(ដើមអម្ពិល) បើយោងតាម ការដកស្រង់ ព័ត៌មានពីគេហទំព័រ dailymail កាលពីថ្ងៃទី ២២ ខែមេសា ឆ្នាំ ២០១៤ កន្លងទៅនេះ បានចុះផ្សាយថា ទីក្រុងដ៏ប្រណិតថ្មី របស់ចិន ត្រូវបានក្លាយជាទីក្រុងខ្មោច ឬទីក្រុងមរណៈ បន្ទាប់ពីទី ក្រុងនេះ កសាងរួចជាស្ថាពរ តែគ្មាននរណាម្នាក់រស់នៅ នេះឡើយ។

អ្នកស្រុករស់នៅជិតនេះ ហៅថា " ទីក្រុងមរណៈ " ឬ "The City of the Dead" ទោះបីទីក្រុងថ្មី មានទេសភាព ស្រស់ស្អាត លម្អទៅដោយ លក្ខណៈសម្បត្តិ និងគ្រឿងសង្ហារឹម ដ៏ប្រណិត ពីធម្មជាតិក៏ដោយ ។

នៅទីក្រុងខ្មោច ឬទីក្រុងនៃមរណៈ មានវីឡាជាង១០០ វីឡា ដែលគ្មានមនុស្សម្នារស់នៅ បន្ទាប់ពីសាង សង់រួច អស់រយៈពេល៦ឆ្នាំមកហើយ ស្ថិតនៅក្នុងទីក្រុង Beihai នៃប្រទេសចិន ដែលជាតំបន់ស្វ័យយ័ត ខេត្តគ័ងស៊ីហ្សួង Guangxi Zhuang ។

ទីក្រុងនេះ ត្រូវបានសាងសង់ឡើង ដើម្បីផ្តល់តម្រូវការសម្រាប់អ្នកមាន និងអ្នកដែលចូលចិត្ត វិនិយោគនៅក្នុង វិស័យអចលនទ្រព្យ និងភាពហ៊ឺហារ របស់មនុស្សសម័យទំនើប ដោយវីឡាមួយលក់ ក្នុងតម្លៃជាង ៤៨ម៉ឺនដុល្លារ៕