អ្នកនិពន្ធ និងផលិតករខ្មែរ គ្រោងបង្កើនស្នាដៃខ្លួនឯង ក្រោយពេលប្រមុខរាជរដ្ឋាភិបាល រិះគន់រឿងលួចចម្លង
|
March 07, 2014 (08:23:32)
|
[ 592 ] |
|
|
|
|
ឆ្លើយតបទៅនឹងការលើកឡើងរបស់ប្រមុខរាជរដ្ឋាភិបាលកម្ពុជាដែលបានស្នើអោយបណ្តាផលិតកម្មនានាត្រូវកាត់បន្ថយនូវវប្បធម៌លួចចម្លងកម្មសិទ្ធិបញ្ញាក៏ដូចជាការលួចចម្លងស្នាដៃពីបរទេស ហើយត្រូវខិតខំបង្កើតនូវស្នាដៃថ្មីៗដោយខ្លួនឯងអោយបានច្រើននោះ បណ្តាផលិតករ និងអ្នកនិពន្ធខ្មែរបានសម្តែងនូវការសាទរ និងគ្រោងបង្កើនស្នាដៃរបស់ខ្លួនបន្ថែមទៀត។
អ្នកនិពន្ធបទភ្លេងរបស់ផលិតកម្មរស្មីហង្សមាសលោក សួន ពិសិដ្ឋ បានសម្តែងនូវការសាទរ និងគាំទ្រ ព្រមទាំងបានបញ្ជាក់ពីគោលជំហររបស់ខ្លួនក្នុងការធ្វើអ្វីដែលថ្មី និងជាស្នាដៃរបស់ខ្លួនឯងដោយមិនចម្លងពីបរទេស ។ លោកអះអាងថា បច្ចុប្បន្ននេះវិស័យសិល្បៈខ្មែរបាននឹងកំពុង បោះជំហានទៅមុខជាបណ្តើរៗហើយ ដូច្នេះយើងត្រូវពង្រឹងខ្លួនបន្ថែមទៀតតាមរយៈបង្កើន ការផលិតនូវស្នាដៃថ្មីៗដោយបញ្ឈប់នូវការលួចចម្លងពីបរទេសតទៅទៀត ។
លោក សួន ពិសិដ្ឋ បានចាត់ទុកថា ការលួចចម្លងស្នាដៃពីបរទេសតាមរយៈបទចម្រៀងក្តី ក៏ដូចជាខ្សែភាពយន្តក្តីគឺជាទោសកំហុសមួយដែលនាំអោយមានការអាប់ឱនដល់កិត្តិយស របស់ប្រទេសជាតិទាំងមូល ។
លោក ខេមរៈ ភារុណ ដែលជាអ្នកនិពន្ធទំនុក ច្រៀងរបស់ផលិតកម្មសាន់ដេ ក៏បានសម្តែងនូវក្តីរីករាយ និងគាំទ្រផងដែរចំពោះការអំពាវនាវ អោយលុបបំបាត់ចោលនូវវប្បធម៌លួចចម្លងស្នាដៃពីបរទេសពីសំណាក់ប្រមុខរាជ រដ្ឋាភិបាល ។ លោក ខេមរៈ ភារុណ បានលើកឡើងថា កន្លងមកខាងផលិតកម្មសាន់ដេបានផលិតនូវស្នា ដៃថ្មីៗរបស់ខ្លួនជាបណ្តើរៗហើយ ។ ហើយពេលនេះក៏កំពុងតែញាប់ដៃញាប់ជើងក្នុងផលិត បទចម្រៀងដោយខ្លួនឯង មិនចម្លងពីគេជាច្រើនបន្ថែមទៀត ។
លោក ឡាយ សុកចំរើន អ្នកចាត់ការទូទៅរបស់ផលិតកម្មសាន់ដេបានបញ្ជាក់ថា ផលិតកម្មរបស់លោកមានគម្រោងផលិតបទចម្រៀងថ្មីៗអោយកាន់តែច្រើនបន្ថែមទៀត ដើម្បីឆ្លើយតបទៅនិងការរិះគន់ធ្ងន់ៗពីសំណាក់មហាជននា ពេលកន្លងមក។ លោកបញ្ជាក់ថា យ៉ាងហោចណាស់ក្នុងចំណោម៥អាល់ប៊ុមនៃបទចម្រៀងដែលក្រុមហ៊ុនបញ្ចេញចរាចរលក់នៅលើទីផ្សារ ត្រូវមានបទចម្រៀងដែលធ្វើមេឡូឌីថ្មី២អាល់ប៊ុមដែរ ។ ជាមួយគ្នានោះប្រភពពីផលិតកម្មថោនក៏បានអះអាងផងដែរថា គ្រោងផលិតនូវបទចម្រៀងនិងទំនុកភ្លេងថ្មីៗរហូតដល់៩០ភាគរយនាពេលខាងមុខ ។
ពាក់ព័ន្ធទៅនឹងផលវិបាកក្នុងការផលិតបទចម្រៀងដែលជាស្នាដៃមិនចម្លងពីគេលោក ខេមរៈ ភារុណ បានបញ្ជាក់ថា អ្នកនិពន្ធត្រូវការនូវថវិកា និងពេលវេលាជាចាំបាច់ ។ ហើយក្នុងនោះក៏ត្រូវការទាមទារនូវច្បាប់រក្សាកម្មសិទ្ធិបញ្ញាផងដែរ។
យ៉ាងណាក៏ដោយបណ្តាអ្នកនិពន្ធ និងផលិតករខាងលើបានស្នើអោយមហាជនទូទៅ ពិសេសក្រុមយុវវ័យមេត្តាចូលរួមគាំទ្រ ក៏ដូចជាលើកទឹកចិត្តនូវបទចម្រៀងថ្មីៗដែលជាស្នាដៃកូនខ្មែរដើម្បីអោយខាងផលិតកម្មកាន់តែមានទឹកចិត្តក្នុងការតែងនិពន្ធ៕
|
|
|
. |
|
|
|
|
|
. |
|
រៀល កម្ពុជា (1US$: KHR)
|
4015 |
4022 |
បាត ថៃឡង់ (1US$: THB)
|
31.48 |
31.55 |
ដុង វៀតណាម (1US$: VND)
|
22,720 |
22,800 |
ដុល្លារ ហុងកុង (1US$: HKD)
|
7.75 |
7.87 |
យ៉េន ជប៉ុន (100JPY: US$)
|
0.905 |
0.910 |
ដុល្លារ សឹង្ហបុរី (10SGD: US$)
|
7.58 |
7.63 |
រីងហ្គីត ម៉ាឡេស៊ី (10MYR: US$)
|
2.55 |
2.57 |
ផោន អង់គ្លេស (1GBP: US$)
|
1.405 |
1.410 |
យូរ៉ូ អឺរ៉ុប (1EUR: US$)
|
1.240 |
1.245 |
ហ្វ្រង់ ស្វីស (1CHF: US$)
|
0.905 |
0.910 |
ដុល្លារ អូស្ត្រាលី (1AUD: US$)
|
0.787 |
0.792 |
ដុល្លារ កាណាដា (1CAD: US$)
|
0.800 |
0.805 |
មាស គីឡូ (1CHI: US$)
|
160.5 |
161.5 |
កែប្រែរចុងក្រោយ ៖
09 - February - 2018
|
|
|