ខេត្ដកែប ដែលពីមុនមិនមានឆ្នេរខ្សាច់ ឥឡូវនេះមានឆ្នេរខ្សាច់សស្អាត ប្រវែង ៣៧០ម៉ែត្រ ទទឹង ៥០ ម៉ែត្រ សម្រាប់ទទួលភ្ញៀវទេសចរមកមុជទឹកសមុទ្រកម្សាន្ដ។

តាមការមើលឃើញជាក់ស្ដែង នៅថ្ងៃទី១៨ ខែកុម្ភៈ ឆ្នាំ២០១៤ ការចាក់ខ្សាច់បង្កើឆ្នេរខ្សាច់សមុទ្រនេះ បានសម្រេច ប្រហែល ៨០ភាគរយ រួចហើយ ដែលភ្ញៀវទេសចរទាំងជាតិ និងអន្ដរជាតិ បានចុះមុជទឹកលេងហូរហែរួចហើយ។

ការចាក់ខ្សាច់សមុទ្រ ប្រវែង ៣៧០ម៉ែត្រ ទទឹង ៥០ម៉ែត្រ និងប្រឡាយបេតុង ប្រវែង ៤០០ម៉ែត្រជាអំណោយរបស់ សម្ដេច តេជោ សែន នាយករដ្ឋមន្ដ្រីនៃព្រះរាជាណាចក្រកម្ពុជា ដែលចំណាយទឹកប្រាក់អស់ប្រមាណ ២០ម៉ឺន ដុល្លារ។ ចំពោះផ្លូវពីខេត្ដកំពត ទៅខេត្ដកែបវិញ ក៏ធ្វើជិតរួចរាល់ហើយដែរ៕

(ប្រភព៖ ដើមអម្ពិល)