កែវ ស្រីនាង កាក់កបនឹងរបរ លក់បន្លែ គ្មានជាតិគីមី នៅសៀមរាប
|
August 07, 2013 (12:03:49)
|
[ 691 ] |
|
|
|
|
តារាសម្តែង កែវ ស្រីនាង បាត់មុខពីកែវភ្នែកមហាជន ងាកទៅរស់នៅខេត្តសៀមរាប ជាមួយស្វាមីជាជនជាតិបរទេសអស់រយៈកាលជាយូរមកហើយ ។ ពេលនេះមានតម្រុយថា កែវ ស្រីនាង មានមុខរបរថ្មី ជាហេតុចងជើងឱ្យនាងរកចន្លោះចូលពិភពសិល្បៈមិនបាន នោះគឺការទិញបន្លែគ្មានជាតិគីមី លក់នៅតាមសណ្ឋាគារ និងមុខរបរមួយទៀតទើបតែបង្កើត គឺហាងរក្សាសម្រស់មួយដាក់ឈ្មោះ «ស្រីនាងសាឡន» ។ មូលហេតុនេះហើយ ទើប កែវ ស្រីនាង និយាយថា បើនាងសម្តែងទាល់តែត្រូវរ៉ូវតម្លៃគ្នាសិន ព្រោះពេលនេះនាងចង់ពង្រឹងមុខជំនួញឱ្យល្អទៅមុខទៀត ។
នាងកែវ ស្រីនាង តាំងពីរៀបការជាមួយជនជាតិអង់គ្លេសមក បានសម្រេចចិត្តចេញទៅរស់នៅខេត្តសៀមរាប ដោយសាងសង់ផ្ទះមួយក្នុងបរិវេណដីឡូត៍ធំមួយ ។ ផ្ទះនោះរចនាម៉ូដបែបលក្ខណៈខ្មែរ ដូចផ្ទះសេដ្ឋីសម័យមុន ឯក្នុងបរិវេណមានសួនផ្កាស្រស់ស្អាត និងមានយករទេះគោតាំងលម្អ មើលទៅសក្តិសមជាអ្នកសិល្បៈឱ្យតម្លៃសិល្បៈជាតិខ្មែរមែន ។ លើសពីនេះទៀត កែវ ស្រីនាង អនុញ្ញាតឱ្យផលិតករមួយចំនួនយកផ្ទះនោះថតជាខ្សែរឿងបែបបុរាណចាក់ផ្សាយតាមកញ្ចក់ទូរទស្សន៍ទៀតផង។
កែវ ស្រីនាង តាំងពីបង្ហាញមុខក្នុងខ្សែភាពយន្តរឿង «ធ្លាប់ស្រឡាញ់ខ្ញុំទេ» ជាមួយលោក ព្រាប សុវត្ថិ មកបានបាត់មុខពីពិភពសិល្បៈ ព្រោះតែមមាញឹកនឹងរបររកស៊ីនៅឯខេត្តសៀមរាប ។ នាងមិនសូវបានចូលរួមកម្មវិធីប្រគំតន្ត្រីរបស់ទូរទស្សន៍ឡើយ សូម្បីតែពិធីជួបជុំសិល្បករនៅក្រៅឆាក ក៏មិនសូវបានចូលរួមដែរ ។ មូលហេតុនេះមកពី កែវ ស្រីនាង ចង់ពង្រឹងមុខរបរដែលជាគោលដៅសំខាន់សិន ទើបងាកទៅសិល្បៈវិញ ។ កាលណាអាជីពរកស៊ីដើរទៅមុខល្អ ទើបនាងស្រវាសិល្បៈ ។
