យុង ចាន់កណ្ណិកា រំឭកអនុស្សាវរីយ៍ជីវិតសិល្បៈ
|
August 07, 2013 (11:13:39)
|
[ 742 ] |
|
|
|
|
តារាចម្រៀងសំឡេងធ្ងន់ យុង ចាន់កណ្ណិកា ដែលច្បាមយកប្រជាប្រិយភាពតាមរយៈបទចម្រៀងមនោសញ្ចេតនារបស់អ្នកស្រី រស់ សេរីសុទ្ធា បានបោះជំហានចូលពិភពសិល្បៈតាំងពីក្មេងមក ហើយបច្ចុប្បន្ននៅតែទទួលបានការគាំទ្រមិនខុសពីមុនឡើយ ។ ដោយសារឆ្លងកាត់ជីវិតជាអ្នកសិល្បៈ តាំងពីមិនទាន់ធំដឹងក្តី យុង ចាន់កណ្ណិកា បានចាត់ទុកជីវិតតារារបស់ខ្លួនដែលចែងចាំងលើសួនសិល្បៈនាពេលនេះ គឺឆ្លងកាត់ការព្យាយាមណាស់ ទម្រាំតែសម្រេចគោលដៅបាន និងមានគេស្គាល់ថា ជាអ្នកល្បី សូម្បីពាក្យរិះគន់ក៏នាងទទួលយកដើម្បីកែលម្អនៅពេលដែលមានចំណុចខ្លះគេមិនគាំទ្រ។
កញ្ញាយុង ចាន់កណ្ណិកា បានពេញរូបពេញរាង និងរីកសាយសម្រស់កាន់តែស្រស់ស្អាតជាមួយការតុបតែងកាយសក្តិសមជានារីពេញវ័យគួរឱ្យគយគន់ រហូតល្បីថាមានអ្នកតាមស្រឡាញ់ច្រើននាក់មកហើយ ដោយអ្នកស្រឡាញ់នាងខ្លះនៅក្រៅស្រុកទៀតផង ។ កណ្ណិកា គឺខុសពីតារាចម្រៀងមួយចំនួនដែលច្រើនតែនិយមយកបទចម្រៀងសម័យទំនើបមកច្រៀង គឺនាងតាំងពីក្មេងស្រឡាញ់បទចម្រៀងជំនាន់រាជិនីសំឡេងមាស រស់ សេរីសុទ្ធា រហូតដល់ពេលពេញក្រមុំ ។ តាំងពីក្មេងមក នាងរកបានទីផ្សារក្នុងពិភពសិល្បៈដោយមិនលំបាក ហើយជាញឹកញាប់នាងឆ្លងទៅបំពេអារម្មណ៍បងប្អូនខ្មែរនៅបរទេស ដោយសារតែមានអ្នកចូលចិត្តនៅទីនោះ ។
ដោយសារតែមានទុនសំឡេងល្អពីធម្មជាតិ ចាន់កណ្ណិកា បានចំណាយពេលហាត់ច្រៀងអស់ជាច្រើនឆ្នាំជាមួយគ្រូល្បីមានទាំងធ្លាប់បានហាត់ចម្រៀងបែបបុរាណនៅសាកលវិទ្យាល័យភូមិន្ទវិចិត្រសិល្បៈទៀតផង ។ ជាពិសេស នាងបានរៀនជំនាញច្រៀងពីលោកឯល ប៊ុណ្ណា, អ្នកគ្រូគង់ ណារី, លោកវ៉ែន ផាត និងលោកមិញ សុធីវណ្ណ ជាដើម ។
ទាក់ទិននឹងដើមហេតុនៃការបោះជំហានចូលពិភពសិល្បៈ យុង ចាន់កណ្ណិកា ដែលមានសមត្ថភាពច្រៀងបទពីដើមបានយ៉ាងពីរោះ និងជាប្អូនស្រីរបស់កញ្ញាយុង ចាន់សុធាវី បានថ្លែងកាលពីពេល ថ្មីៗនេះថា ការពិតជីវិតសិល្បៈរបស់នាងមហាជនបានដឹងរួចទៅហើយថា នាងចាប់អាជីពនេះតាំងពីនៅក្មេងម៉្លេះ ពោលគឺតាំងពីមិនចេះកាន់ក្បាលមេក្រូស្រួលបួលនៅឡើយ ច្រៀងមិនទាន់ច្បាស់ពាក្យពេចន៍ឯណោះ ។ មកពីចិត្តស្រឡាញ់ឃើញគេច្រៀងរាំ នាងចង់ធ្វើដូចគេណាស់មិនសូវជាចេះអៀនប៉ុន្មានទេ ។ កណ្ណិកាចេះច្រៀងតាំងពីអាយុ៦ឆ្នាំម៉្លេះ ដោយដើរច្រៀងនៅតាមរោងការ ព្រោះមានលោកឪពុកជាតន្ត្រីករ ។ បើនិយាយពីតំបន់ត្រើយម្ខាងវិញ នាងច្រៀងឡើងសឹកហាងអស់ហើយ និងបានប្រាក់លើកទឹកចិត្តក៏ច្រើនដែរ ព្រោះគេឃើញនាងជាកូនក្មេង តែមានសំឡេងដូចមនុស្សចាស់ ។
