Empuriabrava ជាទីក្រុងដ៏ស្រស់ស្អាត និងអស្ចារ្យមួយរបស់ប្រទេសអេស្ប៉ាញមានទីតាំងស្ថិតនៅជាប់ ឆ្នេរសមុទ្រ តំបន់ Costa Brava ភាគខាងជើងឈៀងខាងកើត ប្រទេសអេស្ប៉ាញ។ Empuriabrava ជាតំបន់ដ៏ធំ មួយ ក្នុងចំណោមតំបន់ធំៗជាច្រើនទៀត នៅលើពិភពលោក អមជាមួយនឹងប្រឡាយប្រវែង ៤០គីឡូម៉ែត្រ, ទូកជាង ៥ពាន់ និងផ្ទះ ៧.៨០០ខ្នង ប្រកបទៅដោយ ទេសភាពយ៉ាងស្រស់ស្អាត សម្រាប់ភ្ញៀវទេសចរណ៍ដែលចូលចិត្តរដូវ ក្តៅ។

ទីក្រុង Empuriabrava ដំបូងឡើយ ត្រូវបានគេសាងសង់ឡើង នៅលើវាលភក់ ហើយត្រូវបានគេ កែប្រែជាតំបន់ សម្រាប់ ភ្ញៀវទេសចរណ៍ នៅអំឡុងឆ្នាំ១៩៧០។ វាត្រូវបានគេចាត់ទុកជាតំបន់ទី៣ ដែលល្អជាងគេបំផុត នៅលើ ពិភពលោក ដោយតំបន់នេះ បានទាក់ទាញភ្ញៀវទេសចរណ៍ អ្នកសម្បូរទ្រព្យជាច្រើន មកពីទូទាំងពិភពលោក។ ជន ជាតិដែលសម្បូរជាងគេ នៅតំបន់នេះ មានដូចជា អាល្លឺម៉ង់ បារាំង អង់គ្លេស និងជនជាតិស្វីសជាដើម៕