SuperAngkor News | Cambodia News | Khmer News | World News | News | Health | Technoloy | Star | Travel

តារាចម្រៀងស្ថិតក្នុងក្រុមរ៉ៃមាស សម ម៉ាណា ដែលបានដកខ្លួនឆ្ងាយពីពិភពសិល្បៈមួយរយៈ ព្រោះតែរវល់ជាមួយការងាររកស៊ីផ្ទាល់ខ្លួននោះ ដែលធ្វើឲ្យអ្នកគាំទ្ររបស់នាងស្ទើរតែភ្លេចមុខ និងការច្រៀងរាំលើឆាកជាក្រុមដ៏រស់រវ៉ើក។

ចាប់តាំងពីឆ្នាំ ២០១១ មកតារាសម្តែងរាងខ្ពស់ស្រលះហាក់មិនខ្ចីនឹកនាជាមួយការងារសិល្បៈឡើយ ព្រោះតែតារាសម្តែងរូបនេះរវល់នឹងការងាររកស៊ីហាងសម្អាង សម ម៉ាណា សាឡន។ ដោយសារតែភាពមមាញឹកនេះ ធ្វើឲ្យការងារសិល្បៈរបស់កញ្ញា ម៉ាណា ធ្លាក់បាត់ពីតារាសម្តែងជួរមុខ។

ក្រោយពីរឈានជើងចូលសិល្បៈរាងលិបលរៗ ធ្វើឲ្យ តារាចម្រៀងសម្បុរស្រអែមរូបនេះ មិនសូវបង្ហាញវត្តមានរបស់ខ្លួនក្នុងកម្មវិធីជួបជុំអ្នកសិល្បៈឡើយ តែគេទើបតែប្រទះឃើញវត្តមានរបស់តារាស្រីច្រមុះស្រួច សម ម៉ាណា នៅក្នុងកម្មវិធី អាណាចក្រតារា។

ឆ្លើយឆ្លងជាមួយស៊ីអ៊ីអិន នាង សម ម៉ាណា ឲ្យដឹងថា ពេលនេះនាងហក់ចូលក្នុងពិភពសិល្បៈវិញហើយ បន្ទាប់ពីសម្រាកពីការងារសិល្បៈមួយរយៈមក (កន្លងមកដោយសារតែខ្ញុំរវល់ការងារ បើកហាងសាឡន អីចឹងហើយបានជាមិនសូវមានពេលគ្រប់គ្រាន់សម្រាប់ការងារសិល្បៈ តាមពិតខ្ញុំនៅតែមានការងារជាហូរហែរដែរ តែសម្រាប់តែកម្មវិធីដើរម៉ូត និងថតខារ៉ាអូខេ បន្តិចបន្តួចប៉ុណ្ណោះ)។

គ្រាន់តែប្រកាសខ្លួនចូលប្រឡូកក្នុងពិភពសិល្បៈវិញ នាងត្រូវបានតំណែងជាអង្គឆ្នាសឆ្នើម នៅក្នុងខ្សែភាពយន្តភាគរបស់ស្ថានីយ៍ទូរទស្សន៍បាយ័ន ដែលគ្រោងនឹងចាក់ផ្សាយនៅពេលឆាប់ៗខាងមុខនេះ “នេះជាខ្សែរឿងទី២ ដែលខ្ញុំសម្តែងជាតួរអង្គឆ្នាស តែរឿងមុននោះមិនបានចាក់បញ្ចាំងក្នុងស្រុកទេ តាមពិតខ្សែរឿងនេះខ្ញុំថតចប់រួចរាល់ហើយ តែមិនទាន់បានចាក់ផ្សាយ”។

កញ្ញា សម ម៉ាណា ជាតារាសម្ដែងស្រីមួយរូបដែលទទួលបានប្រជាប្រិយភាពតាំងពីនាងមានវ័យ១៦ឆ្នាំមកម្ល៉េះ។ នាងល្បីតាមរយៈបទចម្រៀង “យូរប៉ុណ្ណាក៏ចាំ” និងស្ប៉តផ្សាយពាណិជ្ជកម្មរបស់ផលិតកម្ម Nice Star មួយចំនួនទៀតនៅក្នុងឆ្នាំ២០០៧៕