ឈានចូលដល់អាយុ៩ឆ្នាំ កណ្ណិកា បានប្រឡងចម្រៀងក្នុងកម្មវិធី «ពន្លកតារា» នៅទូរទស្សន៍ប៉ុស្តិ៍លេខ៥ ជាប់ចំណាត់ថ្នាក់លេខ២ ដោយលេខ១ បានទៅលើនាងងួន ស្រីស ។ កាលនោះនាងជាប់ដោយច្រៀងបទ «ស្នេហ៍ក្រោមម្លប់ជ្រៃ» ។ តាំងពីតូចនាងអត់ចេះបទពីដើមច្រើនទេ គឺចេះតិចតួចប៉ុណ្ណោះយកទៅច្រៀងតាមរោងការ និងតាមហាងជាមួយលោកឪពុករបស់នាង ។
គិតមកទល់ពេលនេះ កណ្ណិកា ចាប់អាជីពចម្រៀងបានជាង១០ឆ្នាំហើយ ។ បើនិយាយពីការតស៊ូវិញក៏មិនធម្មតាដែរ កាលពីនាងប្រឡងគឺមើលទៅលំបាកណាស់ មិនដូចឥឡូវស្រួលទេ គឺឆ្លងកាត់ការជម្រុះច្រើនដងណាស់ ។ ទាំងនេះមកពីការស្រឡាញ់សិល្បៈពេក ឱ្យតែមានការប្រគំតន្ត្រីនៅកន្លែងណា គឺមានមុខនាងទៅមើលគេច្រៀង ហើយៗពេលខ្លះទៅអង្គុយក្រោមកាមេរ៉ាត្រូវគេថតជាប់ឃើញតាមទូរទស្សន៍ទៀតផង ។
បើទោះជានាងជាយុវវ័យជំនាន់ថ្មី តែកណ្ណិកា នៅតែបន្តច្រៀងបទពីដើមដដែល ទោះជាមានគេចង់ឱ្យប្តូរទៅច្រៀងបទ យេៗសម័យឥឡូវក៏នាងមិនប្តូរទេ ព្រោះចង់រក្សាអត្តសញ្ញាណផ្ទាល់ខ្លួនរបៀបនេះរហូត ។ យុង ចាន់កណ្ណិកា ដែលពេលកន្លងមកធ្លាប់ក្តាប់តំណែងជាថៅកែហាងអ៊ុតសក់ និងហាងលក់ខោអាវនៅម្តុំគិរីរម្យ បានផ្តាំផ្ញើដល់យុវជនជំនាន់ក្រោយថា បើស្រឡាញ់សិល្បៈត្រូវតស៊ូ គឺយកការព្យាយាមជាគោល ស្តាប់គ្រូ ស្តាប់រៀមច្បង ៕
|
|
|
. |
|
|
|
|
|
. |
|
រៀល កម្ពុជា (1US$: KHR)
|
4015 |
4022 |
បាត ថៃឡង់ (1US$: THB)
|
31.48 |
31.55 |
ដុង វៀតណាម (1US$: VND)
|
22,720 |
22,800 |
ដុល្លារ ហុងកុង (1US$: HKD)
|
7.75 |
7.87 |
យ៉េន ជប៉ុន (100JPY: US$)
|
0.905 |
0.910 |
ដុល្លារ សឹង្ហបុរី (10SGD: US$)
|
7.58 |
7.63 |
រីងហ្គីត ម៉ាឡេស៊ី (10MYR: US$)
|
2.55 |
2.57 |
ផោន អង់គ្លេស (1GBP: US$)
|
1.405 |
1.410 |
យូរ៉ូ អឺរ៉ុប (1EUR: US$)
|
1.240 |
1.245 |
ហ្វ្រង់ ស្វីស (1CHF: US$)
|
0.905 |
0.910 |
ដុល្លារ អូស្ត្រាលី (1AUD: US$)
|
0.787 |
0.792 |
ដុល្លារ កាណាដា (1CAD: US$)
|
0.800 |
0.805 |
មាស គីឡូ (1CHI: US$)
|
160.5 |
161.5 |
កែប្រែរចុងក្រោយ ៖
09 - February - 2018
|
|
|