ក្រុមរបាំសហរដ្ឋអាមេរិក មកសម្តែង និងស្វែងយល់សិល្បៈខ្មែរ រយៈពេល ១០ ថ្ងៃ នៅកម្ពុជា
|
October 15, 2014 (10:16:21)
|
[ 746 ] |
|
|
|
|
ភ្នំពេញ: DanceMotion USA គឺជាកម្មវិធីផ្លាស់ប្តូរ វប្បធម៌ចម្រុះ ដែលផ្សារភ្ជាប់ក្រុមរបាំល្អៗរបស់អាមេរិក ជាមួយនឹងសហគមន៍ និងអ្នកសិល្បៈអន្តរជាតិ។ DanceMotion USA មានឡើងដោយសារការិយាល័យអប់រំ និងកិច្ចការវប្បធម៌របស់ក្រសួងការបរទេសសហរដ្ឋអាមេរិក ក្នុងភាពជាដៃគូជាមួយបណ្ឌិតសភា តូរ្យតន្ត្រី Brooklyn (BAM)។
លោក Jay Ramon ប្រធានកិច្ចការសាធារណៈស្ថានទូតសហរដ្ឋអាមេរិកប្រចាំនៅកម្ពុជា និងជាអ្នកនាំពាក្យស្ថានទូតសហរដ្ឋអាមេរិក បានអោយដឹងនៅក្នុងសន្និសីទកាសែត កាលពីព្រឹកថ្ងៃទី១៤ ខែតុលាឆ្នាំ២០១៤ នៃសាកលវិទ្យាល័យភូមិន្ទវិចិត្រសិល្បៈថា នេះគឺជាផ្នែកមួយនៃកម្មវិធី ដែលមានឈ្មោះថា DanceMotiton USA របស់ក្រសួងការបរទេសសហរដ្ឋអាមេរិក និងដោយមានជំនួយពីអង្គការអម្រឹតាសិល្បៈ យើងមានកិត្តិយស ដោយក្រុមរបាំ Mark Morris Dance Group បានមកចូលរួមសម្តែងនៅកម្ពុជា ដែលជាប្រទេសទី១ នៃដំណើរចាប់ផ្តើមសំដែងរបស់ពួកគេនៅទ្វីបអាស៊ី។ ក្រុមរបាំនេះ ស្នាក់នៅ និងសម្តែងនៅប្រទសកម្ពុជា រយៈពេល១០ថ្ងៃ បន្ទាប់ពីចាកចេញពីប្រទេសកម្ពុជា ក្រុមរបាំនេះនឹងទៅសម្តែងនៅប្រទេសទីម័រខាងកើត កោះតៃវ៉ាន់ និងប្រទេសចិន។
លោកបន្តថា ក្នុងរយៈពេល ១០ ថ្ងៃ នៅកម្ពុជានេះ ក្រុមរបាំ Mark Morris Dance Group នឹងរួមសហការគ្នាជាមួយអ្នករបាំ និងតន្ត្រីករ មកពីអង្គការ អម្រឹតាសិល្បៈ អង្គការសិល្បៈខ្មែរអមតៈ អង្គការសិល្បៈខ្មែរ អង្គការ Epic arts សកលវិទ្យាល័យភូមិន្ទវិចិត្រសិល្បៈ វិទ្យាល័យវិចិត្រសិល្បៈ និង អង្គការ Tiny Toones។ នៅថ្ងៃសុក្រ ទី ១៧ ខែតុលា នៅម៉ោង ៦ ល្ងាច នឹងមានកិច្ចសន្ទនាជាមួយលោក Mark Morris នៅវិទ្យាស្ថានបារាំង នៅភ្នំពេញ។ ការបញ្ចាំងវីដេអូរឿង "Dido and Aeneas" ព្រមទាំងការសួរទៅលោកស្រី Nancy Umanoff នៅថ្ងៃសៅរ៍ ទី ១៨ ខែតុលា វេលាម៉ោង ៦:៣០ យប់ នៅមជ្ឈមណ្ឌលបុប្ផាណា ក្នុងរាជធានីភ្នំពេញ។ នៅថ្ងៃពុធទី២២ ខែតុលា នាម៉ោង ៦ល្ងាច នឹងធ្វើការសម្តែងនៅរោងមហោស្រពសិល្បៈខ្មែរ នៅក្រុងតាខ្មៅ។ ចំពោះសំបុត្រចូលទស្សនា មានចែកជូននៅអង្គការអម្រឹតាសិល្បៈ មហាវិថីសុធារស ចាប់ពីថ្ងៃទី ១៥ ខែតុលា។
