SuperAngkor News | Cambodia News | Khmer News | World News | News | Health | Technoloy | Star | Travel

ពិធីករស៊ីធីអិន សម្តីបាន លោកសាយ រតនៈ មានរឿងអាស្រូវផ្ទុះឡើង លើបណ្តាញសង្គមហ្វេសប៊ុកបែក ធ្លាយទំនាក់ទំនងជាមួយនិស្សិតស្រី រហូតមានកូន ហើយទម្លាក់ចោល កាលពីពេលថ្មីៗនេះ បន្ទាប់ពីមិនទាន់នឹងស្ងប់ព័ត៌មានកាត់ត រូបភាពអាសអាគ្រាមផង ក៏ស្រាប់តែលេចរឿងមួយផ្សេងមកទៀត ។

តារាសម្តែង និងជាពិធីករ លោក សាយ រតនៈ ទាក់ទងនឹងរឿងរ៉ាវទាំងអស់នោះ សុទ្ធតែជាព័ត៌មានប៉ះពាល់ជាមួយកិត្តិយស និងកេរ្តិ៍ឈ្មោះ មូលហេតុមកពីតារារូបនេះ បានខ្លួនប្រាណគ្នា ធ្វើឲ្យនាងមានកូន បែរជាចង់ដោះដៃ មិនទទួលស្គាល់នាង ថែមទាំង មានស្រីថ្មីទៅវិញ ។

កាលពីពេលថ្មីៗ កន្លងទៅនេះ ក៏មានការបង្ហោះពាក្យសំដីក្រេវក្រោធវាយប្រហារ មកលើពិធីកររូបសង្ហារស៊ីធីអ៊ីន នៅក្នុង Account Facebook របស់លោក ដោយផ្ទាល់ ក្នុងឈ្មោះ Say Rathanak ថា "អាឆែ្ក សាយ រតនៈ ខ្ញុំសិក្សានៅសាលា NUM ជិតវត្តភ្នំ គេបានទាក់ទងខ្ញុំជាសង្សារ រហូតបានប្រាណខ្ញុំ គ្មានសល់ រយៈពេលមួយឆ្នាំ ខ្ញុំមានកូនជាមួយគេ ។ គេអោយខ្ញុំទំលាក់កូនចោល ហើយមានស្រីថ្មី គេបោះបង់ចោលខ្ញុំ កូនក៏ទំលាក់ ជីវិតខ្ញុំគ្មានន័យទៀតទេ រស់ដូចស្លាប់ ការស្បថស្បែ និងការលួងលោម គេ ពិតជានឹកស្មានមិនដល់សោះ ។

ខ្ញុំស្តាយក្រោយណាស់ ស្លាប់កូនម្នាក់ទៀត ដោយសារស្រលាញ់គេពេក គេរៀបការជាមួយអ្នកដទៃចោលខ្ញុំ ឈឺចាប់បំផុតសំរាប់ខ្ញុំ what should I do with my life ? កាត់តរូបថតគេហត់នឿយណាស់រាប់ម៉ោង តែចង់អោយពិភព លោកដឹងថា គេជាមនុស្សបែបណាគេបោះបង់ខ្ញុំចោល រស់គ្មានន័យទេ ស្តាយ ក្រោយណាស់"។

នេះជាការឈឺចាប់មួយ ដែលមនុស្សស្រីកម្រនឹងបញ្ចេញណាស់ គេមិនដឹងថា នាងទ្រាំជាយូរមកហើយ ។ តែយ៉ាង ណាយើងក៏មិនបានដឹងថា ជាការមួលបង្កាច់ ឬបង្ខូច ឈ្មោះលោកសាយ រតនៈ នោះឡើយ ដូច្នេះមានតែសាមីខ្លួនទើបដឹងច្បាស់ ។ ពាក់ព័ន្ធនឹងការបង្ហោះពាក្យក្រេវក្រោធពីនារីម្នាក់ ដែលអះអាងថា ត្រូវគេបោះបង់ចោល ហើយមានការស្តាយក្រោយអស់មួយជីវិត ភ្នាក់ងារCEN បានទូរស័ព្ទទៅពិធីករ ស្រស់សង្ហារ ដើម្បីសុំការបំភ្លឺ ប៉ុន្តែទូរស័ព្ទលោកមិនអាចទាក់ទង់បានទេ ដោយលោកបិទ ឬក៏ប្តូរលេខនោះទេ ។

សូមរំលឹកថា ដើម្បីបញ្ជាក់ខ្លួន ប្រាកដជាល្អបរិសុទ្ធនោះ លោក សាយ រតនៈ ធ្លាប់បានសរសេរនៅលើហ្វេសប៊ុក កាលពីមានរឿងកាត់ត រូបអាសអាភាសរបស់លោកថា "មិត្តភក្តិជាទីស្រឡាញ់ទាំងអស់ និងក្រុមអ្នកគាំទ្រ ! សូមប្រាប់ជាដំណឹងថា មានមនុស្សអាក្រក់ណាស់ ដោយប្រើឈ្មោះ និងរូបថតរបស់ខ្ញុំ ទៅបង្កើតគណនីហ្វេសប៊ុក ហើយបានបង្ហោះរូបភាព បែបអសីលធម៌ ដែលមិនត្រឹមតែប៉ះពាល់ដល់ខ្ញុំនោះទេ នោះក៏ជាការប៉ះពាល់មិត្តភក្តិនោះទៀតផង។ ដូច្នេះសូមមេត្តាកុំភាន់ច្រឡំលើខ្ញុំ! សូមអរគុណ! "៕