ទន្ទឹមនឹងនោះដែរព្រឹត្តិការណ៍បាល់ទាត់ពិភពលោក World Cup ឆ្នាំ២០១៤ នឹងកាន់តែខិតមកដល់ហើយនាថ្ងៃ ទី១២ ខែមិថុនាខាងមុខនៅប្រទេសប្រេស៊ីល។ កំដៅនៃការរង់ចាំរបស់អ្នកគាំទ្រទស្សនិកជន និងកីឡាករដែលកំពុង តែ ត្រៀមចូលរួមកម្មវិធីដែលមានរយៈពេល៤ឆ្នាំម្តងនេះ ក៏កំពុងតែដុតរោលរាលពេញខ្លួនប្រាណផងដែរ។
ជាការពិតណាស់ការប្រកួតពានរង្វាន់ធំលំដាប់ពិភពលោកមួយនេះ គេតែងតែមានបទចំរៀងប្រចាំរបស់គេជាដរាប ។ ជាក់ស្តែងថ្មីៗនេះសមាគមបាល់ទាត់ពិភពលោក FIFA ក៏បានប្រកាសប្រាប់ទៅទស្សនិកជនថាបទចម្រៀងប្រចាំ FIFA World Cup 2014 ដែលប្រេស៊ីលធ្វើជាម្ចាស់ផ្ទះនេះនឹងមានចំណងជើងថា "We Are One" ដែលត្រូវបាន ច្រៀង រួមគ្នា៣នាក់មានតារាចម្រៀងរ៉េបជនជាតិអាម៉េរិក Pitbull, Jennifer Lopez និងតារាចម្រៀងស្រីប្រេស៊ីល Claudia Leitte ដែលវាមានការខុសប្លែកបន្តិចកាលពី World Cup 201០ ដោយបទចម្រៀងមានចំណងជើងថា “Waka Waka” ច្រៀងដោយតារាងចម្រៀងស្រីជនជាតិកូឡប៊ី Shakira និងតារាចម្រៀងអាហ្រ្វិកខាងត្បូង។