមានសារសំខាន់ ជាងផ្ទៃមុខទៅទៀត។ មិនតែប៉ុណ្ណោះវា គឺជាភ្នាក់ងារបញ្ជា ចលនាក្បាល ឬធ្វើឲ្យដងខ្លួននៅនឹង ថ្កល់មួយកន្លែង។

មតិដែលយល់ថាសាច់ ក មិនសំខាន់ជាប្រការមួយខុសធ្ងន់បំផុត។ អ្នកត្រូវប្រុងប្រយ័ត្នដើម្បីថែរក្សាវាឲ្យមានសភាព ល្អស្អាតដូចជាផ្ទៃមុខអញ្ចឹងដែរ។ ក អាចទទួលលរងនូវការឈឺចុករោយ គ្រេច ថ្លោះជារឿយៗ នៅពេលដែលយើង ធ្វើចលនាខុសទំនង។ អាការបែបនេះអាចធ្វើឲ្យស្បែក ក ជ្រីវជ្រួញ បាត់ភាពទន់ភ្លន់ ហើយជួនកាលលេចចេញនូវ ស្នាមផ្នត់ៗ ដិតក្រឡៅទៀតផង។

ដោយឡែក ការឈានចូលដល់ដំណាក់កាលនេះ ក៏មិនទាន់យឺតពេលដែរ ដោយស្រ្តីត្រូវដុសលាងម្អាត ក ដោយថ្នម ដៃ និងប្រើក្រែមប្រភេទថែរក្សាស្បែក ក លាបបំបាត់ស្នាមផ្នត់ និងភាពគ្រើមៗនៅត្រង់បរិវេណ ក។ គ្មានអ្វីគួរឲ្យល្អ មើលសោះ នៅពេលដែលនារីផាត់ម្ស៉ៅ មុខហើយមិនផាត់ កផងនោះ។ ដូច្នេះគេត្រូវផាត់ម្ស៉ៅមុខ និងក ឲ្យមាន សម្បុរដូចគ្នា ទើបអាចជួយបង្កើនសម្រស់ បានមួយកម្រឹត និងជាទីទាក់ទាញភ្នែករបស់បុរស។

របៀបផាត់ម្ស៉ៅនៅ ក

ក ត្រូវចាំបាច់នូវការ លាបម្ស៉ៅដូចមុខដែរ ដោយគ្រាន់តែមានបែបផែន ដោយឡែកទៅតាមទម្រង់ ក។ របៀបផាត់ ម្ស៉ៅត្រូវលាបម្ស៉ៅពីគល់ ក មកចង្កា។ អាវវាល ក ត្រឹមណាត្រូវលាបដល់នោះ។

សម្រាប់ស្រ្តីមួយចំនួនដែលមាន ក វែង ត្រូវផាត់ម្ស៉ៅឲ្យសជាងផ្ទៃមុខ។ ចំណែកអ្នកដែលមាន ក ខ្លីត្រូផាត់ម្ស៉ៅផ្នែក ក ខាងមុខឲ្យសជាងផ្នែកទាំងសងខាង ក ខាងមុខវិញម្តង។ ស្រ្តីក វែងមិនរើសម៉ូដសក់ និងសម្លៀកបំពាក់នោះទេ ប៉ុន្តែចំពោះអ្នកដែលមាន ក ដុះប៊ឺ ឬក ខ្លី មិនឲ្យពាក់អាវក ក្អម អក្សរ V និងអាវដែលមិនមានទ្រនាប់ស្មា ដែលរឹត តែធ្វើឲ្យឃើញ ក រួញខ្លីកប់នៅក្នុងស្មាទាំង២ថែមទៀត៕

(ប្រភពពី៖ដើមអម្ពិល)