ប្រសិន​អ្នក​ចង់​ស្នាក់នៅ​ក្នុងផ្ទះ​ ដែល​គ្រាន់តែ​បើកទ្វារ​ឈាន​ជើង​មួយ​ជំហាន​ដល់​មហា សមុទ្រ ផ្ទះ​ដ៏​អស្ចារ្យ​ដែល​ស្ថិតនៅ​ពីលើ​ផ្ទៃ​ទឹកសមុទ្រ​តែ​​ប៉ុន្មាន​ម៉ែត្រ​នៅ​ឆ្នេរ​ភាគ​និរតី​ក្នុងប្រទេស​អូស្ត្រាលី​នេះ មិន​ធ្វើឱ្យ​អ្នក​ខក​បំណង​ឡើយ​។​

ផ្ទះ​ដែលមាន​ឈ្មោះថា Cliff House​ នេះ​ ត្រូវបាន​សាងសង់ឡើង​យ៉ាង​ពិសេស ​ភ្ជាប់​នឹង​ចំណោតច្រាំង​ថ្ម​នៃ​ឆ្នេរសមុទ្រ​គួរឱ្យ​ព្រឺព្រួច ពីព្រោះ​​ប្រសិនបើ​មាន​អ្វី​ខុស ប្រក្រតីកើត ឡើង តែ​បន្តិច អ្នកស្នាក់នៅ​ក្នុងផ្ទះ​នេះ​នឹង​ដល់​ក្តី​មរណា​ក្នុង​មួយ​ប៉ព្រិចភ្នែក​ ជាមិន ខាន​។​
​
ក្រុមហ៊ុន​ឯកទេស​ខាង​ស្ថាបត្យកម្ម​ Modscape Concept របស់​អូស្ត្រាលី​​គឺជា​អ្នក​ច្នៃ ប្រឌិត​ផ្ទះ​នេះ​ឡើង​។ វា​មាន​កម្ពស់​ដល់​ទៅ ​៥​ជាន់ និង​ឡើង​ចុះ​តាម​​ជណ្តើរយន្ត ហើយ​អ្វីដែល​កាន់តែ​អស្ចារ្យ​នោះ​ គឺ​ផ្ទៃ​ខាងក្នុង​ត្រូវបាន​រចនា​ឡើង​យ៉ាង​ស្រស់ស្អាត​ ស្ទើរ មិនគួរ​ ឱ្យ​ជឿ​៕