SuperAngkor News | Cambodia News | Khmer News | World News | News | Health | Technoloy | Star | Travel

រូបតារាសម្តែង ព្រីម លីហ្សានែបនិត្យជាមួយប្រុសស្នេហ៍ក្នុងរ៉ូបដំណេក ហើយប្រុសស្នេហ៍នោះលែងខ្លួនទទេ បានក្លាយជាទីចាប់អារម្មណ៍របស់សារព័ត៌មានធំនៃប្រទេសកម្ពុជា។ កាសែតរស្មីកម្ពុជាបានបោះពុម្ពរូបនោះអមជាមួយអត្ថបទនៅទំព័រមុខរបស់ខ្លួនដែលចេញផ្សាយនាព្រឹកថ្ងៃទី៣០វិច្ឆិកានេះ។

រូបថត ព្រីម លីហ្សា និងប្រុសស្នេហ៍ ដែលបានបង្ហោះក្នុង កម្មវិធីរូបថត Instagram មានពីរប្លង់ មានសរសេរពាក្យ ពេចន៍ស្នេហ៍ថា “អ្នកជាមនុស្សដែលធ្វើឲ្យ ខ្ញុំរីករាយក្នុងមួយជីវិតនេះ។ ស្រឡាញ់អ្នកខ្លាំងណាស់បង ។ ខ្ញុំប្រឹងប្រែងធ្វើអ្វីគ្រប់យ៉ាងដើម្បីតែអ្នក អត់មានអ្នកណាអាចមកនៅក្នុង បេះដូងខ្ញុំបានទេ ព្រោះបេះដូងខ្ញុំបានបិទ សម្រាប់តែអ្នកម្នាក់ និងជារៀងរហូត។” គេគិតថានេះជាសារសេ្នហ៍ដ៏ផ្អែមល្ហែមរបស់ ព្រីម លីហ្សា ដែលបញ្ជាក់ជូនដល់ប្រុសស្នេហ៍នាង។

ព្រីមលីហ្សាជាតារាសម្តែងល្បីដែលទើបតែទទួលពានរង្វាន់ពីក្រុមហ៊ុនSabay ។ រូបភាពនាងអោបថើបកៀកកើយជាមួយបុរសម្នាក់ដែលមានវ័យប្រហាក់ប្រហែលស្មើនឹងនាង នោះបានត្រូវគេចែកចាយបន្តគ្នាមើលយ៉ាងវក់វី។ តាម កាសែតរស្មីកម្ពុជាព្រីម លីហ្សា តែងតែបង្ហាញខ្លួនជាមួយការប្រើប្រាស់របស់មានតម្លៃនិងជាពិសេសសម្លៀកបំពាក់ថ្លៃរាប់រយរាប់ពាន់ដុល្លារ ហើយជាប់ឈ្មោះជាតារា ស៊ីវីល័យប្រចាំកម្ពុជា និងឧស្សាហ៍ចេញទៅក្រៅប្រទេសញឹកញាប់ទៀតផង។

ជារឿយៗនាងបានបកស្រាយថា នាងមានទំនាក់ទំនងស្នេហ៍ជាមួយមន្ត្រីធំម្នាក់ដែលតែងតែតាមស្រលាញ់នាង និងផ្តល់ប្រយោជន៍តាមតម្រូវការគ្រប់បែបយ៉ាងឱ្យនាង។ ប៉ុន្តែខណៈពេលនេះបែរជាធ្លាយរូបថតប្រុសស្នេហ៍វ័យក្មេងរបស់នាង ទៅវិញ។ ទោះជាយ៉ាងណាបុរសម្នាក់នោះអាចជាបុរសដែលល្បីថាហ៊ានលះបង់លុយកាក់ជាច្រើនជាពិសេសទិញចិញ្ចៀនពេជ្រគ្រាប់ធំ ឡានទំនើបៗ និងសម្លៀកបំពាក់ថ្លៃ ឱ្យនាងព្រីម លីហ្សា។

តារាសម្តែងដែលទទួលពានជាតារាសម្តែងឆ្នើមពីកម្មវិធីអាណាចក្រតារានោះមិនអាចសុំការបកស្រាយបានឡើយជុំវិញរូបនេះថាតើនាងបញ្ចេញខ្លួនឯងឬវាបែកធ្លាយដោយប្រការណាមួយ ។ កន្លងមកព័ត៌មានចាមអារាមពីស្នេហារបស់កញ្ញា ព្រីម លីហ្សា ជាច្រើនបានផ្ទុះឡើងជាមួយអ្នកមានក្នុងស្រុកនិងខ្មែរនៅអាមេរិក តែ មិនដែលមានរូបថតបញ្ជាក់សោះឡើយ ទើបតែធ្លាយរូបថតនាពេលនេះ ។

រូបថតពីរសន្លឹកនោះត្រូវបានទស្សនិកជនវាយតម្លៃថា អ្នកពីរនោះបានរស់នៅក្នុងផ្ទះជាមួយគ្នា ខណៈដែលពួកគេហាក់បីកំពុងបង្កាត់ភ្លើងស្នេហ៍មុនចូលដំណេក។ រូបនេះក៏បង្ហាញផងដែរថាប្រុសស្នេហ៍របស់ព្រីម លីហ្សាមិនបានពាក់អាវនិងសម្តែងទឹកមុខត្រេកត្រអាលចំពោះការថើបពីបបូរមាត់ ព្រីម លីហ្សាដែលស្ថិតក្នុងឈុតរ៉ូបគេងនិងមួយសន្លឹកទៀតក្នុងអាវយឺតពណ៍សបញ្ចេញសាច់ដើមទ្រូង៕