|
ច្នៃប្រដាប់ស្ទូចទៅជាសណ្ឋាគារប្រណីត!
|
|
January 09, 2015 (08:46:46)
|
[ 1340 ] |
|
| |
|
|
| |
អ្នកនឹងត្រូវតែអើតករបស់អ្នកទើបមើលឃើញដល់បន្ទប់ជាន់លើបង្អស់នៃសណ្ឋាគារដ៏ឆើតឆាយមួយនេះ បន្ទាប់ពីស្ថាបត្យករប្រកបដោយមហិច្ឆតាបានសង់វាទៅជាសំណង់មេកានិកចាស់បំផុត និងខ្ពស់បំផុតមួយរបស់ពិភពលោក។
យោងតាមវេបសាយដេលីមែលកាលពីថ្ងៃទី ៦ ខែមករា ប្រដាប់ស្ទូចដ៏ធំក្នុងទីក្រុងអាំស្ទែដាំរបស់ហូឡង់នេះមានបន្ទប់សណ្ឋាគារប្រណីតចំនួន ៣ អាងទឹកស្ប៉ាមួយ និងស្ទូឌីយ៉ូផ្សាយទូរទស្សន៍មួយ បម្រុងទុកសម្រាប់អ្នកឈប់សម្រាកវិស្សមកាល ដែលមិនខ្លាចកម្ពស់នៅក្នុងទីក្រុងហូឡង់មួយនេះ។
ប្រដាប់ស្ទូចប្រើនៅសមុទ្រកម្ពស់ ៥០ ម៉ែត្រ ដែលស្ថិតក្នុងចំណោមប្រដាប់ស្ទូចចាស់បំផុត និងខ្ពស់បំផុតរបស់ពិភពលោកមួយនេះ ត្រូវបានទុកចោលឡើងពុកបន្ទាប់ពីត្រូវបានចាត់ទុកថា "មិនអាច" ប្រើការលែងបានតទៅទៀតនោះ។
ប៉ុន្តែតែ ៣ ឆ្នាំក្រោយប៉ុណ្ណោះ ប្រដាប់ស្ទូចនេះបានកំពុងទទួលភ្ញៀវលំដាប់ខ្ពស់ដោយសារតែបន្ទប់វិលដ៏ឆើតឆាយរបស់វារចនាម៉ូតដោយពួកអ្នករចនាម៉ូតខាងក្នុងដ៏កំពូលមួយក្រុម និង អាងទឹកមើលឃើញទេសភាពធំទូលាយរបស់វា ដែលឥឡូវត្រូវគេហៅថាសណ្ឋាគារ Faralda ក្នុងទីក្រុងអាំស្ទែដាំ។
ប្រដាប់ស្ទូចទម្ងន់ ២៥០ តោន ស្ថិតនៅទីតាំង NDSM ជាប់មាត់ច្រាំងទន្លេ Ij ត្រូវបានជួយសង្គ្រោះ បើទោះបីជាការបង្កើតសណ្ឋាគារត្រូវបានគេច្រានចោល ថា "មិនអាចទៅរួចទេតាមន័យបច្ចេកទេស" នេះបើផ្អែកតាមអ្នកនាំពាក្យរបស់សណ្ឋាគារនេះឈ្មោះ លោក Edwin Kornmann Rudi។
លោក Rudi បាននិយាយថា "ប៉ុន្តែក្រោយមានការរៀបចំអស់រាប់ឆ្នាំ គ្មានសញ្ញាណាមួយត្រូវវិលត្រឡប់ថយក្រោយវិញទេ។ គ្មានទីកន្លែងផ្សេងណាមួយក្នុងពិភពលោកដែលមានអ្វីមួយដែលពិសេស ធំហើយខ្ពស់ ដូចសណ្ឋាគារនេះនោះឡើយ។ ការបង្កើតជាសណ្ឋាគារនេះបានបញ្ចប់នូវការតស៊ូប្រឆាំងនឹងការពុកផុយប្រដាប់ស្ទូចរបស់កំពង់ផែប្រវត្តិសាស្ត្រនេះ។ ប្រដាប់ស្ទូចឈ្មោះ Grand Dame នេះទីបំផុតបានឈានដល់គោលដៅរបស់វាក្នុងនាមជាសណ្ឋាគារដងស្ទូចហ៊ឺហាបំផុតក្នុងពិភពលោក។ វាក៏ជាទីតាំងសម្រាប់អាពាហ៍ពិពាហ៍ដែលគេនិយមនិយាយច្រើនបំផុតក្នុងប្រទេសហូឡង់ផងដែរ។ យើងមានមនុស្សមករៀបការនៅបន្ទប់ស្ទូឌីយ៉ូ ដេកនៅក្នុងបន្ទប់មួយក្នុងចំណោមបន្ទប់ទាំងបី និងរៀបអាពាហ៍ពិពាហ៍របស់ពួកគេនៅក្នុងអាងទឹកក្តៅឧណ្ហៗនៅលើកំពូលនៃប្រដាប់ស្ទូចនេះ"។
បន្ទប់សណ្ឋាគារទាំងបីនេះមានតម្លៃថ្លៃបំផុតក្នុងប្រទេសហូឡង់ ក្រោយពីពួកអ្នកអភិវឌ្ឍបានចំណាយលុយ ៦៦ ម៉ឺនផោន (៩៩,៩៣ ម៉ឺនដុល្លារ) សាងសង់បន្ទប់នីមួយៗ ដោយគិតថ្លៃពីអតិថិជនវិញម្នាក់ ៣៤០ ផោន (៥១៥ ដុល្លារ) សម្រាប់ការស្នាក់នៅ៕
|
|
|
| . |
|
|
 |
|
|
| . |
|
|
រៀល កម្ពុជា (1US$: KHR)
|
4015 |
4022 |
|
បាត ថៃឡង់ (1US$: THB)
|
31.48 |
31.55 |
|
ដុង វៀតណាម (1US$: VND)
|
22,720 |
22,800 |
|
ដុល្លារ ហុងកុង (1US$: HKD)
|
7.75 |
7.87 |
|
យ៉េន ជប៉ុន (100JPY: US$)
|
0.905 |
0.910 |
|
ដុល្លារ សឹង្ហបុរី (10SGD: US$)
|
7.58 |
7.63 |
|
រីងហ្គីត ម៉ាឡេស៊ី (10MYR: US$)
|
2.55 |
2.57 |
|
ផោន អង់គ្លេស (1GBP: US$)
|
1.405 |
1.410 |
|
យូរ៉ូ អឺរ៉ុប (1EUR: US$)
|
1.240 |
1.245 |
|
ហ្វ្រង់ ស្វីស (1CHF: US$)
|
0.905 |
0.910 |
|
ដុល្លារ អូស្ត្រាលី (1AUD: US$)
|
0.787 |
0.792 |
|
ដុល្លារ កាណាដា (1CAD: US$)
|
0.800 |
0.805 |
|
មាស គីឡូ (1CHI: US$)
|
160.5 |
161.5 |
|
កែប្រែរចុងក្រោយ ៖
09 - February - 2018
|
|
|
.gif)
