តារាជាប់ចោទជាម៉ែយ៉ែមៈ ខ្សែជីវិតរបស់នាង អូ រស្មី មុនក្លាយជាតារាចម្រៀង
|
January 23, 2014 (12:45:47)
|
[ 647 ] |
|
|
|
|
តារាចំរៀងសម្លេងរដឺននាង អូ រស្មី បានបង្កើតនូវភាពភ្ញាក់ផ្អើលមួយពីសំណាក់អ្នកគាំទ្រទឹកដមសម្លេងរបស់នាងកាលពី ថ្ងៃទី១៨ ខែមករា កន្លងទៅនេះបន្ទាប់ពីសមត្ថកិច្ចប្រកាសជាសាធារណៈអំពីការចាប់ខ្លួននាងក្រោមការសង្ស័យនាំក្មេងស្រីទៅលក់ព្រហ្មចារី។ ជាមួយនឹងគេបានដឹងឮថាជីវភាពរបស់តារាចំរៀងរូបនេះគឺមិនលំបាកទេដូចនេះការចូលខ្លួនពាក់ព័ន្ធនឹងជំនួញអត់ដើមបានធ្វើឲ្យមានការចង់ដឹងថានាងអូ រស្មី ជានរណា?។
មុនពេលអភិវឌ្ឍន៍ខ្លួនក្លាយជាតារាចម្រៀងល្បីឈ្មោះមួយរូបដែលធ្វើអោយមហាជនទទួលស្គាល់ នាង អូ រស្មី ធ្លាប់ឆ្លងកាត់នូវប្រវត្តិ តស៊ូចេញពីក្មេងលៀងចានក្នុងភោជនីយដ្ឋានមួយ។ ជីវិតរសាត់អណ្តែតចេញពីទឹកដីស្រុកកំណើតនៅឯខេត្តសៀមរាបតារាចម្រៀងស្រីសម្លេងរដឺន នាង អូ រស្មី បានធ្វើដំណើរមកស្វែងរកអនាគតថ្មីនៅទីក្រុងភ្នំពេញ ។ មករស់នៅលើទឹកដីស៊ីវីល័យក្រុងភ្នំពេញ ក្រោយចាកចេញពីស្រុកកំណើតក្នុងអំឡុងឆ្នាំ២០០៤នាងរស្មីបានផ្ញើជីវិតរបស់នាងនៅក្នុងភោជនីយដ្ឋានមួយកន្លែងក្បែរស្ថានទូតចិនដោយបម្រើការងារជាអ្នកលៀងចាន ។
ក្នុងកម្រិតជីវភាពដ៏លំបាករកព្រឹកខ្វះល្ងាចទម្រាំក្លាយជាអ្នកចម្រៀងប្រចាំភោជនីយដ្ឋាននាង អូ រស្មី បានចូលទៅហាត់ច្រៀងនៅក្នុងក្លឹបសិល្បៈមួយឈ្មោះថាក្លឹប“ប្រជានុភាព”។ អ្វីជាការកត់សម្គាល់គឺតារាចម្រៀងមានស្រុកកំណើតនៅខេត្តសៀមរាបរូបនេះបានកែប្រែជីវិតរបស់ខ្លួនពីអ្នកលៀងចានមកជាអ្នកចម្រៀងប្រចាំភោជនីយដ្ឋានតែមួយ។ នៅទីនោះនាងច្រៀងដើម្បីប្តូរអាហារបីពេល និងការស្នាក់នៅតែប៉ុណ្ណោះ ដោយមិនបានគិតពីផលកំរ៉ៃអ្វីឡើយ ។
នៅក្នុងអំឡុងឆ្នាំ២០០៦នាង អូ រស្មី បានផ្លាស់ទៅច្រៀងជាប្រចាំនៅភោជនីយដ្ឋានមួយកន្លែង នៅត្រើយម្ខាង ( ព្រែកលៀប ) តំបន់ជ្រោយចង្វារ ។ ការងារនៅទីនោះបានធ្វើអោយជីវិតរបស់នាងមានការប្រសើរឡើងបន្តិចព្រោះមានចំនូលប្រចាំថ្ងៃ ក៏ដូចជាការទទួលបាននូវថវិកាលើកទឹកចិត្តពីបណ្តាភ្ញៀវទាំងឡាយរាល់ពេលដែលនាងចេញច្រៀងម្តងៗ ។
