ដើមអម្ពិល, គែរ៍ ៖ ចំនួនភ្ញៀវទេសចរ ចូលទៅទស្សនា បណ្តាប្រសាទ នៅក្នុងប្រទេស​​អេហ្ស៊ីប បានធ្លាក់ចុះ ២១ភាគ រយ គិតនៅ​ក្នុង​​ខែមេសា ឆ្នាំ២០១៤នេះ ។

ទីភ្នាក់ងារព័ត៌មានចិន ស៊ិនហួ បានចុះផ្សាយ កាលពីចុង​​សប្តាហ៍មុនថា ក្រសួងទេស​​ចរណ៍អេហ្ស៊ី បានចេញរបាយ​ការណ៍មួយឲ្យដឹងថា ចំនួនភ្ញៀវទេស​​ចូលទស្សនា ប្រាសាទនៅក្នុង​​ប្រទេសអេហ្ស៊ីប គិតក្នុង ខែមេសា បានធ្លាក់ចុះ​២១ភាគរយ ធៀបនឹង​​អំឡុងពេលដូច​​គ្នាក្នុងឆ្នាំ២០១៣ ។

ក្រសួងខាងលើ បានបញ្ជាក់ថា គិតក្នុងខែ​​មេសា ឆ្នាំ២០១៤ ចំនួនភ្ញៀវ​​ទេសចរ ចូលមកទស្សនា ក្នុង ប្រទេសអេហ្ស៊ីប មានចំនួន ៨៥៩.៨៨៩នាក់ ។ នៅក្នុងខែមេសា ឆ្នាំ២០១៣ ចំនួនភ្ញៀវ​​ទេសចរ មាន រហូតដល់ ១.១១ លាននាក់ ។

មន្ត្រីទេសចរបានបញ្ជាក់ថា បន្ទាប់ពីមានការ​​បោះឆ្នោត ជ្រើសរើសប្រធានា​​ធិបតី និងស្ថានភាព​​នយោបាយ ប្រសើរ​ឡើងវិញ កំណើនភ្ញៀវទេសចរ​​នឹងកើនឡើងមិនខាន ៕