អ៊ីវ៉ា បាត់បង់ឥទ្ធិពល លើស្រទាប់យុវវ័យ
|
November 04, 2013 (14:03:59)
|
[ 1836 ] |
|
|
|
|
ម្ចាស់បទ “ ទឹកអប់មានពិស ” នាង អ៊ីវ៉ា ដែលធ្លាប់ទទួលបាននូវប្រជាប្រិយភាពខ្លាំងក្លា ពីសំណាក់ទស្សនិកជន តាមរយៈទឹកដមសម្លេងក្រអួនក្រអៅ និងមានរូបសម្រស់ស្រស់សោភានោះ ពេលនេះ ហាក់បង្ហាញនូវឥទ្ធិពលធ្លាក់ចុះបន្តិចហើយ បន្ទាប់ពីគ្មានបទចម្រៀង បាញ់ចំបេះដូងប្រិយមិត្ត ជាពិសេសក្នុងស្រទាប់យុវវ័យ។
តារាចម្រៀងស្រី រាងតូចច្រឡឹង ជ្រកក្រោមដំបូលផលិតកម្ម សាន់ដេ នាង អ៊ីវ៉ា ត្រូវបានគេមើលឃើញថា ក្រោយទម្លុះនូវភាពជាប់គាំង គ្មានបទចម្រៀង ផ្ទុះមួយរយៈពេលនោះ តារាចម្រៀងស្រី សម្លេងស្រួយរូបនេះ បានហក់ចាប់ទីផ្សារបទចម្រៀងឡើងវិញ បន្ទាប់ពីផលិតកម្ម សាន់ដេ ធ្វើបទចម្រៀង អោយត្រូវដួងចិត្តយុវវ័យប៉ុន្មានវ៉ុលរួចមក។ យ៉ាងណាក៏ដោយ ភាពល្បីល្បាញរបស់នាង អ៊ីវ៉ា ហាក់មិនបានរក្សាភាពរឹងមាំបានយូរឡើយ គឺត្រូវប្រទះនូវភាពរង្គោះរង្គើរបន្តិចម្តងៗ នៅពេលដែលផលិតកម្ម សាន់ដេ សម្រុកនាំយកនូវតារាចម្រៀងល្បីៗជាច្រើនដួង ចូលមកជ្រកក្រោមដំបូលរបស់ខ្លួន។
ស្ថិតក្នុងកាលៈទេសៈបែបនេះ ផលិតកម្ម សាន់ដេ មុននឹងធ្វើបទចម្រៀងអ្វីមួយ ទោះចង់មិនចង់ ក៏ត្រូវតែធ្វើតេស្តទៅលើសម្លេងគ្រប់ អ្នកចម្រៀង របស់ខ្លួនជាមុនសិន រួចទើបចេញបទ អោយច្រៀង។ ដូច្នេះសម្រាប់នាង អ៊ីវ៉ា ក៏ដូចជាបណ្តាអ្នកចម្រៀងស្រីចាស់ថ្មី របស់ផលិតកម្ម សាន់ដេ ដែលមានសម្លេងប្រហាក់ប្រហែលគ្នា ត្រូវស្ថិតលើផ្លូវប្រកួតប្រជែងដ៏តឹងតែងមួយ។
តាមរយៈការប្រកួតប្រជែងទាំងសម្លេង និងរូបសម្រស់ គេមិនដឹងថា អ៊ីវ៉ា នៅមានឥទ្ធិពល ឬយ៉ាងណានោះទេ ខណៈរហូតមកដល់ ពេលនេះ បើទោះជាបទចម្រៀងរបស់នាង បានចេញវាយលុកទីផ្សារជាហូរហែរ ប៉ុន្តែហាក់មិនសូវទទួលបានការគាំទ្រខ្លាំង ពីប្រិយមិត្ត ដូចមុនឡើយ ស្របពេលដែលតារាចម្រៀងស្រី រួមទ្រនំផ្សេងៗទៀត បានចេញបទចម្រៀងជាច្រើន បាញ់ចំដួងចិត្តយុវវ័យ។
ពាក់ព័ន្ធនឹងបញ្ហានេះ ធ្វើអោយមជ្ឈដ្ឋានមួយចំនួន លើកឡើងថា ផលិតកម្មសាន់ដេ មានភាពលម្អៀងដោយលើកតួមួយ ទម្លាក់តួមួយ។
ទោះបីជាបែបណាក៏ដោយ លោកខេមរៈ ភារុណ ដែលជាអ្នកនិពន្ធបទភ្លេង និងទំនុកច្រៀង ប្រចាំផលិតកម្មសាន់ដេ ធ្លាប់ធ្វើការច្រានចោល ទាំងស្រុង នូវការលើកឡើងខាងលើនេះ និងបានបញ្ជាក់ថា ខាងក្រុមហ៊ុន មានតែចង់ជួយអោយតារាចម្រៀងរបស់ខ្លួនល្បីល្បាញ និងទទួលបានការគាំទ្រខ្លាំងក្លា ដូចៗគ្នា តែក្នុងនោះ ក៏អាស្រ័យទៅលើសមត្ថភាព និងទេពកោសល្យរបស់ខ្លួនផងដែរ។
ជាមួយនឹងការបាត់បង់នូវឥទ្ធិពលរបស់ខ្លួន ក្នុងស្រទាប់យុវវ័យ តាមរយៈមិនសូវមានបទផ្ទុះ គេចាំមើលថា តើក្នុងឆ្នាំថ្មី ខាងមុខ តារាចម្រៀងស្រី រាងតូចច្រឡឹង នាង អ៊ីវ៉ា អាចស្រវ៉ាចាប់ទីផ្សារបទចម្រៀងខ្លាំងក្លា ដូចមុនបានទៀតទេ៕
|
|
|
. |
|
|
|
|
|
. |
|
រៀល កម្ពុជា (1US$: KHR)
|
4015 |
4022 |
បាត ថៃឡង់ (1US$: THB)
|
31.48 |
31.55 |
ដុង វៀតណាម (1US$: VND)
|
22,720 |
22,800 |
ដុល្លារ ហុងកុង (1US$: HKD)
|
7.75 |
7.87 |
យ៉េន ជប៉ុន (100JPY: US$)
|
0.905 |
0.910 |
ដុល្លារ សឹង្ហបុរី (10SGD: US$)
|
7.58 |
7.63 |
រីងហ្គីត ម៉ាឡេស៊ី (10MYR: US$)
|
2.55 |
2.57 |
ផោន អង់គ្លេស (1GBP: US$)
|
1.405 |
1.410 |
យូរ៉ូ អឺរ៉ុប (1EUR: US$)
|
1.240 |
1.245 |
ហ្វ្រង់ ស្វីស (1CHF: US$)
|
0.905 |
0.910 |
ដុល្លារ អូស្ត្រាលី (1AUD: US$)
|
0.787 |
0.792 |
ដុល្លារ កាណាដា (1CAD: US$)
|
0.800 |
0.805 |
មាស គីឡូ (1CHI: US$)
|
160.5 |
161.5 |
កែប្រែរចុងក្រោយ ៖
09 - February - 2018
|
|
|