SuperAngkor News | Cambodia News | Khmer News | World News | News | Health | Technoloy | Star | Travel

ស្ថិតក្នុងភូមិរកា ឃុំស្រយូវ ស្រុកស្ទឹងសែន ខេត្តកំពង់ធំ ប្រាសាទរកា ដែលមានឈ្មោះមួយទៀត គឺប្រាសាទព្រះធាតុត្រូវបានសាងសង់ឡើងក្នុងរជ្ជកាលរបស់ព្រះបាទជ័យវរ្ម័នទី។ ការចុះពិនិត្យសិស្សបបស់យើង កាលពីឆ្នាំ ១៩៩៤ ជាមួយលោកអ៊ុំ សុខ អតីតប្រធាននាយកដ្ឋានវប្បធម៌ និងវិចិត្រសិល្បៈ ខេត្តកំពង់ធំ បានឲ្យដឹងថា ទំហំនៃមន្ទីរពេទ្យនេះ គឺ 5x6 ម៉ែត្រ។ រីឯកំពស់វិញ គឺ ៨ម៉ែត្រ ដោយពីដើមមានកំពែងធ្វើអំពីថ្មបាយក្រៀម ហ៊ុំព័ទ្ធជុំវិញ។

នៅជុំវិញប្រាសាទនេះ ដែលធ្វើអំពីថ្មភក់ យើងមានវត្តមានរបស់ផ្ទាំងផ្តែររាយប៉ាយនៅដី ព្រមទាំងសិលាចារឹកគួរឲ្យអាណោចអាធម្មណាស់។ សព្វថ្ងៃ ប្រាសាទនេះស្ថិតក្នុងភាពគម្រាមកំហែង ព្រោះមិនទាន់ត្រូវបានជូសជុលនៅឡើយ ក្រោយពីត្រូវទទួលនូវភាពមហន្តរាយបណ្តាលមកពីការទម្លាក់គ្រាប់បែបរបស់កប៉ាល់ហោះបេ៥២ និងគ្រាប់នេប៉ាល់ នៅឆ្នាំ ១៩៧០-១៩៧៥។

សូមរំឮកថា គ្រាប់បែកដែលបានធ្លាក់នោះ មិនបានធ្លាក់លើប្រាសាទបុរាណនេះ ក៏ប៉ុន្តែធ្លាក់នៅជិតក្បែរប្រាសាទ ជាហេតុនាំឲ្យតួប្រាសាទវៀចស្ទើរតែដួលរលំ។ តាមការសើបសួរចាស់ៗដែលមានលមនៅដ្ឋានក្បែរប្រាសាទនេះ យើងដឹងថា ក្បាច់ផ្តែរមួយចំនួនក្នុងបរិវេណប្រាសាទរកា មកពីប្រាង្គប្រាសាទ ចាស់ៗស្ថិតក្បែរទីនោះ។

ម្យ៉ាងវិញទៀត សូមជម្រាបថា ការប្រមូលផ្តែរមកពីប្រាសាទជិតឆ្ងាយ ជាការពិត ក៏ប៉ុន្តែគ្មានអ្វីហាមឃាត់យើងឲ្យសន្និដ្ឋានថា ក្បាច់ផ្តែរមួយចំនួន គឺនៅលើទីតាំងនេះតែម្តង។ ព្រោះថា ប្រាសាទរកានេះ គឺជាប្រាសាទត្រូវបានកសាងឡើងដោយសមាសធាតុស្ថាបត្យកម្មនៃប្រាសាទចាស់នាស.វទី១០-១១។ ហើយមួយវិញប្រាសាទនេះ ក៏ត្រូវបានកសាងនៅលើប្រាង្គប្រាសាទបុរេអង្គរដែរ ដូចវត្តមានរបស់ក្បាច់ផ្តែរមួយស្ថិតក្នុងរចនាប័ថ្មសម្បូរព្រៃគុក ដែលទ្រដោយសសរពេជ្រពីរនៅក្លោងទ្វារ។

មានន័យថា ផ្តែររចនាប័ថ្មសម្បូរព្រៃគុកនេះ មិនមែនត្រូវបានដឹកចេញពីក្រុមប្រាសាទសម្បូរព្រៃគុក ដើម្បីប្រើប្រាស់ឡើងវិញម្តងទៀតនោះទេ ក្នុងរជ្ជកាលរបស់ព្រះបាទជ័យវរ្ម័នទី៧ ពោលគឺនៅចុងស.វទី១២ ដើមស.វទី១៣។ ម្យ៉ាងទៀត វត្តមានរបស់ផ្តែរ រចនាប័ថ្មបាយ័ន ដែលជាប់នៅលើក្លោងទ្វារប្រាសាទរកាក៏ជាសញ្ញាបង្ហាញឲ្យដឹងថា ប្រាសាទនេះត្រូវបានជួសជុលឡើងវិញ ហើយក្លាយទៅជាមន្ទីរពេទ្យ ឬអរោគ្យសាលាផងដែរ។

យ៉ាងណាមិញ វត្តមាននៃសិលាចារឹកបុរេអង្គរមួយចំនួននៅទីនោះក៏បញ្ជាក់ឲ្យដឹងដែរថា ប្រាសាទរកានេះពិតជាត្រូវបានកសាងឡើងដោយសមាសធាតុតុបតែងនាសម័យមុនអង្គរយ៉ាងប្រាកដឥតក្លែងក្លាយ៕