បវរកញ្ញាអាមេរិក ចេញក្រៅក្នុងឈុតរូបផ្កា និងម្កុដភ្លឺចិញ្ចែងចិញ្ចាច ខណៈនាងចាប់ផ្តើម ដំណើរទេសចរណ៍ តាមប្រព័ន្ធផ្សព្វផ្សាយ
September 21, 2013 (09:54:05)
[ 643 ]
បវរកញ្ញាអាមេរិកទើបគ្រងម្កុដថ្មីថ្មោង នាង នីណា ដាវូលូរី (Nina Davuluri) បានបន្តដំណើរទេសចរណ៍ តាមប្រព័ន្ធផ្សព្វផ្សាយ យ៉ាងលឿនមួយរបស់នាងកាលពីថ្ងៃទី ១៧ ខែកញ្ញា ឆ្នាំ ២០១៣ ជាមួយនឹងការឈប់សំចត រយៈពេលខ្លីនៅសង្កាត់ Manhattan នៃក្រុងញូវយ៉ក។
បរវកញ្ញាវ័យ ២៤ ឆ្នាំមកពីទីក្រុង Syracuse នៃរដ្ឋញូវយ៉ក បានចេញដើរហើរក្នុងឈុតពោរពេញដោយរូបផ្កា និង ម្កុដបវរកញ្ញាដ៏ចែងចាំងរបស់នាង ខណៈដែលនាងបានបង្ហាញខ្លួនលើកម្មវិធី Live with Kelly and Michael របស់ទូរទស្សន៍ ABC។
អំឡុងកិច្ចសម្ភាសន៍របស់នាង វេជ្ជបណ្ឌិតប្រកបដោយសេចក្តីប្រាថ្នារូបនេះបាននិយាយថា ការជម្រុញទឹកចិត្តរបស់នាងដើម្បីចូលរួមប្រកួតបវរកញ្ញាដ៏ល្បីល្បាញនេះគឺដើម្បីបង្កើតប្រវត្តិសាស្ត្រក្នុងនាមជា "បវរកញ្ញាអាមេរិកឥណ្ឌាជាលើកដំបូង"។
'សម្រាប់ខ្ញុំ បវរកញ្ញាអាមេរិកតែងតែធ្លាប់ត្រូវគេស្គាល់ថាជា "នារីគួរឲ្យស្រឡាញ់ ចិត្តល្អ និងស្មោះត្រង់" ប៉ុន្តែនារីគួរឲ្យស្រឡាញ់ ចិត្តល្អ និងស្មោះត្រង់ម្នាក់នេះកំពុងវិវត្តន៍ខ្លួន ខណៈភាពចម្រុះពូជសាសន៍ក្នុងសហរដ្ឋអាមេរិកកំពុងតែវិវត្តន៍ដូចគ្នាដែរ។ អ្នកដឹងទេ នាងមិនមែនជាក្មេងស្រីកាលពី ១០ ឆ្នាំមុននោះទេ ហើយនាងក៏នឹងមិនក្លាយជាមនុស្សដដែលដូចកាលពី ១០ ឆ្នាំមុននោះដែរ' ។
ទោះយ៉ាងណា ខណៈដែលមនុស្សភាគច្រើននៅតាមអនឡាញប្រញាប់ប្រញាល់នាំគ្នាអបអរសាទរបវរកញ្ញាថ្មីរបស់អាមេរិកកាលពីល្ងាចថ្ងៃអាទិត្យនោះ ការបញ្ចេញមតិបែបរើសអើងពូជសាសន៍ក៏បានចាប់ផ្តើមហូរចូលមកលើវេបសាយផងដែរ។
អ្នកលេង Twitter ឈ្មោះ Meredith Talley (@MeredithRoanell) បាននិយាយថា "នេះគឺជាបវរកញ្ញាអាមេរិក...មិនមែនជាបវរកញ្ញាប្រទេសបរទេសនោះទេ"។ Twitter profile របស់នាង Talley បានបាត់មួយភ្លែតបន្ទាប់ពីការបញ្ចេញមតិរបស់នាង ដែលត្រូវបានចែករំលែកដោយមនុស្សជាច្រើន ដោយភាគច្រើនសុទ្ធតែមានការភ្ញាក់ផ្អើលទាំងអស់។
ហើយឈ្មោះ Kat (@KathrynRyan50) ដែលនិយាយលើ Twitter profile របស់នាងថា នាងស្រឡាញ់ព្រះយេស៊ូនោះ បានបង្ហោះថា "នាង (sic) មិនដូចអាមេរិកអីបន្តិច ហើយនាងនៅឈ្នះបវរកញ្ញាអាមេរិកទៀត"។
ប៉ុន្តែបវរកញ្ញានាង ដាវូលូរី បានបង្ហាញថា ការបញ្ចេញមតិបែបសម្អប់នេះមិនបានធ្វើឲ្យនាងតូចចិត្តនោះទេ និង ត្រូវបានគេថតរូបកំពុងអបអរសាទរតំណែងបវរកញ្ញារបស់នាង ខណៈដែលនាងបាចទឹកក្នុងមហាសមុទ្រអាត្លង់ទិចក្នុងទីក្រុងអាត្លង់ទិចកាលពីព្រឹកថ្ងៃចន្ទ៕
.
.
រៀល កម្ពុជា (1US$: KHR)
4015
4022
បាត ថៃឡង់ (1US$: THB)
31.48
31.55
ដុង វៀតណាម (1US$: VND)
22,720
22,800
ដុល្លារ ហុងកុង (1US$: HKD)
7.75
7.87
យ៉េន ជប៉ុន (100JPY: US$)
0.905
0.910
ដុល្លារ សឹង្ហបុរី (10SGD: US$)
7.58
7.63
រីងហ្គីត ម៉ាឡេស៊ី (10MYR: US$)
2.55
2.57
ផោន អង់គ្លេស (1GBP: US$)
1.405
1.410
យូរ៉ូ អឺរ៉ុប (1EUR: US$)
1.240
1.245
ហ្វ្រង់ ស្វីស (1CHF: US$)
0.905
0.910
ដុល្លារ អូស្ត្រាលី (1AUD: US$)
0.787
0.792
ដុល្លារ កាណាដា (1CAD: US$)
0.800
0.805
មាស គីឡូ (1CHI: US$)
160.5
161.5
កែប្រែរចុងក្រោយ ៖
09 - February - 2018