លោក Mark Morris ប្រធានផ្នែកសិល្បៈរបស់ក្រុមរបាំ Mark Morris Dance Group បានបន្ថែមថាយើងមានផែនការថា យើងគួរធ្វើបែបណាដើម្បីទទួលបាននូវ បទពិសោធន៍មួយដ៏ល្អ ហើយយើងសង្ឃឹថាយើងនឹងសម្រេចបាន។ ក្នុងរយៈពេល១០ថ្ងៃនេះ យើងនឹងខិតខំសិក្សាស្វែងយល់ ពីប្រទេសកម្ពុជា ពីសិល្បៈ ពីវប្បធម៌ ផងដែរ ហើយក៏សង្ឃឹមថា ប្រជាជនកម្ពុជា នឹងតាមដាននូវសកម្មភាពទូទៅ របស់ពួកយើង ដែលនេះគឺជាការរៀនសូត្រពីគ្នាទៅវិញទៅមក។
លោក Mark Morris បានបញ្ជាក់បន្ថែមថា មូលហេតុដែលលោកជ្រើសរើសយកកម្ពុជា ជាប្រទេសទីមួយ ក្នុងដំណើរសម្តែងនេះ គឺដោយសារប្រទេសនេះ មានមរតកសម្បូរស្តុកស្តម ផ្នែកសិល្បៈ របាំ និងតូរ្យតន្ត្រី ផងដែរ ហើយការដែលលោកមកទីនេះ ក៏ជាឱកាសមួយដើម្បីអោយលោកចូលរួម ស្វែងយល់ ពីទំរង់របាំ និងទំរង់តន្ត្រីផងដែរ។
ចំណែកលោក ជឹង ឆោមមុនី សាលកវិទ្យាធិការរងនៃសាកលវិទ្យាល័យភូមិន្ទវិចិត្រសិល្បៈ បានអោយដឹងថា ៖ នេះគឺជាកម្មវិធីមួយដ៏ល្អ ដែលអាចអោយយើង ផ្លាស់ប្តូរបទពិសោធន៍ ស្គាល់នូវទំរង់សិល្បៈ របស់សហរដ្ឋអាមេរិក ហើយសិល្បៈករអាមេរិក ក៏អាចស្វែងយល់ពីទំរង់សិល្បៈរបស់យើងផងដែរ និងធ្វើអោយមានភាពស្និទស្នាលនូវមិត្តភាព៕
|
|
|
. |
|
|
|
|
|
. |
|
រៀល កម្ពុជា (1US$: KHR)
|
4015 |
4022 |
បាត ថៃឡង់ (1US$: THB)
|
31.48 |
31.55 |
ដុង វៀតណាម (1US$: VND)
|
22,720 |
22,800 |
ដុល្លារ ហុងកុង (1US$: HKD)
|
7.75 |
7.87 |
យ៉េន ជប៉ុន (100JPY: US$)
|
0.905 |
0.910 |
ដុល្លារ សឹង្ហបុរី (10SGD: US$)
|
7.58 |
7.63 |
រីងហ្គីត ម៉ាឡេស៊ី (10MYR: US$)
|
2.55 |
2.57 |
ផោន អង់គ្លេស (1GBP: US$)
|
1.405 |
1.410 |
យូរ៉ូ អឺរ៉ុប (1EUR: US$)
|
1.240 |
1.245 |
ហ្វ្រង់ ស្វីស (1CHF: US$)
|
0.905 |
0.910 |
ដុល្លារ អូស្ត្រាលី (1AUD: US$)
|
0.787 |
0.792 |
ដុល្លារ កាណាដា (1CAD: US$)
|
0.800 |
0.805 |
មាស គីឡូ (1CHI: US$)
|
160.5 |
161.5 |
កែប្រែរចុងក្រោយ ៖
09 - February - 2018
|
|
|