ដើមអម្ពិល, ស៊ីឈួន, (ស៊ិនហួ) ៖ ឧទ្យានគំរូ ដែលមាន​​​​ឈ្មោះថា មេឌីទែរ៉ាណេ បានចាប់ផ្តើម​​ការសាងសង់ ហើយ កាល ពីថ្ងៃ​ព្រហស្បតិ៍ ទី២៩ ខែឧសភា ស្ថិតនៅខេត្ត​​ស៊ីឈួន ភាគនិរតី​​ប្រទេសចិន ដែល នឹងបំពាក់ទៅ ដោយរូប​ចម្លងគំរូ​ដើម របស់នាវាទីតានិក ដោយក្នុងនោះ ក៏​​មានទាំងការ​​និមិត្តជា សកម្មភាពនាវាបុក​​ផ្ទាំងទឹកកក ព្រមទាំងឆ្នេរខ្សាច់​​​សប្បនិមិត្តឲ្យ​ដូច​ទៅនឹង Trumman Show ផងដែរ។

នាវាដែលនឹងចំណាយ​​ទឹកប្រាក់កសាង​​រហូតដល់ ២៥៦លាន​​ដុល្លារ និង ឆ្នេរខ្សាច់​​សប្បនិមិត្ត បង្កើត ឡើងដោយ​មនុស្សនេះ នឹងកា្លយជាគោល​​ដៅពីរសំខាន់ៗ​​បន្ថែមទៀត ក្នុងការទាក់ ទាញភ្ញៀវ​​ទេសចរ មកទស្សនានៅរម្មនីយ​ ដ្ឋាន Romandisea Seven Star International Cultural Tourism Resort ដែលក្នុងនោះ​​ក៏មានកសាង ព្រះវិហារគំរូ​​ទីក្រុងវីយ៉ែន, អាងងូតទឹក តាមបែបតួកគី, និង អ្វីដែលគ្រប់ គ្នាហៅថា​ គំរូប្រភេទ 6D ស្ទើរតែស្អាត​ជាងវត្ថុពិតទៅទៀត។

បើតាមការអះអាងពី​​ប្រធានក្រុម​​ហ៊ុនសាងសង់​​ខាងលើនេះ បានបញ្ជាក់ថា វាជាការ ពង្រីក សេចក្តី ស្រឡាញ់ និង ចងចាំរឿងដែល​​ទាក់ទងនឹងការលិច​​នាវាទីតានិក ហើយប្រការនេះ នឹងនាំឲ្យមនុស្ស លោកយល់​​កាន់តែច្បាស់ពី “ក្តីស្រឡាញ់ជា​​សកល និង ញាណ​​ទទួលខុស ត្រូវខ្ពស់អំឡុង ពេលដែលនាវា​​ទីតានិកលិច។ វាក៏បង្ហាញផង​ដែរពី​អារ្យ​ធម៌រុងរឿង​​របស់​​មនុស្ស កាលពីជាង ១០០ឆ្នាំមុននោះ។”

គួរបញ្ជាក់ថានាវាទីតានិក បានលិចនៅ​​ក្នុងមហាសាគរ​​អាត្លង់ទិក កាលពីថ្ងៃទិ១៥ ខែមេសា ឆ្នាំ ១៩១២ ពេល​កំពុង​ធ្វើដំណើរពីចក្រភព​​អង់គ្លេស ទៅកាន់​​សហរដ្ឋអាម៉េរិក។ ដោយឡែក ការសាង​​សង់គំរូ នាវានេះនឹងយកលំនាំ​តាម​ទាំងស្រុងពីក្នុង​​ខ្សែភាព​យន្ត ទីតានិក ដែលបាន ថតនៅឆ្នាំ ១៩៩៧។ ចំពោះការ​​សម្តែង 6D វិញ ក្រុមហ៊ុននឹង​បន្ថែម​មនុស្សពិត​​រាប់រយនាក់ នៅនឹងកន្លែង​​តែម្តង ដើម្បី សម្តែងជា​​សម្លេង (Sound Track) ឲ្យដូចនឹងពេល​លិចនាវា​ពិតៗ។