SuperAngkor News | Cambodia News | Khmer News | World News | News | Health | Technoloy | Star | Travel

ក្រុមហ៊ុនដំណើរកំសាន្តតាមនាវា Carnival Cruise បានប្រកាសថាក្រុមហ៊ុននឹងផ្តល់ជូននូវការធានាភាគរយដល់ ១១០% ដល់អ្នកដំណើរថាពួកគេនឹងស្រឡាញ់សេវាកម្មរបស់នាវា ឬ ពួកគេអាចត្រឡប់ទៅផ្ទះវិញ ជាមួយប្រាក់សំណង របស់ក្រុមហ៊ុន។

លិខិតធានាវិស្សមកាលដ៏អស្ចារ្យ អនុញ្ញាតឱ្យភ្ញៀវអាចចាកចេញពីកប៉ាល់ភ្លាមៗ ជាមួយនឹងការសងប្រាក់វិញ ១១០% ភាគរយ មិនមានសំណួរត្រូវសួរនៅពេលក្រុមហ៊ុនចេញផ្សាយពត៌មាននេះទេ។ Carnival ក៏បានផ្តល់ផងដែរ នូវសំបុត្រយន្តហោះត្រឡប់ទៅផ្ទះវិញដោយឥតគិតថ្លៃចំពោះអតិថិជនដែលមិនសប្បាយចិត្តរួមទាំងថ្លៃសម្រាប់សណ្ឋាគារ និងការដឹកជញ្ជូនដី (បើចាំបាច់) និងការផ្តល់ឥណទាន ១០០ដុល្លា សម្រាប់ប្រើក្នុងនាវាកំសាន្ត Carnival នាពេលអនាគត។

ការធានានេះត្រូវមានការបកស្រាយពី អ្នកដំណើរចំពោះសេវាដែលធ្វើអោយពួកគេមិនពេញចិត្តក្នុងរយៈពេល ២៤ ម៉ោងដំបូងនៃការឡើងជិះនាវា។ "'លិខិតធានាការសម្រាកដ៏អស្ចារ្យ' ត្រូវបានបង្កើតឡើងដើម្បីផ្តល់នូវការធានាដល់អតិថិជនទាំងឡាយណាជ្រើសរើសយកនាវាកំសាន្តរបស់យើង " នេះបើតាមការលើកឡើងរបស់លោក Gerry Cahill ដែលជាអគ្គនាយក និងជានាយកប្រតិបត្តិរបស់ក្រុមហ៊ុនបានឱ្យដឹងនៅក្នុងការចេញផ្សាយនេះ។

គោលនយោបាយថ្មីនេះបានបង្កើតបញ្ហាជាច្រើនកើតមានក្នុងពេលធ្វើដំណើររបស់នាវាកំសាន្ត Carnival នាពេល កន្លងមក។ កាលពីខែកុម្ភៈនាវា Carnival បានរសាត់នៅលើសមុទ្រអស់រយៈពេលប្រាំថ្ងៃដោយគ្មានភ្លើងអគ្គីសនី ឬបន្ទប់ទឹកដែលអាចប្រើប្រាស់កើត បន្ទាប់មានភ្លើងឆេះបន្ទប់បញ្ជាម៉ាស៊ីនកប៉ាល់។ នឹងប៉ុន្មានសប្តាហ៍បន្ទាប់មកនៅក្នុងខែមីនា នាវា Carnival មានបញ្ហាម៉ាស៊ីនភ្លើងខណៈពេលដែលចូលចតនៅ St. Maarten ហើយអ្នកដំណើររបស់ខ្លួនត្រូវបានជូនតាមយន្តហោះត្រឡប់ទៅផ្ទះវិញ។

នៅក្នុងខែមេសា Carnival បានប្រកាសថាក្រុមហ៊ុនបានចំណាយច្រើនជាង ៣០០ លានដុល្លារ ដើម្បីអភិវឌ្ឍន៍ក្នុងនាវារបស់ខ្លួន ដោយបន្ថែមម៉ាស៊ីនភ្លើង និងបច្ចេកវិទ្យាថ្មីដែលមានសុវត្ថិភាព និងនីតិវិធីប្រតិបត្ដិការធ្វើឱ្យប្រសើរឡើងដើម្បីបង្ការនៅពេលនាវាពួកគេបាត់បង់ថាមពល។

Carnival និយាយថាការធានាជាថ្មីគឺជាវិធីដើម្បីទាក់ទាញភ្ញៀវមកធ្វើវិស្សមកាលជាមួយនាវាកំសាន្តនេះម្តងទៀត។

បើយោងទៅតាមការស្ទង់មតិមួយដែលធ្វើដោយក្រុមហ៊ុន Harris មាន 25 ភាគរយនៃអ្នកឆ្លើយតបដែលមិនដែលបានជិះនាវានេះ គិតថាដំណើរទេសចរនេះជា "ដំណើរកំសាន្តដែលគ្មានការព្រួយបារម្ភ" បើប្រៀបធៀបជាមួយនឹង ៥៣ ភាគរយនៃនាវាកំសាន្តដទៃទៀត។

"លិខិតធានាវិស្សមកាលដ៏អស្ចារ្យ" គឺមានសុពលភាពក្នុងដំណើរកំសាន្តរយៈពេល ៣ទៅ៨ថ្ងៃ ទៅកោះ Bahamas តំបន់ការាបៀន ប្រជុំកោះនៅម៊ិចស៊ិកូ កោះអាឡាស្កា ប្រទេសកាណាដា និងតំបន់ New England ដែលចេញ ដំណើរចាប់ពីថ្ងៃទី ៣០ ខែមេសា ឆ្នាំ 2015 ។ កម្មវិធីនេះ អនុវត្តចំពោះអ្នករស់នៅសហរដ្ឋអាមេរិក និងកាណាដាប៉ុណ្ណោះ ហើយភ្ញៀវត្រូវតែមានលិខិតឆ្លងដែនត្រឹមត្រូវដើម្បីត្រឡប់ទៅសហរដ្ឋអាមេរិកដោយជើងយន្តហោះ។