SuperAngkor News | Cambodia News | Khmer News | World News | News | Health | Technoloy | Star | Travel

តារាសម្តែងរាងតូចច្រឡឹង គឹម លីហ្សា ដែលទើបតែត្រឡប់មកពីប្រទេសអូស្ត្រាលីថ្មីៗ ក៏មានដំណឹងល្អហើយ នោះគឺនាងនឹងគ្រោងចូលរោងការ ជាមួយបុរសសង្ហារ សញ្ជាតិអូស្ត្រាលី នាពាក់កណ្តាលខែធ្នូខាងមុខនេះ។

តារាសម្តែង គឹម លីហ្សា ដែលកំពុងតែវិវឌ្ឍន៍ខ្លួនជាតារាចម្រៀង ព្រោះបើស្ថិតនៅក្នុងរង្វង់អ្នកសិល្បៈ ចាំបាច់ត្រូវចេះច្រៀងផង និងសម្តែងផង ព្រោះអាជីពទាំងពីរ អាចដើរទន្ទឹមគ្នា ទើបអាចរកចំណូលពីសិល្បៈបាន។

តារាសម្តែង សាច់សខ្ចីរូបនេះ ឧស្សាហ៍ជួបប្រទះនឹងព័ត៌មាន ពីរឿងស្នេហាជាហូរហែរ តែតារាស្រីវ័យ ២៦ឆ្នាំ គីម លីហ្សា តែងតែបដិសេធម្តងជាពីរដង អំពីព័ត៌មានដ៏រស៊ើបទាំងនោះ ជារឿយៗ កញ្ញាតូចច្រឡឹងរាងមាន់ចែ គឹម លីហ្សា ហាក់មិនចង់បង្ហាញអត្តសញ្ញាណបុរសសង្ហារ ដែលគេដឹងច្បាស់ថា ជាគូស្នេហ៍នោះឡើយ។

ក្នុងជំនួបជាមួយស៊ីអ៊ីអិន តាមទូរស័ព្ទ ស្រីស្រស់ សម្រស់ផូរផង់ ដែលធ្វើឲ្យកន្លង់អូស្ត្រាលី មិនអាចទប់ចិត្តមិនស្រលាញ់បាន នាង លីហ្សា បានឲ្យដឹងថា “ខ្ញុំ នឹងគាត់ បានស្វែងយល់ចិត្តគ្នា អស់រយៈពេលជិតបីឆ្នាំ ទម្រាំឈានជើងមកដល់ថ្ងៃនេះ”។

កញ្ញា គឹម លីហ្សា បន្តថា “ពីមុនមកខ្ញុំមិនមែនមិនហ៊ានប្រាប់ការពិត ពីថ្ងៃចូលរោងនោះទេ តែខ្ញុំខ្លាចប្រាប់ទៅរឿង មិនពិត នាំតែខ្មាស់គេ។ ដូច្នេះហើយពេលដែលមានគេសួរ ខ្ញុំចេះប្រកែក ព្រោះពួកខ្ញុំទាំងពីរនាក់ ត្រូវរ៉ូវគ្នាមែន តែដាច់ខាត ត្រូវតែសិក្សាស្វែងយល់ចិត្តគ្នាសិន តែមកដល់ថ្ងៃនេះ ពួកខ្ញុំមិនគិតច្បាស់លាស់អស់ហើយ។ ចំណែកចាស់ៗទាំងសងខាង ក៏បានព្រមព្រៀងគ្នាដែរ”។

កញ្ញា គឹម លីហ្សា បានបន្តថា មង្គលការរបស់នាងនឹងប្រព្រឹត្តិទៅ នៅថ្ងៃទី១៧ ខែធ្នូ ឆ្នាំ២០១៣ ហើយគម្រោងភ្ញៀវ ដែលចូលរួមមានប្រហែលជា ៧០០ នាក់។ ក្នុងនោះ មានអ្នកសិល្បៈចូលរួមប្រហែលជា ៥០ភាគរយ៕