ដើមអម្ពិល, បារាំង៖ តាមប្រភព​​ព័ត៌មាន បរទេស​​ពេលថ្មីៗនេះ បានប្រាប់​​ឲ្យដឹងថា ស្ពានចាក់​​សោរស្នេហ៏ នៅប្រ​ទេសបារាំង ទីក្រុងបារីស​​កំពុងរង​​ការខូចខាត របេះបន្តិច​​ម្តងៗដោយសា​​ទម្ងន់ នៃសោរ ដែលគូស្នេហ៏​​ជាច្រើនគូបាន​យកសោរទៅ​​ចាក់ភ្ជាប់ ជាមួយបង្កាន់​​នៃស្ពាន ជាជំនឿកុំឲ្យ​​បែកបាក់ចំណង​​ស្នេហ៍ ដែលជាទម្ងន់​​មួយធ្វើ ឲ្យស្ពាន​ចំណាស់​​មួយនេះ កាន់តែ ទ្រុឌទ្រោមទៅៗ។

ស្ពាន Love Lock ជាទី​​កន្លែងទាក់ទាញ ទេសចរ​​មួយយ៉ាងពិសេស ដែលគូស្នេហ៍​​ជាច្រើន ចាក់សោរ​​បួងសួងសុំឲ្យ​ស្នេហារបស់គេ គង់វង្សរៀង​​រហូត បន្ទាប់មក ក៏បានបោះ​​កូនសោរ ចូលទៅ​​ក្នុងទឹក រហូតដល់​​នាវាបើកកាត់ ឡើង​គឿងទៅមុខ​​មិនរួច។ សោរប្រមាន​​ជាង៧០០ ០០០សោរ ត្រូវបានចាក់​​ជាប់បង្កាន់​​ដៃស្ពាន ហើយ ស្ពាននេះត្រូវ​បាន​រចនាដោយ Napoleon Bonaparte នៅឆ្នាំ១៨០២ និង បានត្រូវសាង​​សង់ឡើងវិញ នៅឆ្នាំ១៩៨០ ក្រោយត្រូវ​គ្រាប់​ទំលាក់បំផ្លាញ របស់ប្រទេស​​អាឡឺម៉ង់។

ដោយសារការខ្លាច ស្ពាននេះ​​រលំបាក់ ទើបរដ្ឋាភិបាល​​បារាំង ហាមមិនឲ្យចាក់​​សោរបន្ថែមទៀត ដើម្បីទុក​ស្ពាននេះ​ឲ្យនៅ ជាទីកន្លែង​​ទាក់ទាញ ទេសចរ តែក៏នៅ​​តែមានការ​​លក់សោរ លួចលាក់ និងអ្នកលួចឡើង ទៅចាក់សោរ លើបង្កាន់​​ដៃស្ពាន ដដែល៕