SuperAngkor News | Cambodia News | Khmer News | World News | News | Health | Technoloy | Star | Travel

ប្រសិនអ្នកជិះរថយន្តជាប្រចាំ, ចូរអានពត៌មាននេះ ដើម្បីបញ្ចៀសមហារីក។

១.អង្គុយបើករថយន្តយូរ កើតមហារីកស្បែកៈ
មូលហេតុគឺ ដោយសារប្រាស្រ័យ ជាមួយកម្តៅថ្ងៃយូរពេក, ហើយអ្នកបើករថយន្ត ឧស្សាហ៍ចុចកញ្ចក់ចុះ មានហានិ ភ័យកើតជំងឺខ្ពស់ជាង។ សឹងតែទាំងអស់ នៃកញ្ចក់ទ្វាររថយន្ត អាចទប់ស្កាត់បានកាំរស្មី UVB តែមិនរារាំងបាន UVA ។

ក្រុមអ្នកស្រាវជ្រាវរបស់សកលវិទ្យាល័យ The Saint Louis បានបង្ហាញរបាយការណ៍មួយរបស់គេដែលបានផ្ញើទៅ កាន់វិទ្យាស្ថានសើស្បែកអាមេរិកថា ពួកគេបានស្រាវជ្រាវ លើអ្នកជំងឺ ៨៩៨ នាក់ រួមមានបុរស ៥៥៩ នាក់ , និងស្ត្រី ៣៣៩ នាក់។ នោះជាពួកអ្នកកើតមហារីកស្បែកទូទាំងខ្លួនប្រាណ។ ចំពោះបុរស , អត្រាមហារីក ប្រហាក់ប្រហែល ជាមួយផ្ទៃស្បែក ប្រាស្រ័យជាមួយកាំរស្មី UV ច្រើនបំផុតពេលបើករថយន្ត ។ នៅអាមេរិកនោះជាផ្នែកខាងឆ្វេងរបស់សរីរាង្គ។ ដុំគីសមហារីកទាំងនោះ រីកចម្រើនតាមពេលវេលា និងច្រើន តែដោយសារការប្រាស្រ័យ ជាមួយកម្តៅថ្ងៃជាប្រចាំ ក្នុងរយៈពេលវែង ។

ពួកអ្នកជំនាញការ បានទូន្មានថា ចំពោះទ្វារខាងរបស់រថយន្ត , បន្ថយទំហំរបស់ផ្ទាំងកញ្ចក់ ឬប្រើប្រភេទកញ្ចក់មាន លទ្ធភាពច្រោះ កាំរស្មីអ៊ុលត្រាវីយូឡេ នឹងជួយបន្ថយហានិភ័យមហារីកស្បែក។

២.ទទួលទានទឹក ទុកយូរលើរថយន្តៈ
ទឹកស្អាតច្រកដបជ័រ ជាភេសជ្ជៈងាយស្រួលប្រើប្រាស់ តែទុកវាក្នុងរថយន្តងាយបង្កគ្រោះថ្នាក់ដល់សុខភាព , មិនតែ ប៉ុណ្ណោះ នាំដល់ជំងឺមហារីក ។

ព័ត៌មានខាងលើ ត្រូវបានលើកឡើង ក្រោយពេលមានមួយករណី នៅអាមេរិក ត្រូវបានកំណត់ កើតមហារីកសុដន់ ដោយសារទទួលទានទឹក ទុកក្នុងរថយន្ត យូរពេក។ លទ្ធផលត្រួតពិនិត្យ បានកំណត់បានថា មានកម្រិតខ្ពស់របស់សារជាតិ dioxin (C4H4O2) ក្នុងជាលិកាមហារីកសុដន់ ។

