SuperAngkor News | Cambodia News | Khmer News | World News | News | Health | Technoloy | Star | Travel

ទីបំផុតសាលាដំបូងរាជធានីភ្នំពេញបានប្រកាសសាលក្រមសម្រេចឲ្យពិធីការិនីនិងជារាតាសម្តែងនាង ឌួង ហ្សូរីដា ចាញ់ក្តីហើយក្នុងបទបរិហាកេរ្តិ៍ជាសាធារណៈ ដោយក្នុងនោះនាង ត្រូវបានតុលាការបានសម្រេចពិន័យជាប្រាក់២លានរៀល និងតម្រូវអោយសងជម្ងឺចិត្តដល់ដើមបណ្តឹងចំនួន៥លានរៀល។

ការប្រកាសសាលក្រមរបស់សាលាដំបូងរាជធានីភ្នំពេញធ្វើឡើង កាលពីថ្ងៃទី៦ ខែកុម្ភៈ ឆ្នាំ២០១៤នេះ បន្ទាប់ពីរឿងក្តីរវាងនាង ឌួង ហ្សូរីដា ជាមួយដើមបណ្តឹងអ្នកស្រី តាន់ធារ៉ាម្ចាស់ហាងខ្មែរឌីហ្សាញបានអូសបន្លាយអស់រយៈពេលជិត២ឆ្នាំ។ការប្រកាសសាល ក្រមកំបាំងមុខនេះបានធ្វើឡើងក្រោមវត្តមាររបស់លោកចៅក្រមសិនវិសាលនិងមានការចូលរួមពីភាគីដើមបណ្តឹងនិងមេធាវីការពាក្តីរបស់នាង ឌួង ហ្សូរីដា ខណៈអវត្តមាននាង ឌួង ហ្សូរីដា។

បើយោងតាមប្រភពពត៌មានបានអោយដឹងថា ក្រោយការប្រកាសសាលក្រមលោកមេធាវីការពារក្តីអោយនាង ឌួង ហ្សូរីដា បានសម្តែងនូវការមិនសុខចិត្តទៅតាមការសម្រេចនេះឡើយហើយបានចាត់ទុកការកាត់ក្តីរបស់តុលាការមិនមានភាពយុត្តិធម៌ត្រឹមត្រូវ។ទន្ទឹមនោះលោកមេធាវីក៏កំពុងតែធ្វើការពិចារណាជាមួយកូនក្តីរបស់ខ្លួនគឺនាងឌួង ហ្សូរីដា ដើម្បីដាក់ពាក្យបណ្តឹងជំទាស់ទៅនឹងការសម្រេចរបស់សាលាដំបូងរាជធានីភ្នំពេញផងដែរ។

គួរបញ្ជាក់ថា ប្រធានក្រុមតារាបង្ហាញម៉ូត Cambodia Super Model នាង ឌួង ហ្សូរីដា ត្រូវបានម្ចាស់ហាងខ្មែរឌីហ្សាញអ្នកស្រី តាន់ ធារ៉ា ប្តឹងពីបទបរិហាកេរ្តិ៍ជាសាធារណៈនៅតាមបណ្តាញទំនាក់ទំនងសង្គម Facebook។ ដោយក្នុងនោះនាង ឌួង ហ្សូរីដា បានចោទប្រកាន់អ្នកស្រី តាន់ធារ៉ាថាបានអូសទាញបុគ្គលិកនៅក្នុងហាងរបស់ខ្លួន។ប៉ុន្តែដោយម្ចាស់ហាងខ្មែរឌីហ្សាញបានអះអាងថា ខ្លួនមិនបានអូសទាញបុគ្គលិកពីហាងរបស់ ឌួង ហ្សូរីដា នោះទេគឺអតីតមេកាក្នុងហាងរបស់នាង ឌួង ហ្សូរីដា បានមកបបួលម្តាយរបស់ខ្លួនចូលហ៊ុនគ្នាដើម្បីបើកហាងកាត់ដេរ ខ្មែរឌីហ្សាញ ប៉ុណ្ណោះ៕