SuperAngkor News | Cambodia News | Khmer News | World News | News | Health | Technoloy | Star | Travel

ពិធីការិនីរបស់ស្ថានីយទូរទស្សន៍ CTN កញ្ញា ថន លក្ខិណា ដែលមិនសូវ ចូលចិត្តអ្នកកាសែត បន្ទាប់ពីកែមុខមាត់ថ្មី ក៏ផ្តើមមានហុងស៊ុយបានចាប់យកអាជីពច្រៀង ដើម្បីបង្កើនប្រជាប្រិយភាព នៅក្នុងឆ្នាំ២០១៣នេះបន្ថែម។

តារាមានហុងស៊ុយក្រោយពីការកែមុខមាត់កញ្ញា ថន លក្ខិណា ធ្លាប់ប្រាប់ កាលពីសប្តាហ៍កន្លងទៅនេះថា មូលហេតុនាំឱ្យពិធីការិនីរូបនេះពង្រីកទីផ្សារចម្រៀងមួយទៀតក្រៅពីការងារជាពិធីករបច្ចុប្បន្ន ដើម្បីធ្វើឱ្យទស្សនិកជនប្លែកអារម្មណ៍ និងចង់ទទួលបានការគាំទ្រច្រើនបន្ថែមទៀតពីទស្សនិកជន។ ម្យ៉ាងទៀតដោយមើលឃើញសិល្បករ សិល្បការិនីខ្មែរបច្ចុប្បន្នមានការងារច្រើនជាហេតុធ្វើឱ្យកញ្ញាចង់ធ្វើដូចសិល្បករដទៃទៀតដែរ។

ពិធីការិនីទើបតែទទួលបានតំណែងតួឯកក្នុងរឿងភាគរបស់ CTN “គំនុំស្នេហ៍អតីតជាតិ” បានបន្តថា បច្ចុប្បន្នកញ្ញាកំពុងតែត្រៀមបទចម្រៀងមួយចំនួន ដើម្បីឡើងច្រៀងតាមទូរទស្សន៍នានា ជាផ្នែកមួយចង់ដឹងពីសមត្ថភាពរបស់ខ្លួន។ កញ្ញាទើបតែឡើងច្រៀងនៅស្ថានីយទូរទស្សន៍ហង្សមាសក្នុងកម្មវិធីតន្ត្រីលើទឹក កាលពីសប្ដាហ៍មុន ហើយប៉ុស្តិ៍ទូរទស្សន៍ដទៃទៀតកំពុងតែទាក់ទងដើម្បីបកស្រាយក្នុងកម្មវិធីនានា។

បើទោះជាមិនទាន់ច្រៀងបានល្អដូចជាតារាមួយចំនួនយ៉ាងណាក៏ដោយតាមរយៈការខិតខំប្រឹងប្រែង ការលេបថ្នាំសម្រករាងរួមទាំងការកែច្រមុះពិធីការិនីរូបនេះរំពឹងខ្ពស់ថា នឹងអាចទាក់ទាញការគាំទ្របានច្រើនពីទស្សនិកជននៅក្នុងឆ្នាំ ២០១៣នេះ។

អ្វីដែលធ្វើឲ្យមានការំពឹងថា ទីផ្សារសិល្បៈនៅឆ្នាំ២០១៣នេះនឹងកើនប្រជាប្រិយភាពខ្ពស់ជាងឆ្នាំមុនដោយសារតែពិធីការិនីរូបនេះសម្អាងទៅលើទីផ្សារភាពយន្តក៏កើនឡើងដោយបានថតរឿងជាបន្តបន្ទាប់ ពិធីការិនីក៏ចេះ ហើយទីផ្សារចម្រៀងក៏ចាប់ផ្ដើមងើបឡើងថែមទៀត។

សូមបញ្ជាក់ថា កញ្ញា ថន លក្ខិណា ទទួលការគាំទ្រជាច្រើនពីទស្សនិកជនក្នុងរឿង “អាបពាក់មួកសុវត្ថិភាព” ទាំងវគ្គមួយ និងវគ្គពីរ។ កាលពីដើមខែកញ្ញានេះ នាងទើបតែទទួលបានតំណែងជាតួឯកឆ្នាសក្នុងរឿងភាគ “គំនុំស្នេហ៍អតីតជាតិ” របស់ស្ថានីយទូរទស្សន៍ CTN ដែលដឹកនាំថតដោយផលិតកម្មមហាហង្ស។ ក្រៅពីការងារជាតារាសម្ដែង និងជាតារាចម្រៀងផងនោះ កញ្ញាជាពិធីការិនីទទួលបានការគាំទ្រច្រើនពីទស្សនិកជនថែមទៀតក្នុងកម្មវិធី ផ្ទះលោកតា៕