បច្ចុប្បន្ននេះ មនុស្សជាច្រើន មានទម្លាប់ប្រើប្រាស់ឡើងវិញ នូវដបទឹកសុទ្ធ ប្រើរួចម្តង តែមិនដឹងថា ត្រូវពុល។ ស្តង់ ដារគុណភាព របស់ដបទាំងនេះ ធានាសុវត្ថិភាព សម្រាប់ប្រើប្រាស់តែម្តងប៉ុណ្ណោះ។ ប្រសិនត្រូវការរក្សាវាយូរជាងនោះ ក៏មិនត្រូវហួស ១ សប្តាហ៍ និងត្រូវចៀសឲ្យបានឆ្ងាយ ពីប្រភពសីតុណ្ហភាព គឺល្អបំផុត។

តាមវេជ្ជបណ្ឌិតជំនាញ បានផ្តល់ដំបូន្មានថា ស្ត្រីមិនគួរទទួលទានទឹកច្រកដបជ័រ ទុកយូរ ក្នុងរថយន្តនោះទេ។

៣.បើកម៉ាស៊ីនត្រជាក់មិនត្រឹមត្រូវៈ
ក្នុងសៀវភៅ "ណែនាំប្រើប្រាស់រថយន្ត" តែងឲ្យដឹងថា ត្រូវបើកបង្អួច ដើម្បីរុញបរិយាកាសក្តៅទាំងអស់ចេញមុន ពេលបើកម៉ាស៊ីនត្រជាក់។

តាមការស្រាវជ្រាវរបស់អ្នកវិទ្យាសាស្ត្រ បានបង្ហាញថា តាប្លូដាក់នាឡិកាវាស់ល្បឿន , កម្រិតប្រេង... នៅប៉ែកខាងមុខរថយន្ត , កន្លែងអង្គុយ , បំពង់នាំឧស្ម័នត្រជាក់ , ពោលគឺរបស់ទាំងអស់ ធ្វើពីជ័រ នៅក្នុងរថយន្តរបស់អ្នកនឹងបញ្ចេញ Benzen , សារជាតិមួយ ដែលបង្កឲ្យកើតជំងឺមហារីកខ្លាំងបំផុត ។ ពុំត្រឹមតែបង្កមហារីក , Benzen ក៏បង្កឲ្យមានគ្រោះថ្នាក់សម្រាប់ឆ្អឹង , បង្កឲ្យខ្វះឈាម និងធ្វើឲ្យថយចុះ កោសិកាឈាមស ។ ប្រាស្រ័យយូរអង្វែង អាចបង្កជាជំងឺមហារីកឈាម ។ វាក៏ធ្វើឲ្យប៉ះពាល់ដល់ទារក នៅក្នុងគភ៌ រួមទាំងសុខភាពស្ត្រីដែលកំពុងតែមានគភ៌។

ក្រុមអ្នកវិទ្យាសាស្ត្រ បានដឹងទៀតថា កម្រិត Benzen ក្នុងផ្ទះ "ត្រូវបានអនុញ្ញាត" គឺ ៥០ មីលីក្រាម ក្នុង 1sq.ft (ប្រហាក់ប្រហែល 4,65m2) ។ ប៉ុន្តែរថយន្ត១គ្រឿង ចតក្នុងផ្ទះ ជាមួយនឹងកញ្ចក់បិទជិត នឹងផ្ទុក ៤០០-៨០០ មីលីក្រាម Benzen , ខ្ពស់ជាង ៨ ដង កម្រិតអនុញ្ញាត ។ ប្រសិនចតក្រោមពន្លឺថ្ងៃ , នៅសីតុណ្ហភាពលើ ៦០ ដឺក្រេ F , កម្រិត Benzen នឹងឡើងដល់ ២០០០-៤.០០០ មីលីក្រាម , ស្មើ ៤០ ដង ប្រៀបនឹងកម្រិតសុវត្ថិភាព។ ដូច្នេះដើម្បីបញ្ចៀសហានិភ័យមហារីក ពីរថយន្តជាទីស្រឡាញ់ , ចូរបើកកញ្ចក់ ដើម្បីឲ្យខ្យល់ចេញចូល បណ្តេញឧស្ម័នពុលប៉ុន្មាននាទី មុនពេលបើកម៉ាស៊ីនត្រជាក់៕