ប្រធានសមាគមសិល្បករ សុំឲ្យបញ្ឈប់ការចម្លង បទបរទេសធ្វើអាជីវកម្ម
|
January 15, 2014 (10:29:46)
|
[ 645 ] |
|
|
|
|
ជាថ្មីម្តងទៀតប្រធានសមាគមសិល្បករខ្មែរលោក សុះ ម៉ាច បានអំពាវនាវទៅដល់គ្រប់បណ្តាផលិតកម្មក្នុងស្រុក ក៏ដូចជាតន្ត្រីករអ្នកនិពន្ធបទភ្លេងទំនុកច្រៀងអោយបញ្ឈប់នូវវប្បធម៌លួចចម្លងបទរបស់គេដោយពុំមានការអនុញ្ញាតិមកធ្វើអាជីវកម្មតទៅទៀត។
ប្រធានសមាគមរូបនេះ បានសរសេរសារបង្ហោះនៅលើបណ្តាញទំនាក់ទំនងសង្គម Facebook របស់ខ្លួនថា ដោយសង្កេតឃើញថា វិស័យសិល្បៈចម្រៀងរបស់យើងហាក់ដូចជាពុំមានការអភិវឌ្ឍទៅមុខខ្លាំង ម្យ៉ាងវិញទៀតកំពុងរងការព្រមាន នឹងរិះគន់ ពីប្រទេសមួយចំនួនក្នុងតំបន់អាស៊ីមាន ជាអាទិ៍ដូចជា ថៃ, ម៉ាឡេស៊ី, កូរ៉េ, វៀតណាម ជាដើម ។ល។
ក្នុងសារបានបញ្ជាក់ថាក្នុងបញ្ហាលួចចម្លងបទចម្រៀងរបស់គេ តាមតួលេខពីវៀតណាមអោយដឹងថាផលិតកម្មធំៗមួយចំនួនលួចយកបទចម្រៀង របស់គេរហូតជាង ៥.០០០បទឯណោះ ។ ដូច្នេះដើម្បីអភិរក្ស អភិវឌ្ឍន៍ និងស្តារមុខមាត់សិល្បៈជាតិយើងឡើងវិញ ក្នុងនាមខ្ញុំបាទជាប្រធានសមាគមសិល្បៈ សូមអំពាវនាវសំណូមពរគ្រប់បណ្តាផលិតកម្ម តន្ត្រីករ អ្នកនិពន្ធបទភ្លេងទំនុកច្រៀង សិល្បករ សិល្បការិនី មេត្តានាំគ្នាបង្កើតស្នាដៃរបស់យើងគ្រប់ៗគ្នាដោយកាត់បន្ថយការចម្លងរឺបញ្ឈប់ការយកបទរបស់គេ ដោយពុំមានការអនុញ្ញាតិមកធ្វើអាជីវកម្មតទៅទៀត និងគួរតែបញ្ឈប់ការយកបទចម្រៀងចាស់ៗមកកែរបទភ្លេង និងទំនុកអោយខាងតែបាន។
ជាមួយគ្នានោះសូមអោយយុវវ័យដែលនិយមគាំទ្របទយកពីបរទេស មកគាំទ្របទចម្រៀងរបស់ជាតិយើងវិញ ដើម្បីឆ្ពោះទៅរកភាពរីកចម្រើនក្នុងវិស័យសិល្បៈចម្រៀងយើងឡើងវិញ សូមឈប់និយាយថាខ្វះធនធានមនុស្សតទៅទៀតព្រោះមានសមត្ថភាពគ្រប់គ្រាន់ហើយ។
នាពេលនេះគេសង្កេតឃើញថាបណ្តាផលិតកម្មធំៗក្នុងស្រុកជាច្រើនបានងាកមកធ្វើបទចម្រៀងដោយស្នាដៃរបស់ខ្លួនជាបណ្តើរៗហើយក្រោយពីរងសម្ពាធនៃការរិះគន់ មិនសំចៃមាត់ ពីសំណាក់ទស្សនិកជនជាច្រើននោះ។
បើតាមការអះអាងរបស់លោកខេមរៈ ភារុណ អ្នកនិពន្ធទំនុកច្រៀងរបស់ផលិតកម្មសាន់ដេ បានអោយដឹងថាផលិកម្មរបស់ខ្លួនបាននឹងកំពុងចាប់ផ្តើមផលិតបទចម្រៀងដោយខ្លួនឯងជាបណ្តើរៗហើយ។ លោកបញ្ជាក់ថា ក្នុងចំណោមបទចម្រៀង១វ៉ុលៗដែលធ្វើការចេញលក់នៅលើទីផ្សារក៏មាន១ទៅ២បទដែរ ដែលជាស្នាដៃនិពន្ធផ្ទាល់របស់យើង៕
|
|
|
. |
|
|
|
|
|
. |
|
រៀល កម្ពុជា (1US$: KHR)
|
4015 |
4022 |
បាត ថៃឡង់ (1US$: THB)
|
31.48 |
31.55 |
ដុង វៀតណាម (1US$: VND)
|
22,720 |
22,800 |
ដុល្លារ ហុងកុង (1US$: HKD)
|
7.75 |
7.87 |
យ៉េន ជប៉ុន (100JPY: US$)
|
0.905 |
0.910 |
ដុល្លារ សឹង្ហបុរី (10SGD: US$)
|
7.58 |
7.63 |
រីងហ្គីត ម៉ាឡេស៊ី (10MYR: US$)
|
2.55 |
2.57 |
ផោន អង់គ្លេស (1GBP: US$)
|
1.405 |
1.410 |
យូរ៉ូ អឺរ៉ុប (1EUR: US$)
|
1.240 |
1.245 |
ហ្វ្រង់ ស្វីស (1CHF: US$)
|
0.905 |
0.910 |
ដុល្លារ អូស្ត្រាលី (1AUD: US$)
|
0.787 |
0.792 |
ដុល្លារ កាណាដា (1CAD: US$)
|
0.800 |
0.805 |
មាស គីឡូ (1CHI: US$)
|
160.5 |
161.5 |
កែប្រែរចុងក្រោយ ៖
09 - February - 2018
|
|
|