SuperAngkor News | Cambodia News | Khmer News | World News | News | Health | Technoloy | Star | Travel

ក្រោយពីការបែកបាក់ស្នេហ៍ដ៏ផ្អែមល្ហែម ដែលសាងជាមួយគ្នាយ៉ាងយូរមក កញ្ញា គង់ ច័ន្ទស្រីមុំ មិនសូវឃើញបង្ហោះរូប លើបណ្តាញសង្គមហ្វេសប៊ុក ដូចគ្រាមុនៗនោះទេ។ មកដល់ថ្ងៃទី១៥ ខែតុលា ឆ្នាំ២០១៣ យើងឃើញនាង និងគូស្នេហ៍ បានភ្ជាប់ទំនាក់ទំនងគ្នា ( In a relationship) ឡើងវិញ ព្រមទាំងបង្ហោះរូបស្និទ្ធស្នាល នៅលើបណ្តាញដ៏ពេញនិយមមួយនេះ។

ការភ្ជាប់ទំនាក់ទំនងឡើងវិញលើកនេះ មិនថា លោក សីហា រឺ គង់ ច័ន្ទស្រីមុំ នរណា ជាអ្នកផ្សះផ្សារមុននោះទេ។ ទោះយ៉ាងណា គេទាំងពីរនាក់ កំពុងមានសកម្មភាពស្នេហា និងបន្តភាពផ្អែមល្ហែម ហើយដើរហើរ ជាមួយគ្នាសាជា ថ្មី។ ស្របពេលជាមួយគ្នានោះដែរ នៅពេលឃើញលោកគឹម សីហា និង កញ្ញា គង់ ច័ន្ទស្រីមុំ ផ្សារភ្ជាប់គ្នា ក៏ដូចជាត្រូវរ៉ូវគ្នាឡើងវិញ មិត្តមួយចំនួនធំ មានការសប្បាយចិត្ត និងចង់ឃើញពួកគេ បានរៀបការ នៅពេលឆាប់ៗខាង មុខ នេះ។

មិត្តម្នាក់ទៀតនិយាយថា “ខ្ញុំមានការសប្បាយចិត្តខ្លាំងណាស់ នៅពេលឃើញអ្នកទាំងពីរត្រូវរ៉ូវគ្នាឡើងវិញ ហើយខ្ញុំចង់ឃើញរូបថតមួយសន្លឹកណា ក៏មានពួកគេដែរ មិនចង់ឃើញមានតែរូបម្នាក់ៗនោះទេ”។ មុននេះបន្តិចទស្សនិកជនមានការចាប់អារម្មណ៍ នៅពេលដែរកញ្ញាគង់ ច័ន្ទស្រីមុំ បានលាបប្តូរពណ៌សក់ទៅជាពណ៌មាស និងម៉ូតសក់ ។ទន្ទឹម នឹងនោះក៏មានសំណួរចោទ សួរថា ធ្វើដូច្នេះដើម្បីលុបស្នាមស្នេហ៍ចាស់មែនទេ? ហើយមានទស្សនិកជនមួយចំនួន ក៏សរសើរនាងថា ពេលប្តូរស្ទីលសក់និងលាបពណ៌ថ្មីបែបនេះកាន់តែដូចតារាកូរ៉េខ្លាំង ណាស់ ។

សូមរំលឹកថា គូស្នេហ៍តារាសម្តែងវ័យក្មេង កញ្ញា គង់ ច័ន្ទស្រីមុំ និង លោក គឹម សីហា ដែលធ្លាប់សន្យាថានឹងចូលការក្នុងពេលឆាប់ៗនោះ ប៉ុន្តែពួកគេទាំងពីរនាក់ ហាក់ដូចជាមិនបានបង្ហាញសញ្ញាវិជ្ជមាន ឬក៏គម្រោងរៀបការអ្វីឡើយ ។ ដល់ក្រោយមក ទៀតក៏លឺដំណឹងបែកបាក់គ្នាទៅវិញ ហើយគេសង្ស័យថា អ្វីៗទាំងអស់ត្រូវបានប្រែប្រួល ដោយសារតែមានអ្នកទីបី ជាអ្នកមានទ្រព្យ និងមានឋានៈជាឧកញ៉ា ចូលមកជ្រៀតជ្រែក ស្នេហារបស់ពួកគេទាំងពីរ ។ យ៉ាងណាក៏មិនមានការបកស្រាយកន្លងមកមិនបានច្បាស់ លាស់នោះដែរ ចំណោមពួកគេទាំងពីរ។

ទាក់ទិននឹងការត្រូវរ៉ូវគ្នាឡើងវិញម្តងនេះយើង(CEN)បានទូរស័ព្ទទៅកញ្ញាគង់ ច័ន្ទស្រីមុំ តែនាងមិនបានបកស្រាយអ្វីទេ ដោយសារប្រាប់ថា “ខ្ញុំជាប់រវល់ថត មិនទាន់ មានពេលទេបង”។ ហើយយើងក៏បានបន្តសួរទៀតថា តើពេលណាមានពេលទំនេរអាច ប្រាប់បានទេ នាងនិយាយថា “អត់ទាន់ដឹងថាថតចប់ពេលណានោះទេ”។

ទោះយ៉ាងណារឿងនេះពិត រឺមិនពិតក៏បានសាងភាពផ្អែមល្ហែមឡើងវិញបាត់ទៅ ហើយ តែអ្វីដែលកំពុងចាប់អារម្មណ៍នោះ គឺតារាសម្តែងវ័យក្មេងសាច់ខ្ចីរូបនេះបានបង្ហោះ រូបភាពប្រមាណ២-៣សន្លឹកលើបណ្តាញសង្គមហ្វេសប៊ុករបស់ខ្លួន នៅតែល្អូកល្អឺនដូច ពេលមុនដដែល ។ អតីតប្រេសស៊ីឆ្នាំ២០០៨ ស្រីស្រស់ គង់ ច័ន្ទស្រីមុំ ដែលជាតារាសម្តែងមួយរូបដែលមានមន្តស្នេហ៍ និងជាតារាស្រីដែលចូលចិត្តបង្ហាញរូបថតជាមួយនឹងប្រុសៗដែលជាមិត្តភក្តិ៕