គម្រោងទៅកាណាដារបស់ ឈិន សុធារី កំពុងតែជាប់គាំង
|
November 04, 2013 (13:55:44)
|
[ 634 ] |
|
|
|
|
ភាពជាប់គាំងក្នុងគម្រោងចេញទៅសម្តែង និងច្រៀង នៅលើទឹកដីនៃប្រទេសកាណាដា របស់អតីតពិធីការិនី វ័យក្មេង ប្រចាំស្ថានីយ៍ទូរទស្សន៍ប៉ុស្តិ៍លេខ៥ នាង ឈិន សុធារី កំពុងតែក្លាយជារឿងស្មុគ្រស្មាញមួយ ក្នុងចំណោមរឿងរ៉ាវជាច្រើន ដែលកំពុងធ្វើការវាយប្រហារ មកលើរូបនាង។
តារាសម្តែងស្រី នាង ឈិន សុធារី ត្រូវបានគេមើលឃើញថា មួយរយៈចុងក្រោយនេះ ហាក់មិនសូវមាន យីអ៊ុនទាល់តែសោះ ក្រោយពេលទទួលរងនូវការប៉ះទង្គិចរឿងរ៉ាវជាបន្តបន្ទាប់ ក្នុងនោះ ក្រៅពីប្រទះនូវរឿងរ៉ាវ ស្នេហាបែកបាក់ ទន្ទឹមគ្នានឹងការបាត់បង់ការងារ នាង ឈិន សុធារី ក៏ពើបប្រទះនឹងរឿងមានទំនាក់ទំនងស្នេហា ជាមួយលោក សុវណ្ណ មករា ផងដែរ ។ តែយ៉ាងណានោះ រឿងនេះ ត្រូវបានទាត់ចោលទាំងស្រុង តាមរយៈការចេញមុខ ធ្វើការបកស្រាយយ៉ាងខ្លី ពីសំណាក់នាង ឈិន សុធារី ដោយបានលើកឡើងថា " វាជារឿងយល់ច្រឡំ "។
ពាក់ព័ន្ធទៅនឹងគម្រោងចាកចេញទៅសម្តែង និងច្រៀងនៅលើទឹកដីនៃប្រទេសកាណាដា ដែលមើលទៅ ហាក់មិន ទាន់ លេចចេញនូវលទ្ធផលយ៉ាងណានោះ នាង ឈិន សុធារី បានបញ្ជាក់ប្រាប់គេហទំព័រ CEN ថា កន្លងមកមានគេទំនាក់ទំនងអញ្ជើញនាង ទៅសម្តែង និងច្រៀង នៅប្រទេសកាណាដាមែន ប៉ុន្តែគម្រោងនោះ រហូតមកដល់ពេល នេះ ហាក់ស្ងាត់ទៅវិញ ខណៈរូបនាងផ្ទាល់ ក៏កំពុងតែរង់ចាំអ៊ុតមើលផងដែរថា តើគម្រោងនោះ ត្រូវធ្លាក់មកថ្ងៃណា អោយពិតប្រាកដ ។
យ៉ាងណាក៏ដោយ បើទោះជាគម្រោងចេញទៅធ្វើការសម្តែងនៅក្រៅប្រទេស ហាក់ស្ថិតនៅក្នុងភាពមិនទាន់ច្បាស់ លាស់ ក៏អតីតពិធីការិនី វ័យក្មេង សំបូរវោហារស័ព្ទប្រចាំកម្មវិធី “ តារាមាសតន្ត្រី ” អះអាងថា នាងមិនមានការ សោកស្តាយ ឬព្រួយបារម្ភណ៍អ្វីនោះទេ ព្រោះរាល់ថ្ងៃ នាងក៏មានការងារមមាញឹក គួរសមផងដែរ តាមរយៈចូលរួម ក្នុ្ងងកម្មវិធីក្នុងស្រុកជាហូរហែរ ជាពិសេសក្នុងដំណើរចេញទៅសម្តែង និងច្រៀង នៅតាមបណ្តាខេត្ត ស្ទើរតែរកពេលសម្រាកគ្មាន ។
ទន្ទឹមនឹងការអះអាងខាងលើ គេនៅមិនទាន់អាចធ្វើការវាយតម្លៃពីភាពជោគជ័យ លើវិថីសិល្បៈរបស់នាង ឈិន សុធារី ស្ថិតនៅក្នុងកំរិតណានៅឡើយទេ ព្រោះមួយរយៈចុងក្រោយនេះ គេឃើញអតីតពិធីការិនី ចាយសម្រស់រូបនេះ ហាក់ ដូចជាមិនសូវលេចមុខលេចមាត់ នៅលើឆាកប្រគុំតន្ត្រីរបស់ទូរទស្សន៍ក្នុងស្រុក ក៏ដូចជាបង្ហាញខ្លួន នៅក្នុងកម្មវិធីរបស់ក្រុមហ៊ុនធំៗ ដូចមុនឡើយ ហើយក្នុងនោះ តារាសម្តែងរាងតូចច្រឡឹងរូបនេះ ក៏មានការជាប់ពាក់ព័ន្ធទៅ នឹងរឿងរ៉ាវ ដែលមិនសមប្រកបជាបន្តបន្ទាប់ផងដែរ ។
សូមបញ្ជាក់ថា រហូតមកទល់នឹងពេលនេះ អតីតពិធីការិនី TV5 នាង ឈិន សុធារី កំពុងតែវិលវល់ នៅមិនទាន់រកទ្រនំជ្រកបាននៅឡើយទេ ខណៈតារាល្បីៗជាច្រើនរូប កំពុងតែញាប់ដៃញាប់ជើង ក្នុងការប្រមូលប្រាក់ចំណូលពីអាជីពសិល្បៈ ៕
|
|
|
. |
|
|
|
|
|
. |
|
រៀល កម្ពុជា (1US$: KHR)
|
4015 |
4022 |
បាត ថៃឡង់ (1US$: THB)
|
31.48 |
31.55 |
ដុង វៀតណាម (1US$: VND)
|
22,720 |
22,800 |
ដុល្លារ ហុងកុង (1US$: HKD)
|
7.75 |
7.87 |
យ៉េន ជប៉ុន (100JPY: US$)
|
0.905 |
0.910 |
ដុល្លារ សឹង្ហបុរី (10SGD: US$)
|
7.58 |
7.63 |
រីងហ្គីត ម៉ាឡេស៊ី (10MYR: US$)
|
2.55 |
2.57 |
ផោន អង់គ្លេស (1GBP: US$)
|
1.405 |
1.410 |
យូរ៉ូ អឺរ៉ុប (1EUR: US$)
|
1.240 |
1.245 |
ហ្វ្រង់ ស្វីស (1CHF: US$)
|
0.905 |
0.910 |
ដុល្លារ អូស្ត្រាលី (1AUD: US$)
|
0.787 |
0.792 |
ដុល្លារ កាណាដា (1CAD: US$)
|
0.800 |
0.805 |
មាស គីឡូ (1CHI: US$)
|
160.5 |
161.5 |
កែប្រែរចុងក្រោយ ៖
09 - February - 2018
|
|
|