SuperAngkor News | Cambodia News | Khmer News | World News | News | Health | Technoloy | Star | Travel

តារាចម្រៀង កញ្ញា ឈិត សុវណ្ណបញ្ញា តែងតែស្ថិតនៅក្នុងដួងចិត្ដរបស់យុវវ័យ និងមានការគាំទ្រយ៉ាង ច្រើនពីសំណាក់មហាជន។ តារាប្រចាំផលិតកម្មរស្មីហង្សមាស មានការមមាញឹកនឹងការងារជាច្រើន គេសង្កេតឃើញ ថា ការតុបតែងខ្លួន និងការសម្លៀកបំពាក់ចូលរួម ក្នុងកម្មវិធីជប់លៀងអ្នកសិល្បៈ ភាគច្រើននាងពាក់អាវ ខើចេញផ្សិត និងសាច់ពោះយ៉ាងសរខ្ចីរហូត។

ការរៀបចំខ្លួនជារឿងសំខាន់ សម្រាប់អ្នកសិល្បៈ ដែលអាចជួយលើកបន្ថែមនូវប្រជាប្រិយភាព។ កាលពីសប្តាហ៍កន្លងទៅ ក្នុងពិធីខួបកំណើតតារាសម្តែងប្រុសម្នាក់ យើងឃើញវត្តមានរបស់កញ្ញា ឈិត សុវណ្ណបញ្ញា និងតារាផ្សេងទៀតជាច្រើន បានមកចូលរួម។ ជាមួយគ្នានោះ តារាស្រីរូបនេះ បានពាក់អាវខើចចេញសាច់ពោះ និងផ្សិត ហើយផ្នែកខាងលើជាស្បៃ ដែលឆ្លុះឃើញដល់សាច់ដើមទ្រូងយ៉ាងណែនក្បំ ជាមួយនឹងសំពត់ក្រោមជង្គង់ ទាំងអាវ និងសំពត់ មានពណ៌ប្រផេះអុចៗ។

ការតុបតែងដូចនេះ យើងមើលទៅ វាមិនស៊ិចស៊ីនោះទេ តែជួយលើកសម្រស់ឲ្យតារាម្នាក់នោះ បានមួយកម្រិត ដែលមើលទៅទាន់សម័យ។ ស្ទីលមួយនេះ សុវណ្ណបញ្ញា បានប្រើជាញឹកញាប់ ដើម្បីចូលរួមក្នុងកម្មវិធី ហើយមិនមានការរិះគន់នោះទេ មានតែគេលួចសរសើរគ្រប់គ្នាថា តុបតែងខ្លួនបានល្អសមរម្យ។

តារាចម្រៀងស្រគត់ស្រគំ កញ្ញា ឈិត សុវណ្ណបញ្ញា ដែលកន្លងមកមិនធ្លាប់មានអ្នកណាម្នាក់ដឹងទេថា នារីមានរូបសម្រស់ស្រស់ និងជាតារាចម្រៀងល្បីរូបនេះ ធ្លាប់ជួបស្នេហ៍ប្រះស្រាំឈឺចាប់សម្រក់ទឹកភ្នែកម្តងណាឡើយផ្ទុយទៅ វិញគេឃើញតែស្នាមញញឹមរបស់នាងតែប៉ុណ្ណោះ។

តាមរយៈបទចម្រៀងទទួលបានការគាំទ្រច្រើនមានចំណងជើងថា “បាត់បង់ស្នេហា គ្មានអ្វីអស្ចារ្យ” វីស៊ីឌី វ៉ុល ១៤០ របស់តារាចម្រៀងស្រីស្រស់ ប្រចាំផលិតកម្មរស្មី ហង្សមាស កញ្ញា ឈិត សុវណ្ណបញ្ញា បានច្រៀងរៀបរាប់ពីទុក្ខសោកដែល នាងធ្លាប់ឆ្លងកាត់ និងធ្វើចិត្តឲ្យ ក្លាហានរហូត ធ្វើឲ្យនាងក្លាយជានារីម្នាក់ដែលរឹងមាំ លែងយកចិត្តទុកដាក់ឈឺចាប់ សម្រក់ទឹកភ្នែក ដោយសាររឿងស្នេហាបរាជ័យទៀត។

សូមរំលឹកថា មុនពេលឈានចូលសិល្បៈ បញ្ញាធ្លាប់បានសិក្សានៅវិទ្យាល័យយុគន្ធរ។ នៅឆ្នាំ២០០៥បញ្ញាបានបញ្ចប់ការសិក្សា នៅវិទ្យាល័យយុគន្ធរ ហើយក៏បានបន្ដការសិក្សានៅសកលវិទ្យាល័យន័រតុន។ ដោយសារតែបញ្ញាមានសម្លេងពីរោះ បញ្ញាត្រូវបានមិត្ដភក្ដិ ហៅឱ្យទៅច្រៀងនៅប៉ុស្ដិ៍ទូរទស្សន៍។ បន្ទាប់មកបញ្ញាក៏ត្រូវបានម្ចាស់ផលិកម្មរស្មីហង្សមាស ទាក់ទងឱ្យទៅចូលច្រៀងនៅចុងឆ្នាំ២០០៥ ដោយបានឆ្លងកាត់ការធ្វើតេស្ដសំឡេងជាច្រើនលើក និងជាច្រើនបទ។ ដោយសារបញ្ញាមានទឹកដមសំឡេងពិរោះ ទើបម្ចាស់ផលិតកម្ម សម្រេចឱ្យបញ្ញាចូលច្រៀងនៅផលិតកម្មរស្មីហង្សមាសតែម្ដង។

ចំពោះបទចម្រៀង ដែលទទួលបានការគាំទ្រជាលើកដំបូង នោះគឺ Mouse love rice សង្កៀរបេះដូង លាក់ចិត្ដខ្សឹក ខ្សួល ស្រក់ឈាមលើសៀវភៅស្នេហ៍ ស្រក់ទឹកភ្នែកមិនមែនគ្មានបញ្ហាជាដើម។ មកដល់សព្វថ្ងៃនេះ បញ្ញាបានច្រៀងចម្រៀងនៅផលិកម្មរស្មីហង្សមាស បានប្រហែលជាង ១០០ បទមកហើយ ថ្មីៗនេះ បញ្ញា កំពុងតែមានការមមាញឹកនឹងការងារជាច្រើន ទាំងការច្រៀង និងការសម្ដែង។ កញ្ញាបានប្រាប់ថា បើសិនជាទស្សនិកជននៅតែមានការ គាំទ្រ នាងនឹងនៅតែច្រៀងបំពេរអារម្មណ៍ទស្សនិកជនរហូត។ ប៉ុន្ដែសព្វថ្ងៃនេះ បញ្ញា ក៏មានគោលបំណងមួយបន្ទាប់ ពីអាជីពជាអ្នកសិល្បៈ គឺបញ្ញាចង់ធ្វើជំនួញផ្ទាល់ខ្លួន៕