តារាថ្មី ជុំ រចនាពេជ្រ រីករាយពេល ទទួលបានតំណែងតួរង
|
July 17, 2013 (09:51:43)
|
[ 834 ] |
|
|
|
|
តារាស្រីរាងខ្ពស់ស្រឡះសាច់ស ប្រកបដោយទឹកមុខស្រស់ នាង ជុំ រចនាពេជ្រ ទើបតែចាប់អាជីពសម្តែង បានមួយរយៈប៉ុណ្ណោះ ស្រាប់តែទទួលបាន ឱកាសការងារច្រើនគួរសម ទាំងការថតភាពយន្ត និងស៉្បតពាណិជ្ជកម្ម ។ ជីវិតរបស់តារាស្រីស្រស់ស្អាត ពេលចាប់ផ្តើមឡើងកូដភ្លាម ងាយរងពាក្យចចាមអារ៉ាម បោកបក់ណាស់ អស់ពីមួយទៅមួយ ធ្វើឱ្យតារាខ្លះមិនសប្បាយចិត្តទេ ប៉ុន្តែសម្រាប់ស្រីស្រស់ ជុំ រចនាពេជ្រ អះអាងថា នាងនឹងប្រឹងចៀស ព្រោះ អ្វីៗស្ថិតនៅលើខ្លួនយើងជាសំខាន់។
អ្នកនិយមទស្សនាកម្មវិធី «តន្ត្រីជំរំតារា» របស់ទូរទស្សន៍ MYTV ដែលផ្សាយបន្តផ្ទាល់នៅរាល់រាត្រីថ្ងៃសុក្រ ពិតជាបានឃើញនាងជុំ រចនាពេជ្រ ដែលជាតារាសម្តែងថ្មីមានទឹកមុខស្រស់ទាក់ទាញ ដោយអ្នករៀបចំកម្មវិធីទទួលឱ្យចូលរួមសម្តែងជាមួយក្រុមរៀមច្បង មាននាង ព្រះកាយច័ន្ទ ចរិយា ពេជ្រ ព្រមទាំងសមាជិកមួយចំនួនទៀត ។ ប្រឡូកក្នុងពិភពសិល្បៈទើបតែបានរយៈពេលជាងមួយឆ្នាំប៉ុណ្ណោះ កញ្ញា ជុំ រចនាពេជ្រ ដែលអ្នកសិល្បៈនិយមហៅថា «កញ្ញាបេប៊ី» ត្រូវផលិតកម្មមួយចំនួនទាក់ទងឱ្យចូលរួមសម្តែងភាពយន្ត ព្រោះតែឃើញទេពកោសល្យល្អរបស់នាង និងឱ្យសម្តែងតួអ្វីក៏បានដែរគ្រប់រូបភាព ។
ពេលនេះ រចនាពេជ្រ កំពុងតែចូលរួមសម្តែងជាតួរងក្នុងខ្សែភាពយន្តភាគរបស់ស៊ីធីអិន រឿង «ព្រហ្មលិខិត» ដែលប្រជុំដោយតារា ល្បីៗរួមសម្តែងដូចជា នាងតូតា, លោក សាយ សៀរ៉ា, លោក ចា រិទ្ធី, លោក សោភ័ណ្ឌ ឡារី, កញ្ញា ចរិយា ពេជ្រ និងនាង អាង សុនីតា ជាដើម ។
ក្នុងជំនួបកាលពីពេល ថ្មីៗនេះជាមួយកោះសន្តិភាព នាងជុំ រចនាពេជ្រ ឱ្យដឹងថា នាងមាននិស្ស័យចូលចិត្តសិល្បៈតាំងពីនៅវ័យក្មេងម៉្លេះ ឱ្យតែឃើញរៀមច្បងសម្តែង នាងមើលតាម ធ្វើកាយវិការតាម និងតែងតែគិតថា ពេលណាមួយនឹងអាចក្លាយជាតារាដូចជាអ្នកទាំងនោះមិន ខាន ។ ដោយសារតែនាងមានទឹកចិត្តស្រឡាញ់ ទើបលោកតាវិចទ័រនៅស៊ីធីអិន ទាក់ទងឱ្យសម្តែង ហើយចេះតែមានឱកាសបានចេញមុខក្នុងពិភពសិល្បៈបន្តបន្ទាប់ បានថតភាពយន្ត និងមានទាំងស៉្បតពាណិជ្ជកម្មខ្លះទៀត ។ ឥឡូវនេះ ដោយសារតែការងារសិល្បៈកាន់តែហុចពន្លឺឱ្យច្រើន នាងនឹងខិតខំអភិវឌ្ឍរបៀបសម្តែងឱ្យកាន់តែល្អឡើង ។ នាងនឹងលួចហាត់រៀនតាមទេពកោសល្យរៀមច្បង និងស្តាប់គ្រូជួយបំពេញបន្ថែម ។
