លីលី រង់ចាំស៊ីធីអិនហៅសម្តែងតែស្ងាត់ឈឹង
|
August 07, 2013 (11:59:59)
|
[ 1355 ] |
|
|
|
|
តារាសម្តែង និងចម្រៀងកញ្ញាលីលី កាលពីមួយរយៈមុនលេចមុខមាត់នៅតាមកញ្ចក់ទូរទស្សន៍ស៊ីធីអិន ពិសេសក្នុងកម្មវិធី «រាត្រីកម្សាន្ត» និងកម្មវិធីមួយចំនួនទៀត ដោយលោកតាវិចទ័រផ្តល់ឱកាស ប៉ុន្តែតាំងពីមានសមាជិក ថ្មីៗចូលមកបន្ថែមទៀត ស្រាប់តែលីលី ដែលក្តាប់ការងារសម្តែងនេះមុនគេបាត់មុខឈឹង ។ ដោយសារបែបនោះហើយទើបមានព័ត៌មានថា លីលី អន់ចិត្តកន្លែងការងារចាស់នោះ ទើបនាងបោះបង់ទាំងស្រុង ហើយងាកទៅរកការងារក្រៅស្ថានីយវិញ ។
កញ្ញាលីលី មួយរយៈចុងក្រោយងាកទៅដើរបង្ហាញម៉ូដកាច់រាងឱ្យក្រុមបង្ហាញម៉ូដរបស់កញ្ញាឌួង ហ្សូរីដា វិញម្តង ។ ជាញឹកញាប់នាងចេញដើរបង្ហាញម៉ូដស្ទើរតែគ្រប់ទីកន្លែង ពិសេសឧស្សាហ៍ចេញមុខនៅតាមកម្មវិធីបង្ហាញម៉ូដខ្នាតធំ ។ ការចេញមុខខុសពីអាជីពចាស់នេះលេចឮថា ព្រោះតែនាងអាក់អន់ស្រពន់ចិត្តជាមួយស៊ីធីអិន រឿងមានតារាសម្តែងស្រករក្រោយលេចមុខប្រជែងការងារក្នុងកម្មវិធី «រាត្រីកម្សាន្ត» និងកម្មវិធីមួយចំនួនទៀត ដែលជាទីកន្លែងការងារជួយឱ្យនាងល្បីឈ្មោះ ។ មូលហេតុនេះហើយ ទើប លីលី សម្រេចចិត្តចេញពីកន្លែងចាស់ចូលទៅជាសមាជិកក្រុមបង្ហាញម៉ូដវិញ ។
ជុំវិញរឿងរ៉ាវនេះ កញ្ញាលីលី បញ្ជាក់កាលពីពេល ថ្មីៗនេះថា នៅស៊ីធីអិន នាងមិនបានលាឈប់ទៅណាទេ តែមិនដឹងយ៉ាងម៉េចបានជានាងត្រូវអាក់ខានចូលរួមសម្តែងកម្មវិធីយូរបែបនេះ ។ នាងមិនចង់លើកឡើងពីហេតុផលអីទេ បើនាងរវល់ការងារខាងក្រៅច្រើនបែបនេះ មិនបាច់គិតរឿងគេហៅមិនហៅទេ ព្រោះនាងមិនបានផ្តាច់ខ្លួនឡើយ ហើយមិនបានខឹងគេហៅអ្នកថ្មីមកជំនួសតំណែងដែរ ដោយសារតែពេលនេះនាងផ្អាកឡើងច្រៀង និងសម្តែងសិន ព្រោះមើលទៅនាងមានអារម្មណ៍ថា ខ្លួនឯងដូចជាឡើងគីឡូជ្រុលបន្តិច ហើយមើលទៅមាឌធំខ្លាំងណាស់ ។
លីលី ឆ្លើយការពារខ្លួនទៀតថា នាងមិនបានធ្វើកិច្ចសន្យាជាមួយសុីធីអិនទេ គឺនាងសម្តែងតាមកម្មវិធី តែបើគេមិនហៅនាងក៏មិនដឹងថាបែបណាដែរ ព្រោះនាងចាំដំណឹងគេហៅសម្តែងរហូត តែស្ងាត់ ទៅៗ ទើបលេចឮថានាងឈប់ពីទីនោះតែម្តង ។ អ៊ីចឹងហើយចង់អ្នកណាគេថាបែបណាក៏ស្រេចតែគេទៅ ព្រោះនាងនៅតែរាប់អានមិត្តរួមការងារដដែល គ្រាន់តែមួយរយៈនេះនាងងាកទៅធ្វើការនៅខាងក្រៅតាមគេទាក់ទងច្រើនដូចជាថតស៉្បតឡេ ម្សៅ ស៉្បតម៉ូតូ និងដើរម៉ូដ ។
លីលី បញ្ជាក់ថា នាងនៅតែដាក់ចិត្តចូលស៊ីធីអិន បើថ្ងៃក្រោយគេទាក់ទង តែនាងសុំបដិសេធរឿងថា នាងអន់ចិត្ត ព្រោះមានអ្នកថ្មីប្រជែង ។ នាងសប្បាយចិត្តនៅពេលឃើញមានតារា ថ្មីៗរះឡើងដើម្បីលើកស្ទួយសិល្បៈ និងរីករាយនៅពេលអ្នកសិល្បៈ ម្នាក់ៗមានការងារគ្រប់គ្នា ដើម្បីទទួលប្រាក់ចំណូលគ្រប់គ្រាន់ និងចែកភាពល្បីល្បាញ ដូចៗគ្នា ព្រោះគ្មានតារាណាល្បីតែម្នាក់ឯងបានទេ ៕
|
|
|
. |
|
|
|
|
|
. |
|
រៀល កម្ពុជា (1US$: KHR)
|
4015 |
4022 |
បាត ថៃឡង់ (1US$: THB)
|
31.48 |
31.55 |
ដុង វៀតណាម (1US$: VND)
|
22,720 |
22,800 |
ដុល្លារ ហុងកុង (1US$: HKD)
|
7.75 |
7.87 |
យ៉េន ជប៉ុន (100JPY: US$)
|
0.905 |
0.910 |
ដុល្លារ សឹង្ហបុរី (10SGD: US$)
|
7.58 |
7.63 |
រីងហ្គីត ម៉ាឡេស៊ី (10MYR: US$)
|
2.55 |
2.57 |
ផោន អង់គ្លេស (1GBP: US$)
|
1.405 |
1.410 |
យូរ៉ូ អឺរ៉ុប (1EUR: US$)
|
1.240 |
1.245 |
ហ្វ្រង់ ស្វីស (1CHF: US$)
|
0.905 |
0.910 |
ដុល្លារ អូស្ត្រាលី (1AUD: US$)
|
0.787 |
0.792 |
ដុល្លារ កាណាដា (1CAD: US$)
|
0.800 |
0.805 |
មាស គីឡូ (1CHI: US$)
|
160.5 |
161.5 |
កែប្រែរចុងក្រោយ ៖
09 - February - 2018
|
|
|