(ដើមអម្ពិល) ជប៉ុន: លោកអ្នកធ្លាប់ស្គាល់​​កោះឆ្មា នៅប្រទេសជប៉ុន​​ដែរទេ? វាគឺជាកោះ ដ៏ស្រស់​ស្អាតមួយ ធ្វើឲ្យ អ្នកទេសចរ ជាប់ចិត្ត ស្ទើរតែមិន​អាចបំភ្លេចបាន នៅលើទឹក​ដីជប៉ុន។ កោះឆ្មា ឬជាភាសាអង់គ្លេស Cat Island គឺជាកោះដ៏ តូចមួយ ស្ថិតនៅក្នុងតំបន់ នៃរដ្ឋ Miyagi ។

វាជាទីកន្លែង ដែលសំបូរទៅ​ដោយសត្វឆ្មាជាច្រើន គ្រប់ពណ៌សម្បុរ ដែលអ្នករស់​​នៅលើកោះ​​ចិញ្ចឹមទុក និងផ្តល់ឲ្យ ភ្ញៀវមកកម្សាន្ត នៅទីនេះ បានទស្សនាពួកវា ព្រោះគេជឿថា ការចិញ្ចឹមឆ្មាទាំងនេះ នឹងនាំមកនូវសំណាងល្អ និង ទ្រព្យសម្បត្តិ ចូលហូរហៀ។

មិនត្រឹមតែលោកអ្នក បានឃើញ​​សត្វឆ្មា ដ៏ច្រើននោះទេ សូម្បីតែ​​ទិដ្ឋភាពជុំវិញកោះឆ្មា ក៏ល្អប្រ​ណីត ធ្វើឲ្យអារម្មណ៍ អ្នកដែលមក​កម្សាន្ត ពិតជា បានត្រជាក់ចិត្ត ជាមួយនឹងការ សម្រាក​​លំហែកាយ ព្រមទាំងការងូតទឹកលេង កម្សាន្ត ជាមួយទឹកសមុទ្រ ដ៏ខៀវស្រងាត់ គួរជាទីគាប់ចិត្ត៕