SuperAngkor News | Cambodia News | Khmer News | World News | News | Health | Technoloy | Star | Travel

បន្ទាប់ពីមានភាពស្ងប់ស្ងាត់មួយរយៈពីពិភពសិល្បៈនោះ កាលពីថ្ងៃទី ១៩ខែតុលា ឆ្នាំ២០១៣ គេបានឃើញ អ្នកនាង សុខ សោម៉ាវត្តី និងលោកពេជ្រ បង្ហាញមុខ ដ៏កម្រក្រោយពីពួកគេរៀបការ និងសម្រាលកូនរួច។ ពួកគេវត្តមាន ក្នុងកម្មវិធីស្រា Johnnie Walker ដែលសម្បូរទៅដោយអ្នកជំនួញ។

ស្ថិតជាមួយនឹងការបង្ហាញមុខរបស់កូនប្រសារស្រីរបស់អតីតស្នងការរាជធានីភ្នំពេញ វត្តី បានស្លៀករ៉ូបខ្លី ពណ៌ពងមាន់វាលដើមទ្រូង ដែលឆ្លុះឲ្យឃើញសាច់សរម៉ដ្ឋខៃ ដែលធ្វើឲ្យ អ្នកដែលឃើញអត់ទ្រាំនឹងសរសើរមិនបាន។

ការបង្ហាញមុខម្តងនេះរបស់ពិធីការិនីភ្នែកធំៗ សោម៉ាវត្តី បានធ្វើឲ្យបណ្តាមិត្តភក្តិ សរសើរថា ទោះបីជាមានកូនស្រីមួយ ក៏នៅតែដដែលថែមទាំងមានសាច់ជាងមុនទៅទៀត ក្រមុំមិនដូរឡើយ។ ក្រោយពេលសម្រាលកូនរួចនាងប្រហែលជាបោះបង់សិល្បៈចោល ទោះជាចង់ រឺមិនចង់ក្តី ព្រោះពេលទៅណាមកណាច្រើនតែមានអង្គរក្សហែរហមឆ្វេងស្តាំ រស់នៅដោយមានសេចក្តីសុខពេញទំហឹង ដូចឃើញក្នុងកម្មវិធីខាងលើស្រាប់។

ដើម្បីធ្វើឲ្យគ្រួសារមានភាពកក់ក្តៅអតីតតារាសម្តែងនិងជាពិធីការិនីរូបស្រស់សម្រស់ឆើតឆាយសំឡេងស្រទន់ប្រចាំស្ថានីយទូរទស្សន៍បាយ័ន អ្នកនាង សុខ សោម៉ាវត្តី បង្ខំចិត្តផ្អាកការងារសិល្បៈ ដោយសារតែចង់មានពេលវេលាសម្រាកពីការងារដើម្បីថែទាំ កូនស្រី និងស្វាមីសំណព្វចិត្តរបស់ខ្លួន។

អតីតពិធីការិនី និងជាតារាសម្តែងក្រម៉ិចក្រម៉ើម អ្នកនាង សុខ សោម៉ាវត្តី ក្រោយពីសម្រេចចិត្តចូលរោងការជាមួយស្វាមី ដែលជាកូនប្រុសរបស់អតីតស្នងការរាជធានីភ្នំពេញរួចមក បានធ្វើឲ្យទស្សនិកជនជាច្រើន មានការច្រណែននាងមិនតិចទេ ដោយពួកគាត់ បានលើកឡើងថា បន្ទាប់ពីរៀបការរួចនាងអាចរស់នៅយ៉ាងសុខស្រួលលើគំនរមាស ប្រាក់ មិនតែប៉ុណ្ណោះថែមទទួលបានកូនស្រីមួយទុកជាចំណងដៃ។ ភព្វសំណាងបែបនេះតារា មួយចំនួនងាយនឹងទទួលបានទេ។

សូមរំលឹកថា តារាស្រីដែលចោលសិល្បៈ ដើម្បីចូលរោងការជាមួយ លោក ទូច ដារ៉ាណា ជាកូនប្រុសអតីតស្នងការរាជធានីភ្នំពេញ លោក ទូច ណារ៉ុថ កាលពីថ្ងៃទី២៤ ខែវិច្ឆិកា ឆ្នាំ២០១២ កន្លងទៅនេះ ហើយអ្នកនាង សុខ សោម៉ាវត្តី សម្រាលបានកូនស្រីមួយ នៅដើមខែឧសភា ឆ្នាំ២០១៣៕