សព្វថ្ងៃនេះ កែវ ស្រីនាង និងស្វាមី បានបោះទុនទទួលទិញបន្លែបែបធម្មជាតិគ្មានជាតិគីមី ដោយបញ្ជាឱ្យកសិករនៅទីនោះដាំបន្លែបៃតងយកគុណភាពជាលក្ខណៈធម្មជាតិជាគោល ហើយនាងទទួលទិញយកបោះឱ្យម៉ូយនៅតាមសណ្ឋាគារ ធំៗមួយចំនួនក្នុងតំបន់ទេសចរណ៍ល្បីឈ្មោះនៃខេត្តសៀមរាប ។ ក្រៅពីរបរទទួលទិញបន្លែធម្មជាតិ កែវ ស្រីនាង ទើបតែបង្កើតហាងរក្សាសម្រស់ថ្មីមួយទៀតនៅកណ្តាលក្រុង ដោយនៅខាងមុខហាងដាក់រូបនាងយ៉ាងធំ មើលទៅស្រស់ស្អាតនៅតែក្មេងសមជាថៅកែហាងសម្រស់ដោយនាងដាក់ឈ្មោះថា «ស្រីនាងសាឡន» ។
កែវ ស្រីនាង ដែលទើបតែដាក់ទុនរកស៊ីរបរថ្មីមួយទៀតនេះ យកចិត្តទុកដាក់មើលការខុសត្រូវ និងរកចំណុចណាទាក់ទាញបានអតិថិជនច្រើន ដើម្បីឈរលើទីផ្សារ ជាហេតុសម្រេចចិត្តផ្អាកអាជីពសិល្បៈមួយរយៈខ្លី ។
កែវ ស្រីនាង ប្រាប់ថា មុខរបររកស៊ីទាំង២នេះមិនរំខានអារម្មណ៍ធ្វើឱ្យចង់លាឈប់ពីសិល្បៈឡើយ ព្រោះតែនាងនៅតែស្រឡាញ់ គ្រាន់តែសុំពេលនៅជាមួយការងារខាងក្រៅនេះឱ្យល្អសិន ចាំទទួលយកអាជីពចាស់ដូចមុន ។ ចំពោះការសម្តែងទាល់តែនាងពិនិត្យមើលសាច់រឿង និងចរចាគ្នាសិន ទើបអាចសម្រេចបាន ។ បើរឿងខ្លះមិនសូវសំខាន់ ក៏នាងមិនសូវចាប់អារម្មណ៍ដែរ តែបើសាច់រឿងណាមើលទៅល្អ និងបង្កប់ការអប់រំដល់សង្គម នាងអាចលៃលករកពេលថតបាន ព្រោះកន្លងមកនាងបង្ហាញមុខតែក្នុងខ្សែរឿងណាមានភាពទាក់ទាញប៉ុណ្ណោះ។ កែវ ស្រីនាង និយាយថា នាងនឹងវិលទៅពិភពសិល្បៈវិញនៅពេលណាមួយរបរនៅសៀមរាបធូរស្បើយ ៕
|
|
|
. |
|
|
|
|
|
. |
|
រៀល កម្ពុជា (1US$: KHR)
|
4015 |
4022 |
បាត ថៃឡង់ (1US$: THB)
|
31.48 |
31.55 |
ដុង វៀតណាម (1US$: VND)
|
22,720 |
22,800 |
ដុល្លារ ហុងកុង (1US$: HKD)
|
7.75 |
7.87 |
យ៉េន ជប៉ុន (100JPY: US$)
|
0.905 |
0.910 |
ដុល្លារ សឹង្ហបុរី (10SGD: US$)
|
7.58 |
7.63 |
រីងហ្គីត ម៉ាឡេស៊ី (10MYR: US$)
|
2.55 |
2.57 |
ផោន អង់គ្លេស (1GBP: US$)
|
1.405 |
1.410 |
យូរ៉ូ អឺរ៉ុប (1EUR: US$)
|
1.240 |
1.245 |
ហ្វ្រង់ ស្វីស (1CHF: US$)
|
0.905 |
0.910 |
ដុល្លារ អូស្ត្រាលី (1AUD: US$)
|
0.787 |
0.792 |
ដុល្លារ កាណាដា (1CAD: US$)
|
0.800 |
0.805 |
មាស គីឡូ (1CHI: US$)
|
160.5 |
161.5 |
កែប្រែរចុងក្រោយ ៖
09 - February - 2018
|
|
|