នាងអូ រស្មី បានបង្ហាញមុខជាលើកដំបូងនៅលើឆាកតន្ត្រីរបស់ស្ថានីយទូរទស្សន៍កងយោធពលខេមរភូមិន្ទប៉ុស្តិ៍លេខ៥ក្នុងកម្មវិធី“តារាមាសតន្ត្រី”ដែលមានលោកចារិទ្ធីជាអ្នកគ្រប់គ្រងកម្មវិធី។ ក្រោយរំលេចទឹកដមសម្លេងនៅតាមបណ្តាភោជនីយដ្ឋាននានាក្នុងក្រុងភ្នំពេញ ក៏ដូចជានៅតាមឆាកតន្ត្រីទូរទស្សន៍ជាបន្តបន្ទាប់បានធ្វើអោយកេរ្តិ៍ឈ្មោះរបស់នាង រស្មី ត្រូវបានមហាជនជាច្រើនទទួលស្គាល់ រហូតធ្វើអោយម្ចាស់ផលិតកម្មក្នុងស្រុកជាច្រើនធ្វើការទំនាក់ទំនងហៅទៅច្រៀង ។ ផលិតកម្មដែលនាងធ្លាប់ច្រៀងមានដូចជា ផលិតកម្មភ្នំពេញ, បុប្ផា, រៃមាស, តោមាស, VIP និងផលិតកម្មជាច្រើនទៀត ។
ក្រៅពីច្រៀងអោយផលិតកម្មក្នុងស្រុកនាងអូរស្មីក៏ត្រូវបានគេអញ្ជើញចេញទៅច្រៀងនៅក្រៅប្រទេសផងដែរដូចជាប្រទេសអូស្ត្រាលី, បារាំង, កាណាដា និងសហរដ្ឋអាមេរិក។ អ្វីដែលធ្វើអោយកេរ្តិ៍របស់នាងអូរស្មីកាន់តែលេចធ្លោទៀតនោះគឺក្រោយពីតារាចម្រៀងរួមស្រុកកំណើតនាងសូសុភក្ត្រ័ដែលមានទឹកដមសម្លេងរដឺនពិរោះបានអវត្តមានក្នុងពិភពចម្រៀងក្នុងស្រុកដោយត្រូវចាកចេញទៅរស់នៅក្រៅប្រទេសជាមួយស្វាមី ។ ការឃ្លាតឆ្ងាយពីសង្វៀនសិល្បៈរបស់គូប្រជែងនាង សូ សុភក្ត្រ័ បានផ្តល់ឱកាសច្រើនសម្រាប់នាង អូ រស្មី ក្នុងការក្តោបយកទីផ្សារបទចម្រៀងបែបរដឺនយ៉ាងត្រជាក់ចិត្ត ។
នាង រស្មី ត្រូវបានប៉ូលិសចាប់ខ្លួនកាលពីរសៀលថ្ងៃទី១៨ ខែមករា នៅនឹងផ្ទះរបស់នាងនៅក្នុងបូរីមួយនៃរាជធានីភ្នំពេញ ក្រោមការជាប់សង្ស័យល្បួងក្មេងស្រីវ័យ ១៤ឆ្នាំម្នាក់ ទៅលក់ព្រហ្មចារីឲ្យបុរសចំណាស់។ នាងក៏ត្រូវបាន តុលាការសំរេចឃុំខ្លួនកាលពីថ្ងៃទី២០ ខែមករា ក្រោមបទចោទប្រកាន់ចំនួនពីរគឺ ទី១.បទជួញដូរមនុស្សមានគោលដៅនិងទី២.សញ្ចកម្មមានស្ថានទំងន់ទោស។ ប្រសិនជាតុលាការរកឃើញថា នាងមានកំហុសដូចបទចោទប្រកាន់នេះមែន ក្នុងមួយបទល្មើសអាចទទួលទោសពី៧ ទៅ១៥ឆ្នាំ។ នៅពេលនាង អូ រស្មី ត្រូវបានចាប់ខ្លួននាងមានអាយុ៣១ ឆ្នាំ៕
|
|
|
. |
|
|
|
|
|
. |
|
រៀល កម្ពុជា (1US$: KHR)
|
4015 |
4022 |
បាត ថៃឡង់ (1US$: THB)
|
31.48 |
31.55 |
ដុង វៀតណាម (1US$: VND)
|
22,720 |
22,800 |
ដុល្លារ ហុងកុង (1US$: HKD)
|
7.75 |
7.87 |
យ៉េន ជប៉ុន (100JPY: US$)
|
0.905 |
0.910 |
ដុល្លារ សឹង្ហបុរី (10SGD: US$)
|
7.58 |
7.63 |
រីងហ្គីត ម៉ាឡេស៊ី (10MYR: US$)
|
2.55 |
2.57 |
ផោន អង់គ្លេស (1GBP: US$)
|
1.405 |
1.410 |
យូរ៉ូ អឺរ៉ុប (1EUR: US$)
|
1.240 |
1.245 |
ហ្វ្រង់ ស្វីស (1CHF: US$)
|
0.905 |
0.910 |
ដុល្លារ អូស្ត្រាលី (1AUD: US$)
|
0.787 |
0.792 |
ដុល្លារ កាណាដា (1CAD: US$)
|
0.800 |
0.805 |
មាស គីឡូ (1CHI: US$)
|
160.5 |
161.5 |
កែប្រែរចុងក្រោយ ៖
09 - February - 2018
|
|
|