នី មុន្នីនាថ ប្រកាសទទួលយក ការសម្តែង គ្រប់កម្មវិធី ឡើងវិញ
|
May 13, 2014 (12:45:58)
|
[ 1700 ] |
|
|
|
|
ភ្នំពេញ: តារាសម្តែងជំនាញសម្រក់ទឹកភ្នែកនាង នី មុន្នីនាថ បានប្រកាសថា កញ្ញានឹងទទួលយកការងារចេញសម្តែង និងច្រៀង គ្រប់កម្មវិធីទាំងអស់ មិនថាកម្មវិធីនោះ លក្ខណៈធំដុំឬក៏តូចតាចក្តី។ ការប្រកាសបែបនេះបាន ធ្វើឡើងបន្ទាប់ពីនាង ធ្វើដំណើរមកដល់ទឹកដីស្រុកកំណើតវិញ ក្រោយចេញសម្តែង និងច្រៀងនៅលើទឹកដីសហរដ្ឋអាមេរិកអស់រយៈពេល ជាង៣ខែ កន្លងមកនេះ។
ជាតារាស្រីដែលទទួលបានភាពជោគជ័យលើអាជីពសម្តែងខាងសម្រក់ទឹកភ្នែកនាង នី មុន្នីនាថ បានអះអាងថា នាងបើកភ្លើងខៀវ ទទួលយក ការអញ្ជើញចេញសម្តែង និងច្រៀង គ្រប់កម្មវិធីទាំងអស់មិនថាច្រៀងរាំនៅក្នុងពិធីមង្គលការ ខួបកំណើត ចេញច្រៀងនៅតាមបណ្តា ខេត្តក្រុង ក៏ដូចជាការសម្តែងឬច្រៀងនៅតាមស្ថានីយទូរទស្សន៍ជាដើម។
មុន្នីនាថ និយាយថា នាងពិតជាមិនចង់អោយពេលវេលាដើរទៅមុខដោយឥតប្រយោជន៍នោះទេ ហើយក៏មិនចង់ អោយទីផ្សារសិល្បៈ ដែលនាងធ្លាប់ធ្វើការក្តោបក្តាប់ មុនចេញសម្តែង នៅលើទឹកដីអាមេរិករបូតចេញពីដៃទៅវិញផងដែរ ដូច្នេះហើយទើបតម្រូវអោយនាង បញ្ចេញនូវយុទ្ធសាស្ត្រ បែបនេះ។ ជាការកត់សម្គាល់បន្ទាប់ពីដំណើរវិល ត្រឡប់ពីការសម្តែងនិងច្រៀងនៅលើទឹកដីស៊ីវីល័យសហរដ្ឋអាមេរិកភ្លាមការងារសិល្បៈរបស់នាង មុន្នីនាថ ត្រូវបានគេមើលឃើញថាចាប់ផ្តើមរវល់ភ្លេត។
ក្នុងនោះក្រៅពីឡើងបង្ហាញវត្តមាននៅលើឆាកប្រគំតន្ត្រីរបស់ស្ថានីយទូរទស្សន៍ក្នុងស្រុកជាបន្តបន្ទាប់នោះនាង មុន្នីនាថ ក៏ត្រូវបានផលិតករក្នុងស្រុកផ្តល់ឱកាសអោយក្តោបក្តាប់នូវតំណែងធំៗចំនួនពីរផងដែរគឺតំណែងជាតួឯកនៅក្នុងខ្សែរឿងខ្នាតធំមួយ និងតំណែងជាពិធីការិនីនៅក្នុងស្ថានីយទូរទស្សន៍មួយ។
គេរំពឹងទុកថា តាមរយៈតំណែងធំៗទាំងពីរខាងលើនេះនឹងធ្វើអោយប្រជាប្រិយភាពរបស់នាង មុន្នីនាថ ហក់ឡើងមួយកំរិតបន្ថែមទៀត បន្ទាប់ពីគ្រោងតំណែង ជាតារាសម្តែង ល្បីឈ្មោះ អស់រយៈពេលជាច្រើនឆ្នាំ។
សូមរម្លឹកថា តារានាង នី មុន្នីនាថ បានចាកចេញពីប្រទេសកម្ពុជាឆ្ពោះទៅធ្វើការសម្តែងនិងច្រៀងនៅលើទឹកដី សហរដ្ឋអាមេរិក ក្នុងអំឡុងចុងខែមករា និងបានវិលត្រឡប់មកកាន់ទឹកដីស្រុកកំណើតវិញកាលពីថ្ងៃទី៣ ខែឧសភា ឆ្នាំ២០១៤។ ក្នុងអំឡុងចេញសម្តែង និងច្រៀង អស់រយៈពេលជាង៣ខែនោះដែរនាង មុន្នីនាថ ត្រូវបានហ៊ុំព័ទ្ធដោយរឿងអាស្រូវពាក់ព័ន្ធទៅនឹងមានទំនាក់ទំនង ស្នេហ៍ជាមួយអតីតតារាភាពយន្ត ល្បីឈ្មោះ ក្នុងទសវត្សទី៩០លោក កែវ កុសល៕
|
|
|
. |
|
|
|
|
|
. |
|
រៀល កម្ពុជា (1US$: KHR)
|
4015 |
4022 |
បាត ថៃឡង់ (1US$: THB)
|
31.48 |
31.55 |
ដុង វៀតណាម (1US$: VND)
|
22,720 |
22,800 |
ដុល្លារ ហុងកុង (1US$: HKD)
|
7.75 |
7.87 |
យ៉េន ជប៉ុន (100JPY: US$)
|
0.905 |
0.910 |
ដុល្លារ សឹង្ហបុរី (10SGD: US$)
|
7.58 |
7.63 |
រីងហ្គីត ម៉ាឡេស៊ី (10MYR: US$)
|
2.55 |
2.57 |
ផោន អង់គ្លេស (1GBP: US$)
|
1.405 |
1.410 |
យូរ៉ូ អឺរ៉ុប (1EUR: US$)
|
1.240 |
1.245 |
ហ្វ្រង់ ស្វីស (1CHF: US$)
|
0.905 |
0.910 |
ដុល្លារ អូស្ត្រាលី (1AUD: US$)
|
0.787 |
0.792 |
ដុល្លារ កាណាដា (1CAD: US$)
|
0.800 |
0.805 |
មាស គីឡូ (1CHI: US$)
|
160.5 |
161.5 |
កែប្រែរចុងក្រោយ ៖
09 - February - 2018
|
|
|