SuperAngkor News | Cambodia News | Khmer News | World News | News | Health | Technoloy | Star | Travel

ប្រធានសមាគមសិល្បករខ្មែរលោក សុះ ម៉ាច បានប្រតិកម្មតបទៅនឹងសាររបស់តារាសម្តែងស្រីសិចស៊ីនាង សេង សូណា ដែលបានធ្វើការបង្ហោះនៅក្នុង Account Facebook ដែលមានឈ្មោះ Seng Sona នឹងអមទៅដោយរូបភាព របស់នាងផងនោះ ដោយមានអត្ថន័យថា “ឆ្នាំនេះថតពាក់អាវ គេថាខ្ញុំសិចស៊ី ឆ្នាំក្រោយថតដោះអាវហើយថតរឿងសិចអោយទូទាំងពិភពលោកបានដឹងថា ខ្មែរមិនចាញ់បរទេសដែរ”។

តាមរយៈគេហទំព័រ CEN លោក សុះ ម៉ាច បានសម្តែងការសោកស្តាយ និងបានលើកឡើងថា តើនាង សេង សូណា គាត់ត្រូវធ្វើអ្វីខ្លះដើម្បីជាគំរូល្អសម្រាប់សង្គមជាតិ និងវប្បធម៌ប្រពៃណីខ្មែរដ៏ល្អផូផង់។ គាត់សរសេរពាក្យទាំងនេះ ចេញមក គឺមិនអាចទទួលយកបានឡើយ។

ប្រធានសមាគមសិល្បករខ្មែររូបនេះសង្កត់ធ្ងន់ថា នាង សេង សូណា គាត់មានវ័យប៉ុណ្ណេះទៅហើយគាត់ប្រាកដជាចេះគិតនិងពិចារណាវែងឆ្ងាយ ព្រោះយើងមិនមែនជាជាតិសាសន៍អឺរ៉ុបទេ ។ បើទោះជាគាត់(សេង សូណា) កាន់សញ្ជាតិ អ្វីក៏ដោយ ប៉ុន្តែគាត់មានឈ្មោះជាសិល្បការិនីខ្មែរគប្បីធ្វើអ្វីៗកុំអោយមានការប៉ះពាល់ទៅដល់វប្បធម៌ប្រពៃណីខ្មែរ ។
យ៉ាងណាក៏ដោយលោក សុះ ម៉ាច បានបញ្ជាក់ថា “ ត្រីមួយកន្ត្រក បើស្អុយមួយ គឺស្អុយទាំងអស់ ” ដូច្នេះសូមកុំធ្វើអ្វីប៉ះពាល់ទៅដល់កិត្តិយលសិល្បករខ្មែរដ៏ទៃទៀត គួរពិចារណាឡើងវិញសម្រាប់ទង្វើបែបនេះ ។

ពាក់ព័ន្ធទៅនឹងតារាមួយចំនួនដែលនិយមបញ្ចេញភាពសិចស៊ីដើម្បីភាពល្បីរបស់ខ្លួននោះត្រូវបានលោក សុះ ម៉ាច អះអាងថា គាត់យល់ខុសទាំងស្រុងព្រោះនៅបរទេសវប្បធម៌របស់គេផ្ទុយស្រឡះពីប្រពៃណីវប្បធម៌ខ្មែរយើងគឺមិនអាចធ្វើទង្វើបែបនេះដូចគេបានឡើយ។លោកបន្ថែមថាមិនមែនទាល់តែបង្ហាញភាពសិចស៊ីឬថតរឿងសិចទើបអាចទាក់ទាញការគាំទ្រច្រើនពីសំណាក់មហាជននោះទេ ព្រោះកន្លងមកមានតារាល្បីៗខ្មែរជាច្រើនរូបគេមិនបានធ្វើទង្វើបែបនេះផង ហេតុអ្វីគេអាចសាងកេរ្តិ៍ឈ្មោះល្បីល្បាញបាន ។

លោក សុះ ម៉ាច បានបញ្ជាក់ថា សមត្ថភាព និងទេពកោសល្យ ក៏ដូចជាការប្រាស្រ័យទាក់ទងល្អគឺជាកត្តាដែលជួយជម្រុញអោយសិល្បករខ្មែរទទួលបានភាពល្បីល្បាញយូរអង្វែង។

ជាមួយគ្នានេះផងដែរប្រធានសមាគមសិល្បករខ្មែររូបនោះក៏សូមធ្វើការអំពាវនាវដល់បណ្តាយុវវ័យមួយចំនួនដែលនិយមថតរូបភាពសិចស៊ី អាណាចារ្យ អាសអាភាសបង្ហោះនៅតាម Facebook អោយបញ្ឈប់ជាបន្ទាន់ ព្រោះធ្វើអញ្ចឹងវាហាក់ដូចជាជាន់ពន្លិចនូវវប្បធម៌ ប្រពៃណីទំនៀមទំលាប់របស់ជាតិ៕