ភី វណ្ណនីដា ចូលសិល្បៈដំបូង គ្មានអ្នកជ្រោមជ្រែង ក្រៅពីសមត្ថភាព
|
September 03, 2013 (12:38:16)
|
[ 661 ] |
|
|
|
|
តារាចម្រៀង និងសម្តែង កញ្ញា ភី វណ្ណនីដា បានរៀបរាប់ពីការឈានចូលសិល្បៈពីដំបូងទី ដោយគ្មានស្គាល់ រឺអ្នកជ្រោមជ្រែងទេ ក្រៅពីផលិតកម្មមហាហង្សហៅឲ្យថតរឿង ច្រៀង និងសមត្ថភាពផ្ទាល់ខ្លួន ។ បន្ទាប់មក ក៏មានគេស្គាល់ច្រើន និងផលិតកម្មផ្សេងៗ ហៅថតជាហូរហែរ។
នៅថ្ងៃទី២ខែកញ្ញាឆ្នាំ២០១៣ តារាសម្តែងមានរូបសម្បត្តិគួរសមមិនចាញ់តារាស្រីដទៃ កញ្ញា ភី វណ្ណនីដា បានឲ្យភ្នាក់ងារ CEN ដឹងថា មួយរយៈនេះ មានការមមាញឹកគ្រាន់បើ ជាមួយការងារសិល្បៈ។
ក្រោយពីថតបញ្ចប់រឿង«ទាវតាធ្លាក់ពីមេឃ» ដែលនាងដើរ តួឯករួចមកក៏មានផលិតកម្មហៅថតស្ប៉ត និងឈុតខារ៉ាអូខេ។ ពីមុនជាតារាចម្រៀង ប្រចាំនៅផលិតកម្មមហាហង្ស បន្ទាប់ពីបញ្ចប់កុងត្រា នាងចេញមកច្រៀងនៅណាហ្គា ពេលនេះកំពុងច្រៀងនៅក្លឹបមេជេនស៊ី ម្តុំមេភ្លើងឡានទឹក។
អតីតអ្នកច្រៀងនៅផលិតកម្មមហាហង្ស វណ្ណនីដា បន្តថា "មុននឹងឈានចូលប្រឡូកក្នុងវិស័យសិល្បៈ ខ្ញុំបានប្រឡងនៅកម្មវិធីតន្ត្រីយុវតារារបស់ស្ថានីយ៍ទូរទស្សន៍បាយ័ន ឆ្នាំ២០០៨ ដោយកាលណោះទទួលបានជ័យលាភីលេខ២។ ការដែលចាប់យក អាជីពនេះ មកពីខ្ញុំស្រឡាញ់ចូលចិត្តតាំងពីតូចមកម្ល៉េះ ព្រោះចូលចិត្តច្រៀង រាំ ខ្លាំងណាស់។ ប៉ាម៉ាករបស់ខ្ញុំ ក៏ជួយជំរុញបន្ថែមទៀត ទោះជាពួកគាត់មិនជាប់សែស្រឡាយជាអ្នកសិល្បៈអីក៏ដោយ។ មិនតែប៉ុណ្ណោះ គាត់ជាអ្នកទៅទិញពាក្យប្រឡងចម្រៀង ឲ្យខ្ញុំបានចូលប្រឡងថែមទៀតផង"។
តារាវ័យ ២២ឆ្នាំរូបនេះ បន្ថែមថា ក្នុងពេលប្រឡូកសិល្បៈដំបូងគ្មានស្គាល់អ្នកណាទេ ទើបបានជាមិនសូវល្បីចេញមុខចេញមាត់នឹងគេ។ បើទោះជាប្រឡងជាប់ក៏ដោយ ក៏ខាងស្ថានីយ អត់មានកម្មវិធី រឺក៏ការងារឲ្យធ្វើ។ ដល់ពេលបានមកច្រៀង នៅមហាហង្ស ខាងម្ចាស់ផលិតកម្មឃើញសមត្ថភាពសម្តែងបានល្អ ក៏ចេះហៅមកសម្តែង។ ក្នុងរយៈពេលពីរឆ្នាំមក ការសម្តែងនៅមានកម្រិត តែនាងធ្វើអ្វីក៏បាន ដូចជា តួកម្សត់ យំ កាចឆ្នាស់ សុភាព រាបសា។ បើតាមការស្រឡាញ់ និងចរិកសម្តែងដែលពេញចិត្ត គឺដើរតួក្រមិចក្រមើម លេង សើចច្រើន។
គួររំលឹកថា តារារូបស្រស់ កញ្ញា ភី វណ្ណនីដា មានបងប្អូន ២នាក់ សុទ្ធតែស្រី ហើយនាងបងគេ ក្នុងគ្រួសារ។ នាងមានស្រុកកំណើតនៅខេត្តកំពង់ធំ។ ពេលទំនេរ វណ្ណនីដា ចូលចិត្ត មើលកម្មវិធីទូរទស្សន៍បរទេស ដើម្បីច្បិចយកស្ទីល តុបតែងខ្លួន និងអ្វីដែលប្លែកៗ ព្រមទាំងការថែរក្សាសម្ផស្សផ្ទាល់ខ្លួន។ នីដា មិនសូវចូលចិត្តលេងខ្លួនបែបសិចស៊ីជ្រុលពេកទេ ប៉ុន្តែបើអ្នកដឹកនាំតម្រូវឲ្យស្លៀកពាក់សិចស៊ី គឺធ្វើបាន៕
|
|
|
. |
|
|
|
|
|
. |
|
រៀល កម្ពុជា (1US$: KHR)
|
4015 |
4022 |
បាត ថៃឡង់ (1US$: THB)
|
31.48 |
31.55 |
ដុង វៀតណាម (1US$: VND)
|
22,720 |
22,800 |
ដុល្លារ ហុងកុង (1US$: HKD)
|
7.75 |
7.87 |
យ៉េន ជប៉ុន (100JPY: US$)
|
0.905 |
0.910 |
ដុល្លារ សឹង្ហបុរី (10SGD: US$)
|
7.58 |
7.63 |
រីងហ្គីត ម៉ាឡេស៊ី (10MYR: US$)
|
2.55 |
2.57 |
ផោន អង់គ្លេស (1GBP: US$)
|
1.405 |
1.410 |
យូរ៉ូ អឺរ៉ុប (1EUR: US$)
|
1.240 |
1.245 |
ហ្វ្រង់ ស្វីស (1CHF: US$)
|
0.905 |
0.910 |
ដុល្លារ អូស្ត្រាលី (1AUD: US$)
|
0.787 |
0.792 |
ដុល្លារ កាណាដា (1CAD: US$)
|
0.800 |
0.805 |
មាស គីឡូ (1CHI: US$)
|
160.5 |
161.5 |
កែប្រែរចុងក្រោយ ៖
09 - February - 2018
|
|
|