SuperAngkor News | Cambodia News | Khmer News | World News | News | Health | Technoloy | Star | Travel

ដោយធ្វើដំណើរពេលល្ងាចកាត់តាមផ្លូវសួនច្បារវិមានឯករាជ្យនោះ គេនឹងឃើញអ្នកខ្លះវ៉ៃសី អ្នកខ្លះដើរ អ្នកខ្លះរត់។ ពួកគេកំពុងតែនាំគ្នាឆ្លៀតចំណាយពេលវេលាដើម្បីធ្វើការហាត់ប្រាណដែលគេដឹងថានឹងជួយធ្វើអោយសុខភាពរឹងមាំ។

លោក ស្រី រី ជាមនុស្សម្នាក់ដែលតែងតែមានទីលំនៅនៅច្បារអំពៅ តែងតែធ្វើដំណើររាល់ល្ងាច ទៅកាន់សួនច្បារសម្តេចហ៊ុនសែន ដើម្បីហាត់ប្រាណជាមួយមនុស្សរាប់រយនាក់នៅទីនោះ។ លោក ស្រីបាននិយាយថា ចាប់តាំងពីលោកស្រីបានចំណាយ ពេលល្ងាចដើម្បីដើរហាត់ប្រាណជាមួយមិត្តភក្តិ លោកស្រីទទួលអារម្មណ៍ថា “ខ្ញុំដូចជាគេងលក់ស្រួលជាមុនហើយមិនសូវជាមាជំងឺផ្តាសាយឡើយ។ ខ្ញុំគិតថាសុខភាពរបស់ខ្ញុំល្អជាងពេលដែលខ្ញុំមិនហាត់ប្រាណ។”

លោក ស្រី រី ស្ថិតនៅក្នុងចំណោមអ្នកទីក្រុងភ្នំពេញជាច្រើននាក់ដែលបាននាំគ្នាទៅធ្វើលំហាត់ប្រាណនៅសួនច្បារ សម្តេចហ៊ុនសែន។

ជាមួយនឹងកំណើតមនុស្សយល់ដឹងអំពីសារសំខាន់នៃការហាត់ប្រាណសម្រាប់សុខភាពនោះ កន្លែងហាត់ប្រាណជាច្រើនក៏បានរីកស្គុះស្គាយនៅក្នុងទីក្រុងភ្នំពេញ។

ខណ:អ្នកខ្លះហាត់ប្រាណតាមក្លឹបផ្សេងៗនោះជាមួយនឹងការបង់ប្រាក់ប្រចាំថ្ងៃឬប្រចាំខែនោះ ប្រជាពលរដ្ឋមួយចំនួនបានជ្រើសរើសការហាត់ប្រាណ ជាក្រុមនៅតាមសួនច្បារ សាធារណៈ និងនៅកំពុងតែមានច្រើនៅក្រុងភ្នំពេញ ដូចជានៅ ពហុកីឡាដ្ឋានជាតិអូឡាំពិក សួនច្បារមុខក្រសួងការពារជាតិ និងសួនខាងមុខទីស្តីការគណៈរដ្ឋមន្ត្រី វិមាន សន្តិភាព សួនច្បារនៅតាមបណ្តោយមាត់ទន្លេ មុខវត្តឧណ្ណាលោម និងមុខវាំង សួនវិមានឯករាជ្យជាដើម។

ការចំណាយពេលវេលាមួយចំនួននៅពេលព្រឹកនិងពេលល្ងាចរបស់ប្រជាពលរដ្ឋមួយចំនួន នាំគ្នាំទៅហាត់ប្រាណ គឺបង្ហាញពីកក្តាជីវភាព របស់ពួកគាត់មានជីវភាពធូរធារ ជាងមុន ដូច្នេះត្រូវតែ គិតគូពីសុខភាពជាកក្កតាសំខាន់សម្រាប់បុគ្គលម្នាក់។

លោក វេជ្ជ បណ្ឌិត ងួន សេរ័ត្នតំណាងមន្ទីរពេទ្យ រ៉ាំ សៃ សាំដាប៊ី (Ramsay Sime Darby Health Care) ដ៏ល្បីល្បាញ នៅទីក្រុងកូឡាឡាំពួរប្រទេសម៉ាឡេស៊ីនិយាយថានេះជាសញ្ញាដ៏ល្អមួយហើយវានឹងផ្តល់ផលប្រយោជន៍ច្រើនចំពោះសុខភាព។ លោក និយាយថា ការចំណាយពេលវេលាមួយថ្ងៃយ៉ាងតិច៣០នាទីដើម្បីហាត់ប្រាណនឹងធ្វើអោយសុខភាពមនុស្សរឹងពឹង។

លោកបន្ថែមទៀថា ក្រៅពីការហាត់ប្រាណទៀងទាត់ ប្រជាជនក៏គួរគិតផងដែរអំពីការបរិភគអាហារដើម្បីសុខភាពដោយកាត់បន្ថយការទទួលទានអាហារមានជាតិខ្លាញ់ហើយបង្កើនការបរិភោគផ្លែឈើនិងបន្លែ។ ម្យ៉ាងទៀតនោះ លោក វេជ្ជបណ្ឌិតនិយាយថា ការពិនិត្យសុខភាពទៀងទាត់ក៏មានសារសំខាន់ផងដែរសម្រាប់ការបង្ការជំងឺ។

ប្រជាជនកម្ពុជាគួរតែចាប់ផ្តើមគិតអំពីការពិនិត្យសុខភាពទៀងទាត់ពីព្រោះថានៅពេលជំងឺមួយរកឃើញនៅក្នុងដំណាក់កាលដំបូងនោះវាមានលទ្ឋភាពកាន់តែច្រើននៅក្នុងការព្យាបាលជាសះស្បើយនិងចំណាយថវិការតិច។

លោក បាននិយាយថា “ហាត់ប្រាណទៀងទាត់ បរិភោគត្រឹមត្រូវ ការរស់នៅប្រកដោយអនាម័យនិង ការពិនិត្យសុខភាពទៀងទាត់នឹងផ្តល់ផលប្រយោជន៍ច្រើនណាស់សម្រាប់សុខភាព”៕