SuperAngkor News | Cambodia News | Khmer News | World News | News | Health | Technoloy | Star | Travel

គ្រាន់តែឈានជើងចូលដល់ រដូវរំហើយភ្លាម តារាសម្តែង តារាចម្រៀង ស្ទើរតែគ្រប់ដួងត្រូវបានគេកក់ស្ទើរតែគ្មានលស់ថ្ងៃ ជាពិសេសតារាៗ ដែលសម្បូរទៅដោយពហុជំនាញ ដែលអាចច្រៀងផង សម្តែងផង។ តារាខ្លះទៀត ត្រូវបានគេកក់តាំងពី ពីរខែមុនក៏មាន។ ចំណែកអ្នកសិល្បៈខ្លះទៀតមមាញឹកជាមួយអាជីពសម្អាងការ។ និយាយជារួមដោយសារតែខែនេះជាខែដែលជនជាតិខ្មែរនាំគ្នាប្រកាន់ខ្ជាប់នូវទំនៀមទម្លាប់ដោយប្រកាន់យកពេលវេលារៀបចំពិធីមង្គលការនូវពេលដែលពិធីចេញព្រះវស្សាមកដល់។

តារាចម្រៀង ពោរពេញទៅដោយពហុជំនាញ នាង ខាត់ សុឃីម ដែលទើបតែសម្រាលកូនបានកូនស្រី ពោលគឺនាងអាចនិយាយបានថា នៅសរសៃខ្ចីនៅឡើយ តែដោយសារតែរដូវកើបប្រាក់ឈានចូលមកដល់ តារាកំប្លែងក្រមិច ក្រមើមរូបនេះ ហាក់មមាញឹកច្រើនគួរសម ព្រោះតែជំនាញដែលមិនសូវមានអ្នកណា ធ្វើបានរូបនេះ អាចទទួលបាន រោងការ ជាង៧០ រោង នៅក្នុងខែវិច្ឆិកា។នេះបើតាមនាងបញ្ជាក់ប្រាប់CEN តាមទូរស័ព្ទ។

នាងបញ្ជាក់ថា “ក្នុងខែនេះ (វិច្ឆិកា) និង ខែ១២ សរុបទៅ ជាង៧០រោង សម្រាប់រោងការ តែចំពោះផ្នួងងការវិញទទួលបានតែ ២០រោងប៉ុណ្ណោះ”។ មិនថាតែ តារាសិល្បៈ បែបបុរាណ ឬ សម័យនោះទេ ពួកគេអាចរកចំណូលបានដូចគ្នា ឲ្យតែដល់រដូវមង្គលការបែបនេះ ។ ជាក់ស្តែង តារាចម្រៀង និង ជាពិធីករខ្ពស់សង្ហា អេឡិច ចាន់ត្រា ក៏មានហាងឆេងដូចគ្នា ទៅនឹងតារាចម្រៀងបុរាណដែរ ថ្វីត្បិតតែតារាចម្រៀងរូបនេះ មិនអាចច្រៀងក្នុងពិធីសិរីមង្គលកាត់សក់បាន តែតារាស្រស់សង្ហាបែបកូនកាត់ អេឡិច ចាន់ត្រា អាចច្រៀងក្នុងពិធីមង្គលការបានដូចគ្នា តែនៅក្នុងពិធីពិសារភោជនីយអាហារ ចឹងបានន័យថា ឲ្យតែរដូវធ្លាក់ខ្យល់ភ្លាម ដាច់គ្រាប់ភ្លៀងភ្លាម រោងការចាប់ផ្តើមមានជាបន្តបន្ទាប់ ចំណែក សិល្បករ-សិល្បការិនី ក៏ត្រូវប៉ាន់តាមនោះ ដែរ មិនចំពោះតែការអញ្ជើញចូលរួមច្រៀងក្នុងពិធីមង្គលការនោះទេ តែអាចមានអ្វីផ្សេងៗទៀតដូចជា ច្រៀងតាមខេត្ត ការប្រគុំតន្ត្រីរបស់ក្រុមហ៊ុនមួយចំនួន។ល។

ហេតុអ្វីបានជាថារដូវប្រាំងនេះ ជារដូវត្រូវប៉ាន់របស់តារា? ដោយហេតុផលថា ក្នុងកម្មវិធីមួយដែលមានការចូលរួមពីសំណាក់តារាៗ ភាគច្រើនត្រូវបានប្រភពកៀកកិតទម្លាយថា ប្រសិនបើចង់បានតារាចម្រៀងល្បីចូលរួម ចាំបាច់ត្រូវចំណាយខ្ទង់ពាន់ដុល្លារ ហើយចំនួននៃបទចម្រៀង អាចមានកំណត់ទៀត ប្រហែលជា ៤ បទប៉ុណ្ណោះ។

ប្រសិនបើក្នុងតារាចម្រៀងម្នាក់ត្រូវចំណាយខ្ទង់ពាន់ដុល្លារ អីចឹង បើមួយថ្ងៃបាន ប្រហែលជាមួយពាន់ដុល្លារ ចុះបើមួយខែវិញអាចបានប៉ុន្មានទៅ? ។ ពិតជាគួរឲ្យរីករាយ ហើយយើងក៏សូមចូលរួមអបអរផងដែរចំណូលពេលវេលាដ៏ល្អនេះ ៕