(ដើមអម្ពិល) អាហ្វ្រិកខាងត្បូង: លោកអ្នកធ្លាប់តែស្គាល់ សណ្ឋាគារក្នុងរូងភ្នំនៅ បណ្តាប្រទេសមួយចំនួន ក្នុង​តំបន់អឺរ៉ុប ប៉ុន្តែ ពេល នេះសូមណែនាំភ្ញៀវ ទេសចរទាំងឡាយនូវសណ្ឋាគារដ៏ប្រណីត មួយស្ថិតនៅក្នុងរូងភ្នំនៅ ប្រទេសអាហ្វ្រិក ខាងត្បូងវិញម្តង ធានាថា ពិត ជាល្អឥតខ្ចោះ សម្រាប់អ្នក​ដែលនិយម ដំណើរកំសាន្តតាមជួរភ្នំ និងការស្វែង យល់ពី ជីវិតសត្វព្រៃ។

សណ្ឋាគារភ្នំនេះមានឈ្មោះ Kagga Kamma ស្ថិតនៅតំបន់ភ្នំ Cederberg ដែលមាន​​អាយុកាល ៦០០០ឆ្នាំមក ហើយ រីឯបន្ទប់ស្នាក់ នៅត្រូវបានស្ថាបត្យករ​ជំនាញបានចោះថ្មភ្នំរចនា ជាបន្ទប់ដេកដ៏ស្រស់ ស្អាតបំពាក់ទៅ ដោយ ភ្លើងបំភ្លឺ យ៉ាងរ៉ូមែនទិកហើយភ្ញៀវដែលមក ស្នាក់នៅទីនេះ នឹងបានសម្រាកកាយ មើលតារារះនាពេលរាត្រី កណ្តាលព្រៃភ្នំទៀតផង។

ភ្ញៀវទេសចរភាគច្រើនតែងតែរីករាយនឹង ការជិះកង់កំសាន្តតាមជួរភ្នំ និងការដើរទស្សនា​​​​ធម្មជាតិនៃព្រៃភ្នំ រួមផ្សំ នឹង ការទទួលទានអាហារ កណ្តាលព្រៃ​​មើលទៅហាក់ ដូចជាប្លែកអារម្ម ណ៍ម្យ៉ាងដែរ។ ក្រៅពីនេះ គេក៏អាច ហែលទឹក លេងយ៉ាងត្រជាក់កាយ ជាមួយនឹងអាងហែលទឹក ក្នុងសណ្ឋាគារ​​ភ្នំនេះ៕