ជិន ស្រីនុត មិនបានចាកចេញពីផលិតកម្ម Diamond Music នោះទេ
|
July 12, 2013 (10:21:12)
|
[ 692 ] |
|
|
|
|
បន្ទាប់ពីសារព័ត៌មានក្នុងស្រុកចេញផ្សាយថា កញ្ញា ជិន ស្រីនុត ហៅ លីនី បានវេចបង្វេច ចាកចេញពីផលិតកម្ម Diamond Music ហក់ទៅចូលផលិតកម្មប៊ីកមែនមក កញ្ញាបដិសេធចោលទាំងស្រុង ហើយថែមទាំងបញ្ជាក់ថា នាងមិនបានចេញទៅណាទេ មានតែត្រៀមបទចម្រៀងថ្មី និងចេញលក់ ក្នុងពេលឆាប់ៗខាងមុខនេះ ។
ក្នុងជំនួបជាមួយ CEN កាលពីពេលថ្មីៗនេះ តារាចម្រៀងជ្រកក្រោមដំបូលរបស់ផលិតកម្ម Diamond Music កញ្ញា ជិន ស្រីនុត បានឲ្យដឹងថា នាងមិនបានសម្រេចចិត្តដើរចេញពីផលិតកម្ម ដែលជាទ្រនំចាស់ ធ្លាប់សាងកេរ្តិ៍ឈ្មោះនេះឡើយ ។ ដោយសារឃើញស្ងាត់សកម្មភាព និងអត់មានបទចម្រៀងចេញថ្មី នៅផលិតកម្មនេះ ពួកគាត់ក៏ចេះតែផ្សាយថា ចេញពីមួយទៅមួយយ៉ាងដូច្នេះ ។ មិនយូរឡើយ Diamond Music នឹងចេញវ៉ុលថ្មី ហើយក្នុងនោះ ក៏មានបទចម្រៀងរបស់នាងចំនួនពីរបទ បែបមនោសញ្ចេតនា សម្រាប់ទាក់ទាញការគាំទ្រពីបណ្តាអ្នកស្តាប់ឲ្យកាន់តែច្រើន ។
កញ្ញារូបស្រស់ លីនី បានបន្តថា ថ្មីៗនេះ នាងជាប់រវល់ការងារសិល្បៈគួរសមដែរ ដោយច្រៀងតាមកម្មវិធីនានា និងមានថតខ្លះៗ តែខាងផ្នែកហិរញ្ញវត្ថុ ដូចជាមិនទទួលបានច្រើននោះទេ ព្រោះប្រជាប្រិយភាព និងកេរ្តិ៍ឈ្មោះរបស់នាងមិនទាន់ល្បីខ្លាំង ដោយសារទើបតែចូលប្រឡូកបានតិចឆ្នាំពេក ។
ស្ថិតលើរូបសម្រស់ក្មេងវ័យ កញ្ញា លីនី ទើបតែមានអាយុ២២ឆ្នាំ ហើយបើសួររឿងស្នេហា នាងរៀបរាប់ទាំងអឹមអៀនថា "ធម្មតាៗ ដូចគេដូចឯង មានអ្នកតាមស្រឡាញ់ច្រើន ប៉ុន្តែខ្ញុំមិនព្រមទទួលយកទេ ព្រោះគិតថា ខ្ញុំនៅក្មេងពេក ។ បើខ្ញុំយល់ព្រមទទួលយកការស្រឡាញ់ពីអ្នកណាមួយ គឺទាល់តែខ្ញុំមើលចិត្តថ្លើម ទុកចិត្ត និងស្គាល់ច្បាស់ពីបុរសម្នាក់នោះ "។ កញ្ញាបានបន្តថា " ខ្លូនត្រូវទីពឹងខ្លួន ហើយឱកាសនេះ ខ្ញុំនឹងខិតខំប្រឹងប្រែងតស៊ូឲ្យអស់ពីលទ្ធភាព ក្នុងការឈោងចាប់កេរ្តិ៍ឈ្មោះឲ្យល្បីក្នុងពិភពសិល្បៈ ទើបគិតដល់រឿងដៃគូជីវិត "។
មុននេះបន្តិច គេបានដាក់ការសង្ស័យទៅលើតារាចម្រៀងវ័យក្មេងសាច់សខ្ចី កញ្ញា ជិន ស្រីនុត ថា អាចលួចលាក់មានទំនាក់ទំនងស្នេហាក្រៅឆាកជាមួយថៅកែ ប៊ីកមែន ប៉ុន្តែភ្លាមៗនោះ នាងក៏បានចេញមុខធ្វើការបដិសេធចំពោះព័ត៌មាននេះផងដែរ ។
គួររំលឹកថា ការចូលសិល្បៈអស់ពេលជាង២ឆ្នាំមកនេះ កញ្ញា ជិន ស្រីនុត ហៅ លីនី បានទទួលបានការគាំទ្រ មិនចាញ់តារាល្បីៗប៉ុន្មានឡើយ ។ ដោយសារសមត្ថភាព និងទេពកោសល្យរបស់នាង ទើបកាលពីចុងខែកញ្ញាឆ្នាំ២០១២ កន្លងមកនេះ នាងត្រូវបានគេហៅឲ្យទៅសម្តែង និងចម្រៀងនៅប្រទេសអូស្ត្រាលីជាលើកដំបូង ហើយត្រឡប់មកវិញជាមួយនឹងភាពជោគជ័យយ៉ាងច្រើនមកវិញ ៕
|
|
|
. |
|
|
|
|
|
. |
|
រៀល កម្ពុជា (1US$: KHR)
|
4015 |
4022 |
បាត ថៃឡង់ (1US$: THB)
|
31.48 |
31.55 |
ដុង វៀតណាម (1US$: VND)
|
22,720 |
22,800 |
ដុល្លារ ហុងកុង (1US$: HKD)
|
7.75 |
7.87 |
យ៉េន ជប៉ុន (100JPY: US$)
|
0.905 |
0.910 |
ដុល្លារ សឹង្ហបុរី (10SGD: US$)
|
7.58 |
7.63 |
រីងហ្គីត ម៉ាឡេស៊ី (10MYR: US$)
|
2.55 |
2.57 |
ផោន អង់គ្លេស (1GBP: US$)
|
1.405 |
1.410 |
យូរ៉ូ អឺរ៉ុប (1EUR: US$)
|
1.240 |
1.245 |
ហ្វ្រង់ ស្វីស (1CHF: US$)
|
0.905 |
0.910 |
ដុល្លារ អូស្ត្រាលី (1AUD: US$)
|
0.787 |
0.792 |
ដុល្លារ កាណាដា (1CAD: US$)
|
0.800 |
0.805 |
មាស គីឡូ (1CHI: US$)
|
160.5 |
161.5 |
កែប្រែរចុងក្រោយ ៖
09 - February - 2018
|
|
|