ក្រៅពីជាប់សម្តែងនៅកម្មវិធី «ជំរំតារា» រចនាពេជ្រ កំពុងតែមមាញឹកថតរឿង «ព្រហ្មលិខិត» បើទោះជាបានតំណែងជាតួរង តែនាងពិតជារីករាយដោយសារតែបានចូលរួមសម្តែងជាមួយតារារៀមច្បងជាឱកាសមួយអាចទទួលបានភាពទាក់ទាញបន្ថែមទៀត និងចាត់ទុកថានេះជាលទ្ធផលថ្មី ព្រោះមិនងាយមានតារាថ្មីណាបានសម្តែងជាមួយរៀមច្បងទេ ។
នៅពេលសួរថា តើមានត្រៀមចិត្ត ត្រៀមកាយហើយឬនៅ ពេលក្លាយជាតារាមានមនុស្សស្គាល់ច្រើន ងាយរងពាក្យចចាមអារ៉ាមណាស់ ពិសេសទាក់ទងនឹងរឿងស្នេហា រចនាពេជ្រអះអាងថា «ធម្មតាអ្នកល្បីពិតជាងាយជួបព្យុះចចាមអារ៉ាមណាស់ ពេលខ្លះមិនដឹងពាក្យនោះមកពីណាទេ ប៉ុន្តែសម្រាប់រូបនាងខ្ញុំគិតជាស្រេចហើយថា មុនធ្វើអ្វីមួយនោះសំខាន់ស្ថិតលើខ្លួនយើង បើគេគិតបែបណាជារឿងគេ ឱ្យតែយើងស្អាតស្អំ នោះពិតជាអាចប្រឈមនឹងពាក្យទាំងនោះបាន ។ បើនាងខ្ញុំមានពាក្យអាស្រូវខ្លាំងនោះ នាងខ្ញុំនឹងចូលខ្លួនបកស្រាយគ្រប់រឿងមិនទុកសម្ងំលាក់មុខឡើយ» ។
កញ្ញាជុំ រចនាពេជ្រ ហៅបេប៊ី ជាសិស្សថ្នាក់ទី១១ នៅវិទ្យាល័យសន្ធរម៉ុក និងជាសិស្សថ្នាក់ទី១២នៅសាលាប៊ែលធី ។ នាងជាកូនពៅនៅក្នុងចំណោមបងប្អូន៤នាក់ ក្នុងនោះប្រុស៣ នាក់ ។ ឪពុកឈ្មោះ ជុំ ឯម ជាយោធា អាយុ៥១ឆ្នាំ និងម្តាយឈ្មោះ អ៊ិន ប៊ុនណារី ជាមេផ្ទះអាយុ៤៩ឆ្នាំ សព្វថ្ងៃរស់នៅសង្កាត់ទឹកល្អក់ រាជធានីភ្នំពេញ ។មហាជននឹងរង់ចាំតាមដានខ្សែរឿងថ្មីដែលតារាកម្ពស់១,៦៤ម៉ែត្ររូបនេះសម្តែង តើមានទេពកោសល្យល្អកម្រិតណា ៕
|
|
|
. |
|
|
|
|
|
. |
|
រៀល កម្ពុជា (1US$: KHR)
|
4015 |
4022 |
បាត ថៃឡង់ (1US$: THB)
|
31.48 |
31.55 |
ដុង វៀតណាម (1US$: VND)
|
22,720 |
22,800 |
ដុល្លារ ហុងកុង (1US$: HKD)
|
7.75 |
7.87 |
យ៉េន ជប៉ុន (100JPY: US$)
|
0.905 |
0.910 |
ដុល្លារ សឹង្ហបុរី (10SGD: US$)
|
7.58 |
7.63 |
រីងហ្គីត ម៉ាឡេស៊ី (10MYR: US$)
|
2.55 |
2.57 |
ផោន អង់គ្លេស (1GBP: US$)
|
1.405 |
1.410 |
យូរ៉ូ អឺរ៉ុប (1EUR: US$)
|
1.240 |
1.245 |
ហ្វ្រង់ ស្វីស (1CHF: US$)
|
0.905 |
0.910 |
ដុល្លារ អូស្ត្រាលី (1AUD: US$)
|
0.787 |
0.792 |
ដុល្លារ កាណាដា (1CAD: US$)
|
0.800 |
0.805 |
មាស គីឡូ (1CHI: US$)
|
160.5 |
161.5 |
កែប្រែរចុងក្រោយ ៖
09 - February - 2018
|
|
|